Ubuhamya: "Uzahitamo kuba mu buzima bw’icyubahiro

Kwamamaza

agakiza

Ubuhamya: "Uzahitamo kuba mu buzima bw’icyubahiro no gukomerwa amashyi mu isi y’imyidagaduro, cyangwa ubuzima bwawe buzitangira umurimo wanjye?"


Yanditswe na: Ubwanditsi     2020-10-19 09:03:48


Ubuhamya:

Peter Cameron Scott ubwo yari ahagaze ku nzu ya opera( Inzu yakinirwagamo amakinamico, n’ibijyanye n’imyidagaduro). Icyo gihe Peter Cameron Scott yumvise ijwi neza, nkaho Imana yafashe mpiri ibitekerezo by’umuntu. Yari ahamagariwe kujyana ivugabutumwa muri Afurika, aho benshi barimo barimbuka.

Muri ako kanya, yafashe umwanzuro uteye ubwoba. Yagombaga kumvira Imana. Icyemezo cye cyamushyize mukurebesha amaso ye imva muri Afurika afite imyaka makumyabiri n’icyenda y’amavuko. Icyo gihe yari amaze gushyingura murumuna we John, ubwo bari bonyine muri Afurika. Ese icyo kemezo kuki yagifsahe?, Hanyuma se byari bikwiye ko ajya muri Africa?

Peter Cameron Scott ni muntu ki?

Peter yavukiye muri Scotland (aho yigeze no kwitabira inama y’ivugabutumwa ya Dwight L. Moody akanashimishwa cyane no kuramya kwaho hantu). Umuryango we wimukiye muri Pennsylvania ubwo yari akiri umusore muto. Abakristo, banze kumwemerera kwinjira mu rwego rwa opera( Aho bakiniraga amakinamico n’imyidagaduro), Ahubwo, ku myaka makumyabiri n’ ibiri ye y’amavuko, yinjira mu kigo cya Christian Alliance Training Institute, i New York. Uyu ni umwe mu mirimo yashinzwe na A. B. Simpson, wabaye umwe mu bagize ihuriro ry’abakristo n’abamisiyoneri.

Peter ntiyigeze yihanganira kurangiza amasomo ye, mu gihe Abanyafurika barimo gupfa barimbutse, batazi Kristo. Yakusanyije abasore barindwi bashishikarira kujya mu ivugabutumwa muri Congo bafata ubwato barerekera. Bidatinze murumuna wa Peter John, yaje kumusangayo ariko kubw’amahirwe make ahasiga ubuzima azize indwara. Peter yaje kumwishyingurira. John yari yaranduye imwe mu ndwara zari zikaze kandi ziteye ubwoba muri Kongo.

Byagaragaye ko Peter agomba kuva muri Afurika cyangwa nawe akahagwa, kubera ko yari arwaye malariya. Byabaye ngombwa ko asubira mu Bwongereza kwivurizayo. Ubwo yari aho, afite intege nke kandi yihebye, yashishikariye kujya asoma ibyo abandi bamisiyoneri bakoze . Yari afite agahinda kuko ntiyabonye uburyo ashobora gusubira muri Afrika mu ivugabutumwa.

Yapfukamye imbere y’imva ya David Livingstone muri Westminster Abbey, asoma aya magambo ati:

Nanjye mfite izindi ntama ngomba kuzana, ariko si iz’ubu.

Yahagurukanye ukwiyemeza gushya n’ibyiringiro. Yagarutse muri Amerika maze ashinga Misiyoni y’abanyafurika. Agarutse muri Afurika, yari kumwe n’itsinda rishya ku munsi nk’uyu ku ya 17 Ukwakira 1895. Abo bagabo bageze i Mombasa, muri Kenya. Peter ntiyabimenye, nyamara ariko yari anasigaje amezi atarenze cumi nane yo kubaho.

Yakomeje imbere mu gihugu kugira ngo ashyireho Misiyoni kandi yamamaze ubutumwa bwiza. Imirimo y’ubutwari ye niyo yagaragaje umuhati yagiraga. Icyakora Abanyafurika bake icyo gihe nibo bahindukiriye Kristo. Peter yapfuye ku ya 8 Ukuboza 1896 azize umuriro.

Nyuma y’urupfu rwe, bagenzi be na bo bagiye bapfa umwe kuri umwe. Abandi baje kubasimbura, bamwe bitwaje ibikoresho byabo mu masanduku!. Ubwitange nk’ubwo amaherezo bwaje gufungura imitima y’Abanyafurika. Nyuma y’igihe, ibihugu byinshi byo muri Afurika byajemo ubukristo. Muri kenya ni hamwe muri ho, Abakristo batari bageze kuri 1% muri 1900, muri iki gihe ni 79%. Peter Cameron Scott yatanze umusanzu ukomeye mu gukura kw’itorero ryo muri Africa n’ahandi ku isi.

Source: ChristianityToday.Com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?