Advertisements

agakiza

Advertisements

agakiza

Urukundo ruhebuje byose kuba ingenzi

Kwamamaza

agakiza

Urukundo ruhebuje byose kuba ingenzi

byanditswe na: Ubwanditsi     2019-11-05 06:44:42

agakiza

Hano mu isi abantu benshi bashyira imbere amafaranga ariko ntashobora kunezeza umuntu iteka, icyubahiro nacyo ntigishobora gutanga umutuzo, kwihohorera ku waguhemukiye nabyo nyibitanga kunyurwa nyamara urukundo nicyo kintu kidashira kandi rutanga amahoro asesuye utabasha kubona ahandi.

Bibiliya iravuga iti: “urukundo ntabwo ruzashira. Guhanura kuzarangizwa no kuvuga izindi ndimi kuzagira iherezo, ubwenge nabwo buzakurwaho” (1abakorinto 13:8)

Hari ingero z’abantu Bibiliya baranzwe n’urukundo ruzira uburyarya harimo Yonatani na Dawidi. Yonatani yari umuhungu wa Sawuli umwami wa Isiraheli, Yonatani yakundaga Dawidi urukundo rutarondoreka kugeza ubwo yajyaga aburira Dawidi mu gihe Sawuli yashakaga kumwica. Ni byiza rero ko abantu bakundana batagize icyo bahishanya.

Pawulo nawe yakundanaga na Timoteyo dore ko yari yaramubyaje ubutumwa bwiza, iteka ryose Pawulo yahoraga ahangayikiye Timoteyo, amugira inama nyinshi zitandukanye, amubwira ko agomba kurinda agakiza yagabiwe ngo hato hatazagira umutwara ikamba rye.

Mu gihe mu isi tubura amahoro tugahora mu midugararo, nyamara ubwami bwa Yesu ni bwo bwonyine bwubakiwe ku rukundo, abamwikomezaho bazaragwa ubwo bwami maze bibere amahoro masa.

Imwe mu nama yabereye muri Leta zunze ubumwe za Amerika yahuje abayobozi, abahagarariye Leta babajije umuyobozi wabo bati: “ni gute isi yabona amahoro?”umuyobozi yarabasubije ati: “musubire iwanyu hanyuma mukunde imiryango yanyu” buri wese nabikora, isi izahinduka Paradizo.

Napoléon Bonaparte yaravuze ati: Alexendre, Cesar, Charlemagne nanjye ubwanjye twubatse ubwami bukomeye. Ariko se icyo nibaza ubwami bwacu bushingiye kuki? Ubwami bwa Yesu gusa nibwo bwubakiye ku rukundo, kugeza ubu amamiliyoni y’abantu biteguye gupfa kubwo urukundo bakunda Yesu.

Mu by’ukuri ntihakwiye kugira ibigenderwaho ngo abantu bakundane twavuga irondamoko, irondaruhu ibi byose si byo twashingiraho dukunda, mu byo dukora byose dukwiye kurangwa n’urukundo, niba ari abayobozi bakwiye kuyoborera mu rukundo, niba ari umwigisha yigishe mu rukundo kuko bintu byose bizashira ariko urukundo ruzahoraho iteka ryose.

Mu rwandiko Pawulo yandikiye abakorinto yabasobanuriye ibiranga urukundo agira ati: urukundo rurihangana, rukagira neza, urukundo ntirugira ishyari, urukundo ntirwirarira, ntirwihimbaza, ntirukora ibiteye isoni, ntirushaka ibyarwo, ntiruhutiraho, ntirutekereza ikibi ku bantu, ntirwishimira gukiranirwa kw’abandi ahubwo rwishimira ukuri, rubabarira byose, rwizera byose, rwihanganira byose.” 1Abakorinto 13: 4-7.

Ku bw’ibyo dukwiye kurangwa n’urukundo nyakuri mu buzima bwacu bwa buri munsi kuko tumaze gusobanukirwa ko ibintu byose bizashira nyamara urukundo ruzahoraho iteka ryose.

Source: wwwtopchretien.com

Vestine agakiza.org

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?