Wari uzi ko ibishishwa by’imineke bifite(...)

Kwamamaza

agakiza

Wari uzi ko ibishishwa by’imineke bifite umumaro utangaje?


Yanditswe na: Ubwanditsi     2020-06-03 09:00:19


Wari uzi ko ibishishwa by’imineke bifite umumaro utangaje?

Imineke ni imwe mu mbuto nziza cyane , Atari uko iryoha gusa, ahubwo bitewe n’uko imineke ikungahaye ku ntungamubiri ndetse n’imyunyu ngungu y’uburyo bwinshi umubiri wacu ukenera mu buzima bwa buri munsi kandi ni umuti ku ndwara zitandukanye.

Mu gihe abantu benshi bamara kurya imineke bakihutira kujya kujugunya ibishishwa uwo mwanya, burya ni igihombo kidasanzwe kuko ushobora gusanga igishishwa gikungahaye kurusha uumuneke. Reka turebere hamwe akamaro k’igishishwa cy’umuneke.

Igishishwa cy’umuneke gitera umubiri kugira akanyamuneza:
Bitewe n’uko mu gishishwa cy’umuneke habamo acide amino kandi ikaba ingenzi mu gutera umubiri kugira akanyamuneza, ufata igishishwa cy’umuneke ukagikonka ukoresheje ikiyiko hanyuma ibirimo ukabirya.

Igishishwa cy’umuneke kivura ubumara bw’inzuki n’utundi dukoko:
Mu gihe inzuki, amavubi, ibivumvuri cyangwa utundi dusimba, ni byiza kwifashisha igishishwa cy’umuneke ukagikuba ahantu urimo kubabara burya ubumara buhita bushira ukongera kuba muzima.

Ibishishwa by’imineke bikesha inkweto zikozwe muri Siliver:
Igishishwa cy’umuneke ni ingenzi ku nkweto zikozwe muri silive. Ufata igishishwa ukagikubaho nibura nk’igihe cy’umunota, inkweto zigenda zirushaho gucya zikarabagirana.

Igishishwa cy’imineke kigabanya uburibwe:
Iyo wumva ahantu runaka ku mubiri harimo ku kurya, ushobora gukubaho igishishwa cy’umuneke ukavanga n’amavuta akomoka ku bimera, icyo gihe uhita umererwa neza.

Kurya igishishwa cy’umuneke bifasha umuntu gusinzira neza:
Bitewe n’intungamubiri nyinshi dusanga mu gishishwa harimo n’izituma umuntu abasha gusinzira neza ku buryo ubwonko buruhuka.

Ibishishwa by’imineke bikesha amenyo:
Koza amenyo ni igikorwa gihenda cyane iyo ugikoresheje kwa muganga, nyamara ushobora gukesha amenyo yawe ukoresheje guhekenya igishishwa cy’imineke.

Muri macye si byiza kujugunya ibishishwa by’imineke tutabanje kubibyaza umusaruro kuko bivura indwara nyinshi zitandukanye kandi byifashishwa mu gusukura ibikoresho, nimucyo rero turusheho gushyira mu bikorwa ibyo twungutse.

Source: www.littlethings.com, www.stylecraze.com

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?