ubwenge bw’ikimonyo ikitegererezo ku muntu(...)

Kwamamaza

agakiza

ubwenge bw’ikimonyo ikitegererezo ku muntu wese


Yanditswe na: Ubwanditsi     2020-03-02 08:09:08


ubwenge bw’ikimonyo ikitegererezo ku muntu wese

Ubwenge ntibugurishwa bityo ntawe ushobora kubugura, icyo tugura bikemera ni ubumenyi. Ubwenge ni ikintu gihenze mu buzima kuko iyo umuntu ahindutse umunebwe bamugira inama yo kwigira ku kimonyo, wakwibaza uti ese ikimonyo kibayeho gute, ubwenge bwacyo ni ubuhe? Ese umuntu yakigiraho gute?

Ibimonyo ni ibiremwa bito cyane ariko bifite ubwenge butangaje. Umwami Salomo, umugabo w’umutunzi akaba n’umunyawenge kurusha abadi yavuze cyane ku bwenge bw’ibimonyo ndetse atubwira ko dukwiye kwitegereza ikimonyo tukakigiraho mu byo gikora byose btyo tukavanamo ibyatugirira umumaro.

Wa munyabute we, sanga ikimonyo, witegereze uko kigenza kandi ugire ubwenge (Imigani 6:6)

Muri iyi minsi abenshi muri twe bari gushaka abantu bahindutse ibyamamare kugirango babigireho ubwenge ariko Bibiliya yo itubwira gusanga ibimonyo. Ni muri urwo rwego tugiye kurebera hamwe uburyo ikimonyo gikoresha ubwenge bwacyo kugirango gisohoze imigambi yacyo no gutegura ejo hazaza.

Bibiliya ivuga iki ku bwenge bw’ikimonyo

“Ibimonyo ni ubwoko budakomeye, ariko byibikira ibyo kurya mu cyi” (Imigani 30:25)

Iyo witegereje neza usanga ibimonyo bigendera mu byerekezo bibiri bitandukanye (zimwe zizamuka izindi zimanuka) kandi zigendera hamwe ku murongo iyo zigiye kuzana ibyo kurya icyo ni icyitegererezo cy’ubufatanye. Ibimonyo bikusanya ibyo kurya mu gihe cy’imvura hanyuma impeshyi yaza zikishimira umurimo w’amaboko yazo muri macye zitungwa n’ibyo zaruhiye.

Wakwibaza ngo ese ninde ubwira ibimonyo ko impeshyi izaza kugirango bibashe kuzigama ibyo bizarya? Nta muntu ubibwira, ahubwo ni ubwenge karemano Imana yabihaye.

Mu by’ukuri ubwenge bw’ibimonyo buratangaje, reba nawe ibimonyo bizi kubara amagi yabyo no kuyapanga bitewe n’ikigero cy’ubukure agezemo. Iyo ibimonyo iyo bigiye gushaka ibyo kurya, bishyira ikimenyetso mu nzira zanyuzemo kugirango byenewabo nabyo bize kuyinyuramo byose bibashe kuzana amahaho kandi hataza kugira ikiyoba kikibagirwa aho gitaha.

Iyo hagize umuntu usenya inzira y’ibimonyo, ako kanya bihita bimenya ko bigomba gushaka indi vuba vuba ndetse zigahindura icyerekezo nta muntu uzigiriye inama kandi ibimoyo ntibishobora kuyoberwa ahantu hari ibiribwa n’aho haba kure bijyayo.

N’ubwo ibimonyo bitagira umuyobozi, bizi kwishira kuri gahunda ubwabyo, buri kimonyo cyita kuri kigenzi cyacyo bikiyemeza no kuba byapfira hamwe. Ibimonyo bikorera hamwe kandi bikishimira imirimo y’amaboko yabyo.

Ubwenge bw’ikimonyo burenze imitekerereze ya munyu kuko n’ubwo ikimonyo kigira umubyimba muto, gishobora kwikorera ibyo kurya bikubye incuro 10 umubyimba wacyo.

Imana yaremye inyamaswa zose ifite impamvu kandi izi ubushobozi zifite kandi buri nyamaswa ifite icyo yigisha umuntu. N’ubwo byaremwe hanyuma bigahabwa umuntu kubibera umutware ariko hari ubwenge bwinshi cyane ibyaremwe byigisha umuntu.

Isomo dukwiye kwigira ku bwenge bw’ikimonyo:

Ibimonyo bishyira hamwe: dukwiye kwigira ku bimonyo gushyira hamwe no gufashanya kugera ku ntego nziza. Niba wifuriza mugenzi wawe ibyiza mufashe nawe ibyo byiza bizakugarukira (Abafilipi 2:4)

Ibimonyo birakundana: ibimonyo birakundana ku buryo kimwe gishobora gupfira ikindi ariyo mpamvu Bibiliya itubwira ko nta rukundo ruruta urw’umuntu wemera gupfira incuti ye (Yohana 15:20)

Ibimonyo bizi guteganyiriza ahazaza: aha ndashaka ko buri wese akwiye kuhumva neza uburyo ibimonyo biteganiriza ahazaza, ibimonyo bizi ubwenge bwo gutekereza ko hazaza igihe gikomeye ku buzima bwabyo hanyuma bikigira inama yo kujya gushaka no kuzigama ibyo kurya by’ahazaza mu gihe kibi. Umuntu nawe akwiye gutekereza ko hashobora kubaho igihe kibi ku buzima bwe n’umuryango we hayuma akamenya kuzigama.

Muri macye amasomo twakura ku bimonyo ni uko tugomba gusangira ibyo dufite na buri wese hatabayeho kuvangura kuko ibimonyo nabyo iyo igihe cy’impeshyi kigeze byose bisangira ibyo byazigamye nta vangura ribayeho.

source:wwwafricanparadiseworld.com

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?