Ubuzima bufite ntego (Umunsi 7, igice 1)(...)

Kwamamaza

agakiza

Ubuzima bufite ntego (Umunsi 7, igice 1) ?


byanditswe na: Ubwanditsi     2018-11-16 03:52:47


agakiza

Rick Warren ni umupasiteri w’umunyamerika akaba n’umwanditsi w’ibitabo.

Uyu ni umunsi uwa Karindwi muri ya minsi mirongo ine twihaye yo gusoma igitabo cyanditswe na Rick wallen, yitwa “Ubuzima bufite intego” uyu munsi umutwe dusoma ufite intego yitwa “Imvano ya buri kintu”

Byose bikomoka ku Mana yonyine
Byose bibeshwaho n`imbaraga zayo
Byose bibereyeho kuyihesha icyubahiro
Abaroma 11:36
Uwiteka yaremye byose kubw`impamvu ze bwite
Imigani 16:4
Byose ni ku bw`Imana.

Intego ya mbere y`ibyaremye byose ni ukugaragaza icyubahiro cy`Imana .
Iyo ni yo mvano y`ibiriho byose, nawe ubwawe. Byose Imana yabiremye kwerekana
Icyubahiro cyayo. Icyubahiro cy`Imana iyo kitabaho,ntakiba cyararemye . Icyubahiro cy`Imana ni iki? Ni ukugaragara kw`Imana uko iri. Ni uguhishurwa kwa kamere yayo, ubuhangange bwo gukomera kwayo , umucyo w`ubuzima bwayo, kugaragara kw`imbaraga zayo, n`umwuka ujyana no guhishurwa kwayo. Icyubahiro cy`Imana ni uguhishurwa k`ubugiraneza bwayo n`iyindi mico idahinduka igize kamere y`Imana.

Icyubahiro cy`Imana kigaragara he? Ubura amaso urebe ibigukikije. Ibintu byose Imana yaremye Iyisi nyibereyemo iki? Byerekana icyubahiro cyayo mu buryo bumwe cyangwa ubundi. Tukibona ahantu hose, uhereye ku tuntu duto tudashobora kubonesha amaso kugeza ku nyenyeri zuzuye ikirere, Witegereje ubwiza bw`izuba rirenga cyanga inyenyeri ku geza ku guhinda kw`inkuba no guhinduka kw`ibihe. Ibyaremye byose byerekana ubwiza bw`Umuremyi wabyo.

Iyo turebye ibidukikije bitwereka ko Imana ifite imbaraga, ko yishimira ibintu bidasa, ko ikunda ubwiza, ko igiragahunda, ko ifite ubwenge kandi ikamenya guhanga.
Bibiliya iravugango ’’ijuru rivuga icyubahiro cy`Imana’’( 1petero 19:1)
Uko ibihe bisimburana,Imana yagiye ihishurira abantu icyubahiro cyayo muburyo butandukanye.

Yabanje ku bihishurira mu murima wa Edeni, ubundi yiyereka Mose, ubundi mu ihema ry`ibonaniro no murusengero, muri Yesu, none uyu munsi ni mu Itorero. Icyubahiro cy`Imana rimwe cyagaragaraga nk`umuriro ukongora, ubundi nk`igicu, nk`inkuba ihinda, nk`umwotsi ucumba , nk` umucyo mwinshi. Mu ijuru, icyubahiro cy`Imana ni cyo cyihamurika. Bibiliya iravugango ’’ Urworurembo ntirugomba kuvirwa n`izuba cyangwa ukwezi, kuko ubwiza bw`Imana aribwo buruvira ‘’

Icyubahiro cy`Imana kigaragara neza muri Yesu Kristo, we, umucyo w`isi, agaragazaneza kurabagirana kw`Imana. Kubera Yesu ntabwo tukiri mubutamenya kubyerekeye uko Imana iteye by`ukuri. Bibiliya iravugango ‘’Umwana niwe kurabagirana k`ubwiza bwayo ‘’(heb 1:3 0r 2cor 1:6b)
Yesu yaje mu isi kugirango dushobore kumenya neza icyubahiro cy`Imana.
‘’Jambo yabaye muntu abana natwe. Tubona ubwiza bwe yuzuye Ubuntu n`Ukuri’’ john 1:14

Icyubahiro cya kamere y`Imana ni byo bifite byose kubera ubumana bwayo. Ntacyo dushobora kongeraho nk`uko ntacyo dushoboragukora ngo urumuri rw`izuba rwiyongere. Ariko twategetswe gusobanukirwa icyubahiro cyayo,tukubaha icyubahiro cyayo,tukamamaza
i
cyubahiro cyayo, tugahimbaza icyubahiro cyayo, tugaragaza icyubahiro cyayo, tukabaho ngo ihabwe icyubahiro. Kubera iki? Kuko Imana ibikwiye! Tuyigomba icyubahiro cyose dushobora kuyiha. Ubwo Imana yaremye byose, ikwiye ku byubahirwa. Bibiliya iravugango ‘’Mwami wacu, Mana yacu, ukwiriye guhabwa icyubahiro no guhimbazwa n`ubutware kuko, kuko ari wowe waremye byose.’’
Mubyaremwe byose hari ibintu bibiri gusa Imana yaremye bitayihesha icyubahiro: abamalayika baguye (bagahinduka abadayimoni) natwe abantu. Icyaha cyose, mu muzi wacyo ni ukudaha Imana icyubahiro. Ni ukugira. Ibindi ukunda ukabirutisha Imana. Kwanga guha Imana icyubahiro ni ubwigomeke buva mu kwiyemera, kandi icyo ni cyo cyaha cyagushije satani-kandi ni nacyo kituzanira kugwa. Muburyo budatunganye, twese twagiye tugerageza kubaho mu buryo buduhesha icyubahiro aho kugihesha Imana.

Bibiliya iravugango ‘’Bose bakoze icyaha ntibashyikira ubwiza bw`Imana.’’rom 3:23

Ntanumwe muritwe wahangara kwemeza ko yahaye Imana icyubahiro cyose cyiyikwiye. Icyo ni cyo cyaha gikomeye, ni ryo kosa rikabije twakoze. Ariko
Mu rundi ruhande, kubaho kuburyo buhesha Imana icyubahiro ni cyo kintu gihebuje dushobora gukoresha ubuzima bwacu. Imana iravugango ‘’Abo ni abantu banjye bitiriwe izina ryanjye, nabaremeye kumpesha icyubahiro’’ (yes 43:7)niyo mpamvu iyo ari yo yagombye kuba intego nkuru y`ubuzima bwacu

NAHESHA NTE IMANA ICYUBAHIRO?

Yesu yabwiye Imana Data ngo ‘’Nakubahishije hano ku isi kuko narangije umurimo wampayegukora’’( Yohani 17:4)
Yesu yahesheje Imana icyubahiro arangiza intego y`ubuzima bwe ku isi.
Natwe nibwo buryo tuzahesha Imana icyubahiro. Ikintu icyo ari cyo cyose mu byaremye iyo gishohoje icyo cyaremewe gihesha Imana icyubahiro. Inyoni zihesha Imana icyubahiro ziguruka, zikajwigira,zikarika ibyari zigatera amagi,zigakora n`ibindi Imana yaremeye inyoni. N`urushishi ubwarwo rugaragaza icyubahiro cy`Imana iyo rukoze icyo Imana yaruremeye. Imana yaremye ubushishi ngo bube ubushishi, nawe irakurema ngo ube wowe. Mutagatifu Irene yaravuze ngo ‘’Icyubahiro cy`Imana ni ukubona umuntu ugaragaza ko ariho koko’’
Hari uburyo bwinshi bwo guhesha Imana icyubahiro ariko bwose bushobora kubumbirwa mu ncamake.

Tuzakomeza ubutaha n’ikindi gice cya nyuma ku munsi wa karindwi

Ibitekerezo( 9 9 9 9 9 9 9 9 9 )

IGENA ZIHINJISHI ESTHER

31-05-2012    03:33

Imana ishimwe cyane!Nibyiza kandi koko birashimishije kuba mufata umwanya wogushaka inyigisho nziza nk’izi zituma abantu bagize amahirwe yo kuzisoma bagira ubumenyi kubyo kubana n’Imana by’ukuri atari amarangamutima.Ubundi rero bibaye bishobotse byaba byiza ubu butumwa bugeze kuri benshi bashoboka kuko muri iyi minsi ubuyobe buragwiriye.IMANA ibahe umugisha natwe turi kumwe muri uyu murongo turabashyigikiye.Dufatanye kubaka ubwami bwa KRISTO TUZABIGORORERWA.

TURATSINZE NIYO EMMY

31-08-2012    05:42

Abakristu bakwiye kwigishwa ko ubuhanuzi butasohoye mugihe bwahanuriwemo, ntibuba bukomoka k’Uwiteka.Kandi ntibwakagombye guteranya uwahanuye n’Uwahanuriwe,kuko
abari munsi y’ijuru bose,bashobora kugerwaho n’imyambi y’UMWANZI.

Adda

27-04-2017    08:33

Yego Dona habwa umugisha.

KAYISHEMA

4-12-2017    06:23

Gusa ino nkuru ije yarikenewe cyanee Imana iguhe umugisha cyaneee kuko waragenzuye ibi bintu biri hose aho usanga ibinru birigufata intera cyaneee usanga abantu bari mu bipindi gusa gusa ntakwihana ibyaha byabaye urudaca. Imana y’amahoro iduhe ku mwuka wayo ugenzura ibyiyoberanya

Nsabimana.Emile

28-12-2017    23:39

Turabashimiye kubwo kutubwiriza ubutumwa bwiza Imana ibahe umugisha.icyo na bwira abantu.nukodukwiye kunvira Ijambo ry’Imana.bityo imigisha na masezerano Imana yatugeneye bikatugeraho kuko iyo twunviye nibwotuba turi mumugambi w’Imana . amen

Vincent

11-01-2018    13:39

mbashimiye kubwikicyigishomutugejejeho imana ibahe umugisha utagabanije.

NKUNDABAZA Daniel

17-01-2018    00:11

Njya nsoma ubutumwa mutanga nkumva nibwiza muzabona ingororano nimutagwa isari.

######

6-02-2018    04:04

Imana ibahe umugisha mukomereze aho,gusa ndashska kumenya byimbitse imikorere ya anti-kristu muri iki gihe

Adda

23-02-2018    02:09

Murakoze kubwiyo nkuru. nimukenera ubusobanuro bw’iyo nyenyeri muri Bible murabusanga muri Matayo 2:9 no mu byahishuwe 22:16.
Mu byahishuwe Yesu aravuga ati: Ni jye Gishyitsi cya Dawidi n’umwuzukuruza we, Ni jye Nyenyeri yaka yo mu ruturuturu. usahtse wahuza Dawidi n’inyenyeri usanga Yesu nawe yyari azi amateka y’icyo kirango. kandi ikigaragara nuko Yitirirwa Dawidi ariko isobanura Kristo.

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?