Ubuzima bw’umuntu ntibushingira ku byo(...)

Kwamamaza

agakiza

Ubuzima bw’umuntu ntibushingira ku byo atunze


Yanditswe na: Ubwanditsi     2020-06-12 05:50:19


Ubuzima bw’umuntu ntibushingira ku byo atunze

Mu buzima bwa buri munsi, hari ibintu bimwe na bimwe dukenera kugirango bidufashe kubaho akenshi bigaruka ku mafaranga n’ubundi butunzi bwa hano ku isi. n’ubwo bidufasha kubaho ariko dukwiye kumenya ko ubuzima bwacu budashingira kuri byo ahubwo Imana yabuteguye twebwe tutarabaho.

arababwira ati "mwitonde kandi mwirinde kwifuza kose, kuko ubugingo bw’umuntu butava mu bwinshi bw’ibintu bye" (Luka 12:15)

Bibiliya ikubiyemo inama nyinshi nziza zijyanye no gucunga amafaranga. Kurenga kimwe cya kabiri cy’ imigani ya Yesu bivuga ku micungire y’umutungo cyangwa amafaranga . Mubyukuri, Yesu yavuze byinshi kumafaranga kuruta ibyo yavuze ku bwami bw’ ijuru cyangwa ikuzimu.

ijambo ry’Imana ritubwira ndetse rikatwereka agaciro umuntu yahawe Imana ikimurema yaramwishimiye ndetse yamuhaye ubutware bwose kugirango ategeke isi n’ibiyuzuyemo ariko mu by’ukuri nta kintu na kimwe kimurusha agaciro kuko ibindi byose Imana yarabiremye kugirango bimufashe kubaho, byumvikane rero ko bitamurusha agaciro.

"ibiremwa muntu bihorana agaciro kurusha imitungo ubwayo"

reka turebere hamwe imvugo ebyiri abantu benshi bakunda kugarukaho ku byerekeye amafaranga nyamara bakabifata uko bitari:

Imvugo ya 1: Amafaranga ni mabi. Mubyukuri, amafaranga ntabwo ari meza nta n’ubwo ari mabi, icyo Bibiliya ivuga ni uko gukunda amafaranga ari umuzi w’ibibi byose 1Timoteyo 6:10)

icyo tugomba gukora ni ugukoresha ibintu no gukunda amafaranga uko bikwiriye hagamijwe kubahisha Imana. iyo ducuritse iri tegeko, bituzanira ibibazo bidasanzwe. Imana yo yavuze ko mu byo yaremye byose nta na kimwe kirusha umuntu agaciro.

Imvugo ya 2: Amafaranga nurufunguzo rw’ibyishimo. dusesenguye neza dusanga ibi nabyo atari ukuri. kuko Niba amafaranga yari garanti y’ibyishimo, abantu bakize bari kwishima cyane kuruta abandi bose.

mu rwego rwo kuvuguruza iyi mvugo ni ugusoma ibyanditse byera aho Yesu yavuze ati: "mwitonde kandi mwirinde kwifuza kose, kuko ubugingo bw’umuntu butava mu bwinshi bw’ibintu bye" (Luka 12:15)

ku bantu bamenye Imana, ubuzima bw’umuntu ntibushingira ku byo atunze, yaba umukene yaba umukire, buri wese asabawa gukora icyo yahamagariwe kandi yaremewe bityo ntihakagire umuntu wumva ko amafaranga cyangwa imitungo ye aribyo bigenga ubuzima bwe ahubwo tujye dufata intekerezo zacu tuzigomororere Kristo ibindi byose ni inyongera.

source:www.topchretien.com

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?