Ubuhamya: uko Glenis yahaye Yesu ubuzima bwe(...)

Kwamamaza

agakiza

Ubuhamya: uko Glenis yahaye Yesu ubuzima bwe akabuhindura


Yanditswe na: Ubwanditsi     2020-06-03 08:51:08


Ubuhamya: uko Glenis yahaye Yesu ubuzima bwe akabuhindura

Glenis ni umugore watsinze ubwihebe, gukandamizwa n’agahinda gakabije binyuze mu kwiyegurira Umwami Yesu Kristo. Kuva ubwo yabonye amahoro asesuye yari yarabuze ubuzima bwe bwose.

Mu by’ukuri Yesu ni icyuzuzo cy’ubuzima bw’abamwizera kandi abamuhungiyeho barakomera. Mu magambo ye, Glenis arasobanura uburyo yahinduriwe ubuzima bukaba bushya:

“Mbere yuko niyegurira Umwami n’Umukiza wanjye, Yesu Kristo, numvise mfite ubusa (vide) mu mutima wanjye. Mu rwego rwo kuziba icyuho cyari mu mutima wanjye, narebaga umugabo kugirango ankemurire ibyo nkeneye binyuze mu nzira z’ibyaha. Muri kiriya gihe, sinari nzi ibibera mubuzima bwanjye n’impamvu nahisemo nabi.

Nashyingiwe mfite imyaka 25, mubyukuri sinigeze nizera ko nkunda umugabo wanjye kandi nyuma yimyaka ibiri cyangwa itatu nabyaye umuhungu wambere, mukurwana urugamba rwo gukunda, Numvaga ari ubusa rwose numvaga ntacyo mfite muri njye cyo gutanga. Nari nuzuye akajagari gakomeye kubera ibyaha byanjye satani yari yaranshize mubucakara rwose! Ntabwo nigeze ntekereza ibyanjye rwose.

Nyuma yimyaka itanu umuhungu wanjye w’imfura avutse, umugabo wanjye yashakaga kuza muri Ositaraliya kugira ngo tubeho ubuzima bwiza. Tugezeyo Nasanze bigoye kuba muri ubwo buzima ,Nakunze kwiheba. Twabonye akazi ariko bigoranye cyane mumyaka itari mike kugirango tubone amaramuko mugihe umuhungu wanjye w’imfura yari amaze kuba mukuru.

Tumaze kwimukira munzu yacu nshya twiyubakiye, umunsi umwe nahise nifuza kujya mu rusengero. Jye rero n’umuhungu wanjye w’imfura twagiye mu rusengero rwaho kandi mbere yuko tugenda, umukobwa ukiri muto yampaye inkuru nziza ya bibiliya, ndabyemera kubera ikinyabupfura kuko nta bushake nari mfite bwo gusubira inyuma kuko nta mbaraga nigeze mbona. Ryari itorero ry’Abangilikani.

Buhoro buhoro urushako rwanjye rwatangiye kwangirika, umugabo wanjye yahoraga ataha yasinze kandi nakekaga ko akina urusimbi. Muri iyo minsi nakuyemo inda kandi ibintu byagendaga birushaho kuba bibi kugeza ubwo nasanze umugabo wanjye aryamanye n’undi mugore nuko dufata umwanzuro wo gutandukana.

Muri icyo gihe cyo gutandukana, umwe mu bahungu b’incuti za Mama, ubwo yantumiraga mu rusengero rwe. Nagiyeyo igihe kinini nyurwa n’ubutumwa bwiza ariko natinze kubatizwa cyangwa se kubyarwa ubwa kabiri.

Nyuma yaho naje kuva muri urwo rusegero kuko nbazaga impamvu abantu baho batemeraga ko kuvuga mu ndimi nk’impano ituruka ku Mana. Nashakaga kujya mu rusengero nibura bizera Umwuka Wera. hanyuma nje kubatizwa mu mazi hanyuma nemeza ko abantu bo muri iri torero bavuga ko kuvuga mu ndimi ari ikimenyetso cy’umwuka wera.

Muri kiriya gihe nahise ngira umunezero udasanzwe. Uwiteka yanshyize mu bitotsi byimbitse bidasanzwe kuri njye, ubusanzwe nsinzira amasaha 6 gusa buri joro, ariko icyo gihe naryamye amasaha 10-12, hanyuma mugitondo yarankanguye arampana (Muri Bibiliya, Imana ivuga ko, Ihana abo ikunda) ambwira ngo mvugurure ibitekerezo byanjye, Yavuze ko uhindurwa no kuvugurura ibitekerezo byawe. Kuva ubwo numvise noroheje kandi nuzuye imbaraga maze muri icyo gitondo - icyumba cyasaga nkicyaka kubera umucyo w’Imana.

Kuva icyo gihe, ibintu byinshi mubuzima bwanjye byatangiye guhinduka. Ntangira kugira ubwoba bwubaha Imana. Ubu Singikandamizwa no kwiheba kuko nzi umwirondoro wanjye muri Kristo Yesu. Nkunda gutekereza ku Ijambo ry’Imana kandi yanyeretse uburyo bwo gusenga muburyo butandukanye. Nahawe guhishuriwa ijambo ry’Imana. Nasanze kwiyiriza ubusa atari umutwaro ubungubu kuko Ijambo ry’Imana rivuga ko umuntu adatungwa n’umutsima gusa, ahubwo atungwa n’ijambo ryose riva mu kanwa k’Imana”.

Mu gusoza ubuhamya bwe Glenis arashima Imana ko yamukuye mu gahinda gakabije ikamuha amahoro arenze ayo ab’isi batanga, akomeza kandi ashishikariza abantu baheranywe n’agahinda gakabije ko Yesu yiteguye kubakira akabahindura ibyaremwe bishya, bityo bakazabona n’ubugingo buhoraho.

Source: www.christianfaith.com

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?