Advertisements

agakiza

Advertisements

agakiza

Ubuhamya: urugendo rwa Justin rwo gukizwa

Kwamamaza

agakiza

Ubuhamya: urugendo rwa Justin rwo gukizwa

byanditswe na: Ubwanditsi     2019-10-18 07:10:29

agakiza

Justin ni umugabo wo mu gihugu cya Singapoul mbere yo kwakira Yesu Kristo nk’umwami n’umukiza, yari umuyoboke w’idini ya Hinduism,yakoraga ibyaha byinshi harimo guca inyuma uwo bashakanye, ubusinzi n’ibindi. ariko kubw’umugambi w’Imana ku buzima bwe, Justin yaje gukizwa ubu ni umukristo nyakuri.

Kwakira agakiza kuri Justin byanyuze mu nzira ndende kuko we ubwe ntiyiyumvishaga uburyo yareka ibyamunezezaga harimo inzoga, ubusambanyi n’ibindi nyamara yaje kwisanga Yesu yahinduye ubuzima bwe kandi umwuka wera ari muyobozi we.

Mu magambo ye aradusangiza inzira byanyuzemo kugirango yakire Yesu nk’umwami n’umukiza w’ubugingo bwe:

“Nitwa Justin, navukiye mugihugu cya Singapoul,nakuriye mu muryango w’abagatulika. Nyuma y’imyaka mike, umuryango wanjye watangiye kujya gusengera mu itorero Pentekote. Kuva icyo gihe natangiye kwanga Kristo bitewe n’uko iryo torero ritatwemereraga kwidagadura, urugero: kureba televisiyo cyangwa kumva indirimbo. Kuva ubwo natangiye kwigomeka, ntangira kwiba amafaranga, kunywa itabi ndetse no gukina urusimbi.

Ku myaka 20, nakoze impanuka ya moto ngonga umunyamagaru arapfa. Kuva ubwo nakomeje kwishinja amaraso y’umuntu bituma ngira agahinda k’indengakamere. Abapasiteri bazaga kunsengera burigihe bakambwira ko Imana yandinze ku bw’umugambi imfiteho.

Umunsi umwe ababyeyi banjye bansabye ko tujyana ku rusengero, tugezeyo nagiye kwisanga ndi ku ruhimbi abapasiteri barimo kunsengera. Muri uwo mwanya numvise ijwi ry’Imana rimbwira riti: “ndagukunda muhungu wanjye”.

Mugihe nari ndi mu gahinda k’iyo mpanuka nakoze, business ya papa yarahombye. Abapasiteri benshi baradusengeye ngo inzu yacu idatezwa cyamunara ariko biranga biraba. N’ubwo twabaga mu nzu y’inkodeshanyo, ababyeyi banjye ntibigeze batakaza kwiringira Imana.

Nyuma y’igihe gito, naje guhura n’umugore wanjye. Yari umuyoboke w’idini ya Hinduism ababyeyi banjye banze ko dushyingiranwa ariko biba iby’ubusa turabana bo batabishaka. Nyuma yo kubana twahise dukomezanya mu idini ya Hinduism yukajya tujyana mu mutambagiro mu Buhinde.ariko kuri njye nta mahoro nari mfite nibwo natangiye kunywa itabi n’inzoga,kugendana n’abantu barara mu tubari b’abasinzi, abasambanyi ndetse nabajura bibaga amafaranga.

Umugore wanjye abonye ko bimuyobeye nibwo yatangiye kujya ku rusengero arakizwa yakira Yesu. Yakomeje kunsengera, Ubwo nibwo ibintu byatangiye guhinduka mva mu ngeso mbi dutangira kujyana ku rusengero ariko nkumva mfite isoni z’ukuntu namubabaje nkagendera mu ngeso mbi.

Igitangaza gikomeye cyabaye ni uko navutse ubwa kabiri ku bw’ubuntu bw’Imana ubwo nabatizwaga nabaye umwe na Kristo, umwami wanjye yagiye andinda nakoze impanuka nyinshi zitandukanye zaba iza moto, zaba iz’imodoka nta n’imwe yankomerekeje cyangwa ngo mvunike. Ni ukuvuga ko Imana yari ifite umugambi mwiza ku buzima bwanjye.

Kugeza ubu mfite imyaka 37 mfite umunezero mwinshi mu mutiama wanjye kuko nakijijwe. Yesu yambohoye ingoyi z’ibyaha zose nari mfite kandi ubuntu bwe burampagije. Ndakangurira umuntu wese utarakizwa kuza kwa Yesu kuko hari amahoro utasanga ahandi kandi tuzi ko nta mahoro yo mu byaha”.

Source: truthsaves.org

Vestine agakiza.org

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?