Wari uzi ko icyo ubibye aricyo usarura?

Kwamamaza

agakiza

Wari uzi ko icyo ubibye aricyo usarura?

byanditswe na: Ubwanditsi     2019-10-08 03:58:56

agakiza

Kugirango umuntu abone umusaruro mwiza, bimusaba gutera imbuto nziza y’indobanure. “Mutange namwe muzahabwa. Urugero rwiza rutsindagiye, rucugushije, rusesekaye nirwo muzagererwa, kuko urugero mugeramo arirwo muzagererwamo namwe (Luka 6:38)”

Iyo umuntu abibye cyangwa se ateye imbuto ye mu butaka, aba yiteze umusaruro mwinshi uruta ya mbuto yateye. Ibi nibyo twagereranya n’umuntu ukora ku butnzi bwe agatanga. Gutanga biri ukwinshi hari ugufasha abakene, gutanga amaturo, gufasha umurimo w’Imana n’ibindi, ibi byose iyo ubikoze ubikunze uba witeganyirije kuko bikuzanira umugisha ukomeye cyane.

Tugiye kureba urugero rw’umuntu witwa Eric Célérier aho atubwira uburyo yatanze hanyuma Imana ikamugororera bishimishije. Yabonye ibiruta ibyo yatanze.
“Mu mezi macye mbere y’ubukwe bwacu, naganiriye na Muriel,umukobwa twendaga kubana ku bijyanye no gutera inkunga igiterane cyendaga kuba ku rusengero rwacu. Muriel yafashe amafaranga ashimishije arayatanga kugirango igiterane kizagende neza. Nyamara igiterane cyaje kurangira ntitanze numva birambabaje.

Nyuma y’igihe gito Imana yaje kungerageza. Yashyize mu mutima wanjye igitekerezo cyo kugurisha ibikoresho byanjye bya muzika byose nakoreshaga hanyuma nkayatanga ku rusengero agafasha mu nyubako twari dufite.

Ntibyarangiriye aho gusa, ahubwo yansabye no gutanga gitari nakundaga by’umwihariko nari narayiguze mu ushahara wanjye wa mbere. Ntibyari binyoroheye, nabanje kurwanya icyo gitekerezo arilo byarangiye nubashye Imana nemera gutanga ibyo bikoresho byose.

Iyo Imana idusabye kubiba ni uko iba ishaka kumeza imbuto zacu kugirango zizabashe gutanga umusaruro ushimishije uyihesha icyubahiro.

Mu gihe Eric na Muriel barimo biga inyigisho zerekeranye no gushyingirwa, baje gukenera amafaranga yo gukoresha. Ariko Imana icyo yadusabye ni ukuyizera gusa akaba ariyo dutura ibyifuzo byacu. Muri za mbuto twabibye Imana yaduteguriyemo umugisha ukomeye cyane w’amafaranga ndetse no kudutegurira ejo hazaza heza. Kugeza ubu turanezerewe tunejejwe n’ibyo Imana yadukoreye byose.

Kuva uwo munsi sinabona uko mvuga ubuntu twagiriwe ndetse na kado twahawe n’umubyeyi wacu mbese ibyo twari dukeneye byose yaba imodoka z’ubukwe, amafaranga n’ibindi byose uwiteka yarabiduhaye kandi ku bwinshi.”

Mu by’ukuri tugomba kubiba kugirango tuzasarure. Niba Imana idusabye gutanga ikintu icyo ari cyo cyose yemwe n’amafaranga, si uko iba ishaka kutugora ahubwo iba ishaka kumeza izo mbuto twabibye kugirango zizaduhe umusaruro mwiza ku bw’ubuntu bw’Imana.

Source: topchretien.com

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?