Wari uzi ko epinari ari ingenzi mu mubiri(...)

Kwamamaza

agakiza

Wari uzi ko epinari ari ingenzi mu mubiri w’umuntu?


Yanditswe na: Ubwanditsi     2020-04-03 07:38:03


Wari uzi ko epinari ari ingenzi mu mubiri w’umuntu?

Epinari ni imboga ziri mu bwoko bwa beterave, izi mboga zizwiho kuba zikungahaye ku munyu ngugu wa fer ndetse na vitamine ziatandukanye nka vitamine A, vitamine B9, vitamine K na vitamine C. epinari ni imboga z’ingenzi mu mubiri w’umuntu.

Tugiye kurebera hamwe uburyo izi mboga (epinari) ari ingenzi ku mubiri w’umuntu uwo ari we weseyaba muto cyangwa mukuru:

Epinari zifasha urwungano ngogozi:
Imboga za epinari ziganjemo ibyo bita fibre zifite umumaro wo kunoza imirimo y’urwungano ngogozi

Epinari zifitiye zituma ubwonko bukora neza ndetse yongera n’ubudahangarwa bw’umubiri:

ubusanzwe epinari ni imboga nziza ariko by’umwihariko zigira umumaro mu gihe cy’ubwana n’ubugimbi.

Vitamine B9 iba muri epinari ni ingenzi cyane ku mugore utwite kuko kubura kwayo bishobora gutuma inda ivamo cyangwa iremwa ry’ingingo z’umwana ntiribashe kugenda neza.

Kurya epinari ku buryo bukwiye birwanya kanseri:

Bitewe na fibber nyinshi ziboneka mu mboga za epinari, byagaragaye ko bitanga amahirwe yo kudafatwa na kanseri ifata urutirigongo. Kugeza ubu nta kiribwa na kimwe kiragaza ubushobozi bwo gukiza kanseri ariko gufata ibiribwa bishyitse kandi bikungahaye kuri antioxydants bishobora kugufasha kuyikumira itaragaragara.

Epinari zifasha amaso kugubwa neza:

Kurya epinari bifitiye amaso umumaro ukomeye kuko bigabanya ibyago byo kwangirika kw’imitsi y’ubwonko ikorana n’amaso bitewe n’uko mu mboga za epinari higanjemo ibyo bita carotenoides.

Mu by’ukuri epinari ni inkomoko ya kuko muri miligarama habamo 3.61, ku bijyanye na fer kurya epinari ni ukwiteganyiriza ni nko kurya inyama zitukura.

Epinari ni inkomoko ya vitamine ndetse n’imyunyu ngugu bitandukanye:
izi mboga zikungahaye kuri vitamine A, vitamine B9 na vitamine K, epinari kandi zikungahaye cyane kuri vitamine C, B6 ndetse n’ikigero gicye cya vitamine E.

Epinari ni inkomoko y’imyunyu ngugu: fer, magnesium, calcium, potassium, cuivre, zinc, iode, selenium n’indi.

Muri macye epinari ni imboga nziza cyane zifitiye umubiri akamaro kuko zongera ubudahangarwa bw’umubiri ndetse ziganjemo intungamubiri zitandukanye ndetse n’imyunyu ngugu umubiri w’umuntu ukenera.

Source:
https://docteurbonnebouffe.com/
https://sante.lefigaro.fr/
https://www.lanutrition.fr/tout

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?