Wari uzi ko ubunyobwa ari ingenzi mu buzima?

Kwamamaza

agakiza

Wari uzi ko ubunyobwa ari ingenzi mu buzima?


Yanditswe na: Ubwanditsi     2020-04-15 05:50:38


Wari uzi ko ubunyobwa ari ingenzi mu buzima?

Ubunyobwa ni igihingwa kigufi kirandaranda kigashora imizi mu butaka. Ubunyobwa bwakomotse muri Amerika bukwirakwizwa na ba mukerarugendo bo mu gihugu cya Espagne, kugeza ubu ubunyobwa bwakwiriye hose ku isi. Ubunyobwa ni ingenzi kuko bwiganjemo intungamubiri zitandukanye ndetse n’imyunyu ngugu ifasha umubiri kumererwa neza.

Ubunyobwa bugira amazina atandukanye mu rurimi rw’igifaransa (arachides,cacahouettes ) naho mu rurimi rw’icyongeraza (peanuts, nuts)

Ubunyobwa nyuma yo gutera imbuto zabwo mu butaka, bumara nibura iminsi 120 kugeza ku minsi 150 bukaba bweze neza bugasarurwa. Ubunyobwa bugira indabo z’umuhondo arizo zinjira mu butaka zigahinduka intete tubona mu gihe cyo gusarura.

Ku bw’ibyo tugiye kurebera hamwe akamaro ubunyobwa bufitiye umubiri wacu haba kuburya ari bubisi, buteste cyangwa kurya amavuta yabwo.
Ubunyobwa butera imbaraga: ubusanzwe ubunyobwa buzwi nk’igihingwa gitera imbaraga aho usanga muri garama 100 harimo calories 567.

Ubunyobwa ni isoko y’ intungamubiri zitandukanye: mu bunyobwa dusangamo vitamine, umunyu ngugu wa potasiyumu, sodiyumu, manyesiyumu na kalisiyumu. Ibi byose bituma umubiri uhorana ubusugire.

Ubunyobwa bukungahaye kuri oleic acid, iyi acid ifite umumaro wo kugabanya colesterol mbi mu maraso ikayihindura cholesterol nziza bityo bigatuma umubiri uca ukubiri n’indwara z’imitsi itwara amaraso.

Ubunyobwa bugira umumaro wo gukumira indwara z’igifu:ubushakashatsi bwagaragaje ko ubunyobwa bwifitemo polyphenolic acid ifite uumaro wo kugabanya ibyago byo kurwara kanseri y’igifu.

Ubunyobwa bugira umumaro wo kunoza inzira y’amaraso kugera ku bwonko: mu by’ukuri ubunyobwa bubonekamo vitamine B-6 hakabamo n’icyo twita niacin ku kigero cya 85% ifasha mu gutunganya itembera ry’amaraso ajya ku bwonko.

Muri macye ubunyobwa ni igihingwa cy’ingenzi ku mubiri wacu kuko bwiganjemo intungamubiri zitandukanye ndetse n’imyunyu ngugu umubiri wacu ukenera. Ubunyobwa kandi kuburya kenshi buteguye neza bigira umumaro wo kurinda canseri n’izindi ndwara zitandukanye.

Source: www.nutrition-and-you.com

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?