ubuhamya: uburyo Sam yabashije kwigobotora(...)

Kwamamaza

agakiza

ubuhamya: uburyo Sam yabashije kwigobotora imbaraga z’imyuka mibi agakizwa


Yanditswe na: Ubwanditsi     2020-06-10 10:31:45


ubuhamya: uburyo Sam yabashije kwigobotora imbaraga z’imyuka mibi agakizwa

Sam yari umusore w’umunyamurwango kandi wiyitaga Satani. Muyandi magambo yize ibintu byose byerekeranye n’idini ya Satani cyangwa se filozofiya ya Satani. Sam, yasanze hariho imbaraga cyangwa abadayimoni baboneshwa amaso. yakoreye Satani ku rwego rwo hejuru, icyakora umugambi w’Imana ntushobora guhera ku buzima bw’umuntu, byageze aho Sam yakira Yesu nk’umwami n’umukiza.

Sam aragira ati: "Nyuma nkorana na satani, narababaye. nabonye ibintu byose Satani atanga, ko amarira gusa nta munezero ubarizwayo. nabonye ko ubuzima bwo gukorana na satani ndetse n’abadayimoni butanyuze mpitamo gufata umwanzuro wo kwiyahura aho gukomeza nshimisha Satani.

igikorwa cyo kwiyahura nagiteguye neza nuko mbanza kugenzura ko nta muntu undeba hanyuma mfata imbunda nyitunga ku mutwe ariko ngerageje gukurura imbarutso ngo isasu risohoke biranga ndwana nabyo igihe kirekire kugeza ubwo nabonye binaniye ndabireka.

Sam yavukiye mu muryango utumvikana bivuze ko se na nyina bhoranaga amakimbirane ndetse byaje kubaviramo gutadukana, Sam yahoraga yifuza urukundo rwa kibyeyi no kubwirwa neza akabibura niko kwigira inama yo kuyuboka imbaraga z’imyuka mibi (Satani ) akeka ko ariho yabona ubutsinzi.

mu by’ukuri ntibyagarukiye aho mu ijoro ryakurikiyeho nagerageje na none kwiyahura nimanitse niko gufata umugozi nywuzirika hejuru nuko ndurira ndagije intebe nuririyeho nyitera umugeri yikubita hasi ariko kuko umunsi wanjye wari utaragera umugozi wahise ucika nikubita hasi mpagaze nkomeza kuba muzima.

nyuma yo kugeragaeza kwiyahura bikanga, Sam yafashe umwanzuro wo kwiyahuza ibiyobyabwenge ni ukuvuga inzoga, itabi ndetse na cocaine, icyo gihe yashakaga ko ibyo biyobyabwenge bijya mu mutwe bikangiza imitsi y’ubwonko hanyuma igikorwa cyo gupfa yagerageje kenshi kikagerwaho ariko nabyo ntibyamuhiriye na gato.

ijoro rimwe ubwo Sam yari aryamye nibwo yagiye kubona abona mu nzu ye harahindutse biramuyobera mu gihe akibyibazaho yumva ijwi rimubwira ngo Sam! Sam! byuka byuka nuko Sam yibwira ko ari abadayimoni barimo kubimubwira niko kwikanga kuko nubwo yari yarabanje gukorera Satani ariko ntiyanyurwaga no kugumana nawe ariyo mpamvu yahoraga ashaka kwiyahura.

byongeye kandi Sam akimara kumva iryo jwi yatangiye kurira yibaza uburetwa bwo kwa Satani mu mwanya muto yongeye kumva rya jwi rimuhamagara arikanga ndetse asesa urumeza, kuko nta kundi yari kubigenza yararyumviye arabyuka, akibyuka ijwi riramubwira ngo asohoke nuko ageze hanze yumva amavi ye atari gufata ananirwa kugenda yicara hasi agiye kubona abona umucyo udasanzwe uramumurikiye abona ikirere kireyutse kandi yumva ijwi rimubwira ngo "ni jye Yesu waje mu isi gushaka no gukiza icyari cyarazimiye".

kuva ubwo ubwo Sam yahise yumva ubuzima bwe buhawe icyerekezo niko kumenya ko igihe cyose yahereye agerageza kwiyahura bitari umugambi w’Imana ku bugingo bwe, bidatinze yaje kujya mu itorero arabatizwa ahinduka icyaremwe gishya muri Kristo Yesu, kugeza ubu ni umwe mu bantu batanga ubuhamya bugahindura abataramenya Kristo.

source: www.truthsaves.org

Ibitekerezo (1)

Innocent

17-06-2020    10:10

BIRABABAJE KUBONA MUSHYIRA KURI IYI NKURU IFOTO YA "GEORGE FLOYD" UMWIRABURA UHERUKA KWICIRWA MINNEAPOLIS, MURI LETA YA MINNESOTA, USA. MWABUZE INDI FOTO (CYANGWA MUKAREKA GUSHYIRAHO IFOTO) AHO GUSHYIRAHO IYA NYAKWIGENDERA?

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?