wari uzi impamvu abana bakunda konka intoki?

Abana benshi bakunze kurangwa n’umuco wo konka kuva bakivuka kugeza ku myaka ine cyangwa kuzamura hejuru. ibi bi,unze gutera ababyeyi impungenge kuko bakeka ko abana babo batameze neza ariko ubu ni bumwe mu buryo abana bakoresha berekana ibyo bakeneye, mu gihe bibangamye, hari icyo umubyeyi yakora akabuza umwana we konka intoki.

Amakuru dukesha urubuga www.parenting.firstcry.com, impuguke mu bijyanye n’ubuzima bw’abana bavuga ko umwana iyo umwana arimo konka intoki biba bimwibutsa ko ari muzima, ku bana bakiri bato cyane usanga konka intoki biherekezwa no kuzunguza umutwe awerekeza iburyo n’ibumoso.

Dore impamvu nyamukuru zishobora gutuma umwana akunda kurangwa n’umuco wo kurya intoki:

Impamvu rusange itera abana konka ni inzara: abana bakiri bato ntibaba bazi ko amabere ariyo gusa atanga amashereka niko kwibwira ko konka intoki nabyo bishobora kuzana amashereka, ubu nibwo buryo umwana akoresha atanga amakuru y’uko ashonje.

Ikindi kintu gishobora gutera umwana konka intoki ni ukuba yarambiwe: ibi biba igihe umwana akangutse agasanga abandi basinziriye nyamara we yishakira gukina, gukinisha ibipupe cyangwa kwigaragura iyo abuze icyo akinisha akenshi ahita atamira intoki agatangira kuzonka.

Abana benshi bonka intoki nk’ikimenyetso cyo gusinzira: incuro nyinshi abana bafite uburyo bwo kugaragaza ibitekerezo byabo, hari umwana ushobora kuba ashaka gusinzira akonka yabura ibere agatangira konka intoki ibyo bikamubikira.

Umwana ashobora gukunda konka intoki nk’ikimenyetso cyo kumera amenyo: iyo umwana ari hafi kumera amenyo, ibinyigisha (ishinya) iramurya ariyo mpamvu bimusaba guhora ameze nk’urimo guhekenya ikintu agamije kugabanya uburibwe.

Konka intoki ku mwana bishobora guterwa no kuba umwana ashaka kumenya neza ikirere arimo: bitewe n’uko umwana aba ataramenya kumvisha amatwi ye n’amaso, iyo arimo konka intoki bimufasha kumenya neza ikirere kimuzengurutse.

Konka intoki bishobora kugira ingaruka mbi ku menyo mu gihe umwana yitegura kumera amenyo kandi ahora yonka intoki ibi bibangamira amenyo bigatuma afata forme y’uruziga, si ibyo gusa ahubwo byangiza ishinya y’umwana.

Murwego rwo kurinda umwana konka intoki bashobora gukoresha ibikoresho bitandukanye urugero hari ibikozwe muri plastique bifasha umwana babishyira mu kanwa ke bikamuhuza iyo akiri muto ntabashe gutamira no konka intoki.

Birakwiye kubungabunga ubuzima bw’umwana kuva akiri muto ndetse no kumenya ibyifuzo bye, nk’uko tubonye ko konka intoki ku bana biterwa no gusonza, kurambirwa...ni ngombwa gufasha umwana akiri muto nibwo azamuka afite ubuzima bwiza.

Source: www.parenting.firstcry.com