Wari uzi ko Amafaranga atagura byose?

Kwamamaza

agakiza

Wari uzi ko Amafaranga atagura byose?

byanditswe na: Ubwanditsi     2019-10-15 07:45:34

agakiza

“Ariko ntawubasha gucungura mugenzi we na hato, cyangwa guha Imana incungu ye. Kugirango arame iteka atabona rwa rwobo, kuko incungu y’ubugingo bwabo ari iy’igiciro cyinshi ikwiriye kurekwa iteka” (Zaburi 49: 8-9)

Abahanga benshi mu gutekereza bafashe umwanya uhagije bavuga ku ngingo ijyanye n’ubushobozi bw’amafaranga. Dore bimwe mu byo bavuze:

• Ushobora kugura ibyishimo ariko ntushobora kugura urukundo
• Ushobora kugura umukozi, ariko ntushobora kugura incuti
• Ushobora kugura umugore, ariko ntushobora kugura umufasha mwiza
• Ushobora kugura ibiryo, ariko ntushobora kugura kuryoherwa (appetit)
• Ushobora kugura imiti,ariko ntushobora kugura ubuzima.

Mu by’ukuri ikiguzi rukumbi gishobora kutugurira ibyo twebwe tudashoboye kugura ni icyo Yesu Kristo yishyuye.

Mu gitabo cy’umuhanuzi Yesaya 1:11, uwiteka yabwiraga ubwoko bwe ko atishimira ibitambo bitagira ingano bayitambira kuko yashakaga kubereka ko atari byo byakuraho ibicumuro byabo.

Ku bijyanye n’ikiguzi cyo gucungurwa, Imana yatwibukije ko kidashoboka. Ntigishobora guturuka mu biremwa bifite ubuzima cyangwa impano, byo byose tibyabasha kuducungura. Ibi byose ntibyabasha kuruhura roho zacu, ibyo twakwibwira byose ni ukwibeshya amaraso ya Yesu niyo kiguzi nyakuri.

Ikiguzi kimwe rukumbi twaguzwe ni icyo Yesu yishyuye i Gologota ku musaraba kugirango tubabarirwe ibicumuro byacu, bityo tuzabashe kubona ubugingo buhoraho. “Kuko muzi ko ibyo mwacungujwe ngo muve mu ngeso zanyu zitagira umumaromwatojwe na ba sekuruza banyu atari ibyangirika nk’ifeza cyangwa izahabu. Ahubwo mwacungujwe amaraso y’igiciro cyinshi nk’ay’umwana w’intama utagira inenge cyangwa ibara, ariyo ya Kristo (1Petero 1:18-19)

Ntibyadushobokera kugura agakiza, kimwe n’uko tutabasha kurondora imigisha yo mu gakiza k’Imana. Ikindi kandi si ukubera ko hari ibyo twatanze kugirango tubone umugisha.

Dukwiye gushima Imana ku bw’imbabazi zayo n’umugisha wayo yatugaragarije ubwo yemeraga gutanga umwana wayo Yesu Kristo ngo aducungure.

Source: www top chretien.com

Vestine agakiza.org

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?