kumenya agaciro k’igihe ni urufunguzo rw’ubuzima

Kwamamaza

agakiza

kumenya agaciro k’igihe ni urufunguzo rw’ubuzima bwiza bwubaha Imana


Yanditswe na: Ubwanditsi     2020-02-17 08:14:18


kumenya agaciro k’igihe ni urufunguzo rw’ubuzima bwiza bwubaha Imana

Igihe ni ikintu gihenze Imana yaduhaye. ku bijyanye n’umurimo, abantu bagena cyangwa bagenerwa umushahara bagendeye ku masaha bakoze. Agaciro k’igihe karumvikana kuri buri wese ariho usanga abantu bihuta ngo badakerererwa mu nama n’ahandi.

Igihe ni icy’agaciro kuri twese, uko igihe kiba gito, niko kirushaho guhenda cyangwa kugira agaciro kenshi. Hano hari impamvu zigaragaza ko igihe gifite agaciro gakomeye:

Igihe gifite agaciro kuko Imana yagikoresheje igena ubuziraherezo

Salomo yanditse igitabo cy’umubwiriza igice cya 3:11 asobanura byinshi bijyanye n’igihe “ikintu cyose yakiremye ari cyiza mu gihe cyacyo. Kandi yashyize ibitekerezo by’igihe cy’iteka mu mitima yabo, uburyo umuntu atabasha gusesengura imirimo Imana yakoze uhereye mbere na mbere ukazageza ku iherezo”

Mu gihe twifuza ubuzima bw’iteka, dushaka kubana n’Imana ihoraho. Ibyo dukora ubu dukiranuka nibyo bigena ko tuzabaho ubuziraherezo. Igihe cyacu hano ku isi kidufasha kwiyunga n’Imana binyuze muri Yesu Kristo . igihe gifite agaciro kuko muri cyo tugira ububasha bwo kwizera Kristo bityo tugacika umubabaro w’iteka ryose uzaba ku banyabyaha.

Igihe gifite agaciro kuko ari kigufi

Ni iki? Muri igihu kiboneka umwanya muto kigahera ko kigatamuka (Yakobo 4:14) igihe ni cyiza ariko tugifite ari gito, kandi gihita vuba. Imana yateguye umunsi wo kuvuka n’uwo gupfa ku buryo nta n’isegonda na rimwe rigomba kurengaho ku gihe cyagenwe.

Ikibabaje, bamwe muri twe dupfusha igihe cyacu ubusa ndetse n’amahirwe tubonye bitewe na kamere y’ubupfapfa. Mwanditsi wa Zaburi 90 yarvuze ati: "utwigishe kubara Iiminsi yacu uburyo bwo gutunga umutima w’ubwenge"
Dukeneye kwigishwa kuba abanyabwenge tukamenya gukoresha neza igihe Imana yaduhaye. Bityo reka dusabe Imana itwigishe kubara iminsi yacu ndetse n’umutima w’ubwenge.

Byaba bibaje cyane niba tumara ubuzima bwacu bwose dukora cyane kugirango tubone imidali n’andi mashimwe bizashira, ubukire bwo mu isi ntiburamba
Bityo, kuko igihe gihenze kandi ari gito, reka dukoreshe igihe cyacu mu bwenge duhesha Imana icyubahiro tuzabashe kubana nayo ubuziraherezo.

Igihe gifite agaciro kuko tutazi icyo dufite uko kingana

Ni umugisha ukomeye uvuye ku Mana kumenya igihe tuzapfira. Ahubwo usanga duhora duhangayitse nyamara umwanditsi wa Zaburi atubwira ko tudakwiye kwibwira iby’ejo kuko buri munsi uzana ibyawo. Ubwenge bwacu n’ubunararibonye ntibushobora kutubwira igihe dufite uko kingana. Reka rero twite ku gihe cyacu kandi tugikoreshe uko bikwiye.

Marc Levy yaravuze ati: “ niba ushaka kumenya agaciro k’umwaka, baza umunyeshuri watsinzwe isomo agasibira. Niba ushaka kumenya agaciro k’ukwezi, baza umubyeyi wabyaye umwana udakuze. Niba ushaka kumenya agaciro k’isaha imwe, baza abakundana bategereje guhura. Niba ushakakumenya agaciro k’umunota umwe, baza umuntu wabuze bisi. Niba ushaka kumenya agaciro k’isegonda, baza umuntu urokotse impanuka y’imodoka”

Uzamenya agaciro k’igihe, numara kumenya ko udafite igihe kirekire, reka tumenye gukoresha igihe cyacu neza nk’abakristo tunezeza Imana kugirango tuzashobozwe kubana nayo ubuziraherezo tutakirukanswa n’igihe.

Source: wwwchristiantoday.com

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?