Ubuzima bufite iyihe ntego (Umunsi 6, Igice(...)

Kwamamaza

agakiza

Ubuzima bufite iyihe ntego (Umunsi 6, Igice 1)?


byanditswe na: Ubwanditsi     2018-11-14 11:03:21


agakiza

Rick Warren ni umupasiteri w’umunyamerika akaba n’umwanditsi w’ibitabo.

Uyu ni umunsi wa gatandatu muri ya minsi mirongo ine twihaye yo gusoma igitabo cyanditswe na Rick wallen, yitwa “Ubuzima bufite intego” uyu munsi umutwe dusoma ufite intego yitwa “Ubuzima ni Icumbi ry’Igihe Gito”

Uwiteka ujye unyibutsako igihe cya njye ku isi ari kigufi. ujye unyibutsa ko iminsi yanjye ibaze, kandi ko ubuzima bwanjye buhita vuba (Zaburi 39:5)

Ndi hano ku isi igihe gito gusa(Zaburi 119:19)

Ubuzima hano ku isi ni umurimo w’igihe gito. Bibiliya yuzuyemo ibigereranyo bitwereka uburyo ubuzima ari bugufi, ari ubw’igihe gito, iminsi yabwo igahita vuba. Hamwe ubuzima bugereranywa n’igihu, ahandi bugereranywa n’usiganywa yiruka, ahandi ni nko gusuhuza umutima cyangwa umwotsi utumuka. Bibiliya iravuga ngo ’Turi ab’ejo hashize...kuko iminsi yacu tumara ku isi ihita nk’igicucu’ Yobu 8:9

Kugirango ukoreshe neza ubuzima bwawe, hari amahame abiri utagomba kwibagirwa na rimwe: Icya mbere, ugereranyije n’ubuzima bw’iteka, igihe tumara ku isi ni kigufi cyane. Icya kabiri, isi ni ubuturo bwacu bw’igihe gito. Ubwo utazamara igihe kirekire ku isi, ntukayihambireho. Urasabe Imana igufashe kubona ubuzima bwawe ku isi nk’uko ibubona. Dawidi yarasenze ati’ Uwiteka umfashe kwibuka ko igihe nzamara hano ku isi ari kigufi. umfashe kumenya neza ko nshigaje igihe gito nkiri ku isi’ (Zaburi 39:4)

Inshuro nyinshi Bibiliya igereranya ubuzima hano ku isi nko kuba umusuhuke mu gihugu cy’amahanga. Ubu si bwo buturo bwawe bw’iteka, si ryo herezo ry’urugendo rwawe. Uri hano nk’umugenzi wihitira, nkumushyitsi usura isi. Bibiliya ikoresha amagambo nk’umunyamahanga,umugenzi, umusuhuke, umwimukira, umushyitsi, umuhisi, ngo yerekane ko igihe tumara hano ku isi ari kigufi. Dawidi yaravuze ati ’Ndi umusuhuke mu isi’ (Zaburi 119:9) na Petero abisobanura neza agira ati ’Ubwo Imana muyita so, mubeho ku isi nk’abaturage b’igihe gito’.( 1Petero 1:17)

Muri Karufoniya aho ntuye, abantu benshi bahimukiye baturutse mu mpande zitandukanye z’isi baje kuhashaka akazi ariko bagumanye ubwenegihugu bw’aho baturutse. Bene abo basabwa kwiyandikisha bagahabwa indangamuntu yerekana ko ari abanyamahanga(yitwa ikarita y’icyatsi)ibahesha uburenganzira bwo gukora nubwo atari abenegihugu. Abakirisito nabo bari bakwiye kugira bene ayo makarita mu buryo bw’umwuka kugira ngo tujye duhora twibuka ko iwacu ari mu ijuru.

Imana ivuga ko abana bayo bagombye gufata ubuzima bwa hano ku isi uburyo butandukanye n’ubw’abatizera. ’Ibyo batekereza ni iby’ubu buzima bwa hano ku isi. Twebweho turi abaturage b’ijuru, aho Umwami wacu Yesu Krisito atuye’ Abizera by’ukuri basobanukiwe neza ko agaciro k’ubuzima karenze kure cyane iminsi mike tumara ku isi.

Uwo uri we by’ukuri azagaragara mu buzima bw’iteka, kandi igihugu cyawe cy’ukuri kiri mu ijuru. Umunsi asobanukiwe n’iryo hame, ntuzongera guhangayikishwa no ’kurya ubuzima ntacyo usize inyuma’ ukiri hano ku isi. Imana ituburira yeruye ko hariho akaga iyo tubereyeho kurya ubuzima bwa none hano ku isi, tugendera ku bitekerezo , guhitamo n’imyitwarire y’abadukikije. Iyo tureshywa cyane n’ibishuko by’iyi si, Imana ibyita ubusambanyi bwo mu mwuka. Bibiliya iravuga ngo ’iyo mukora mutyo muba muhemukira Imana. Niba mushaka kwigendera uko mwishakiye, mucuditse n’isi uko mubiboneye uburyo, muba muhindutse abanzi b’Imana n’ab’inzira zayo’ .(Yakobo4:4)

Tekereza igihugu cyawe kikohereje kugihagararira mu gihugu cy’abanzi. Byagusaba kwiga ururimi rushya no kwitoza indi myitwarire n’imico ijyanye n’aho ugiye kugira ngo ubashe kugaragaza ikinyabupfura kandi usohoze indi myitwarire n’imico ijyanye n’aho ugiye kugira ngo ubashe kugaragaza ikinyabupfura kandi usohoze umurimo wawe. Kuko waba uri ambasaderi, ntabwo wagenda ngo wirinde kwegera abo watumweho nubwo ari abanzi b’igihugu cyawe. Kugira ngo ushobore gusohoza umurimo wawe, bizagusaba kwegerana nabo no gusabana nabo.

Tekereza ariko ugezeyo ukagubwa neza, ugakunda icyo gihugu cyane, ukageza aho ukirutisha igihugu cyawe kavukire. Urukundo rwawe no kwitanga kwawe byahinduka. Umurimo wawe nk’umuvugizi w’igihugu cyawe(ambasaderi)widindira. Aho guhagararira igihugu cyawe, watangira kwitwara nk’abanzi bacyo. Bigenze bityo waba wahindutse umugambanyi.

Bibiliya iravuga ngo ’turi intumwa za Krisito mu mahanga’ (2Abakorinto 5:20). Ikibabaje ni uko benshi bahemukiye umwami wabo n’igihu cye. Babaye abapfapfa bafata umwanzuro ko ubwo batuye ku isi ari cyo gihugu cyabo. Ariko isi ari cyo gihugu cyabo. Ariko si byo.
Bibiliya ibivuga yeruye igira iti ’Bakundwa,iyi si sibo iwanyu. Bityo mwirinde kuyisusurukiramo Mwe kunezeza irari ry`umubiri wanyu mwirengagije ubugingo’ .(1Petero 2:11)

Imana ituburira ko tudakwiye kwihambira kuburyo tubona mu isi kuko ari iby`igihe gito. Tubwira ngo Abakoresha iby`iyi si babikoreshe batarenza urugero kandi batabyibambiraho, kuko iyi si n`ibirimo byose bizashira. Ugereranyije nibindi bihe,ntabwo ubuzima bwigeze bworoha nk`uko bworoheye benshi muri iki gihe mubihugu bikungahaye. Duhorana ibitumara irungu, ibidusetsa, n`abatwitaho. Kubera amatsiko ava mu biturangaza, gukozwa hirya no hino n`ibintu by`inzaduka bikwizwa n`itangazamakuru n`itumanaho bigezweho,amaraha y`uburyo bwinshi byatwegerejwe muri iki gihe,biroroshye kwibagirwa ko kwiruka inyuma y`ibitunezeza atari yo ntego y`ubuzima. Kuzirikana ko ubuzima ari igihe cy`igeragezwa,kwibuka ko ari ikibitsanyo,kuzirikana ko ari umurimo w`igihe gito ni byo bizatuma rukuruzi y’ibyo byose itagira imbaraga ku mibereho yacu. Turi hano ngo dutegure imibereho irusha ubwiza iy`ino mu isi. Ibyo tubonesha amaso uyumunsi n`iby`igihe gito biriho uyu munsi ejo bikaba byagiye.

Ariko ibyo tubona none ni iby`iteka ryose. Kuba isi atari ubuturo bwacu bw’iteka ni cyo gisobonura impamvu,twebwe abakurikira Yesu Kristo,duhura n`ibibazo,agahinda,ndetse no kwangwa muri iyi si.

Ibitekerezo( 9 9 9 9 9 9 9 9 9 )

IGENA ZIHINJISHI ESTHER

31-05-2012    03:33

Imana ishimwe cyane!Nibyiza kandi koko birashimishije kuba mufata umwanya wogushaka inyigisho nziza nk’izi zituma abantu bagize amahirwe yo kuzisoma bagira ubumenyi kubyo kubana n’Imana by’ukuri atari amarangamutima.Ubundi rero bibaye bishobotse byaba byiza ubu butumwa bugeze kuri benshi bashoboka kuko muri iyi minsi ubuyobe buragwiriye.IMANA ibahe umugisha natwe turi kumwe muri uyu murongo turabashyigikiye.Dufatanye kubaka ubwami bwa KRISTO TUZABIGORORERWA.

TURATSINZE NIYO EMMY

31-08-2012    05:42

Abakristu bakwiye kwigishwa ko ubuhanuzi butasohoye mugihe bwahanuriwemo, ntibuba bukomoka k’Uwiteka.Kandi ntibwakagombye guteranya uwahanuye n’Uwahanuriwe,kuko
abari munsi y’ijuru bose,bashobora kugerwaho n’imyambi y’UMWANZI.

Adda

27-04-2017    08:33

Yego Dona habwa umugisha.

KAYISHEMA

4-12-2017    06:23

Gusa ino nkuru ije yarikenewe cyanee Imana iguhe umugisha cyaneee kuko waragenzuye ibi bintu biri hose aho usanga ibinru birigufata intera cyaneee usanga abantu bari mu bipindi gusa gusa ntakwihana ibyaha byabaye urudaca. Imana y’amahoro iduhe ku mwuka wayo ugenzura ibyiyoberanya

Nsabimana.Emile

28-12-2017    23:39

Turabashimiye kubwo kutubwiriza ubutumwa bwiza Imana ibahe umugisha.icyo na bwira abantu.nukodukwiye kunvira Ijambo ry’Imana.bityo imigisha na masezerano Imana yatugeneye bikatugeraho kuko iyo twunviye nibwotuba turi mumugambi w’Imana . amen

Vincent

11-01-2018    13:39

mbashimiye kubwikicyigishomutugejejeho imana ibahe umugisha utagabanije.

NKUNDABAZA Daniel

17-01-2018    00:11

Njya nsoma ubutumwa mutanga nkumva nibwiza muzabona ingororano nimutagwa isari.

######

6-02-2018    04:04

Imana ibahe umugisha mukomereze aho,gusa ndashska kumenya byimbitse imikorere ya anti-kristu muri iki gihe

Adda

23-02-2018    02:09

Murakoze kubwiyo nkuru. nimukenera ubusobanuro bw’iyo nyenyeri muri Bible murabusanga muri Matayo 2:9 no mu byahishuwe 22:16.
Mu byahishuwe Yesu aravuga ati: Ni jye Gishyitsi cya Dawidi n’umwuzukuruza we, Ni jye Nyenyeri yaka yo mu ruturuturu. usahtse wahuza Dawidi n’inyenyeri usanga Yesu nawe yyari azi amateka y’icyo kirango. kandi ikigaragara nuko Yitirirwa Dawidi ariko isobanura Kristo.

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?