Ubuhamya: gufungwa byabereye Gill inzira yo(...)

Kwamamaza

agakiza

Ubuhamya: gufungwa byabereye Gill inzira yo gukizwa


Yanditswe na: Ubwanditsi     2020-05-12 04:50:05


Ubuhamya: gufungwa byabereye Gill inzira yo gukizwa

Gill yakoze ibyaha bikomeye biba ngombwa ko akurikiranwa n’ubutabera ndetse arafungwa, mugihe yari muri gereza abaswe n’agahinda nibwo Imana yamugendereye iramwiyereka afata uwanzuro wo gukizwa.

Burya Imana aho kugirango ihombe umuntu wayo yamuhombya kuko igira icyo yagambiriye kandi ntwayivuguruza uko niko yiyeretse Gill muri gereza abasha kuyimenya nyakuri ndetse yakira Yesu nk’umwami n’umukiza w’ubugingo bwe.

Mu magambo ye Gill arasobanura uburyo yakijijwe mu gihe yari afunze ukuboko kwiza kw’Imana kukamusanga muri gereza:

“ Narafashwe njanwa muri gereza ya Santa Clara County nshinjwa gutunga urumogi, nagezemo ndahangayika bikomeye ariko Imana yo yari izi icyo igambiriye.

Nyuma yo gufatwa, nahamagaye Mama musaba guhamagara inshuti ye ndamusaba ngo amanuke muri gereza y’intara ya Santa Clara maze amfashe gufungurwa.

Muby’ukuri muri iyo minsi nari umwibone kan. Igitekerezo cyanjye cyo gufatwa no gufungwa cyari gisekeje. Natekereje ko nzatanga ingwate gusa ngataha kandi nkumva aribyo. Naricaye nishyira hejuru ntegereje ko imiryango yanjye izangoboka igihe icyo aricyo cyose ariko siko byagenze.

Mugihe nari ntegereje ko gutangirwa ingwate, umwe mu ba CO (abashinzwe amagereza) yambwiye ko ntatanze ingwate kandi ko ngomba kujya gufungirwa mu nzego zo hejuru . Nari nzi neza ko yibeshye. Nicaye ku gitanda cyanjye ijoro ryose ntekereza uburyo nzava muri gereza biranyobera.

Bukeye bwaho, nahamagaye Mama kugira ngo menye impamvu ingwate yanjye itatanzwe. Mama yambwiye ko inshuti ye (umucamanza ) yamanutse muri gereza y’intara ya Santa Clara maze amenyeshwa ko ingwate yanjye yanzwe n’umucamanza w’ijoro, ambwira ko nzitaba urukiko rw’ibanze mbere yuko ingwate itangwa.

mugihe ninjiraga muri kasho yanjye, narumiwe cyane. Nabonye Bibiliya kumeza y’isezerano rishya ndayitora ndayisoma.Nyuma yo kuyisoma, nabaye umunyedini cyane. Aya ni amagambo y’ingenzi, kuko hariho itandukaniro ryo kuba abanyamadini no kwizera Imana rwose, nkuko nabimenye. Ariko nyuma Imana yakomeje kunsobanurira ko itanshaka nk’umunedini ahubwo ko ngomba kuyizera.

Nyuma yo gusoma Isezerano Rishya, natangiye kwinginga Imana ngo inkure muri gereza ndayinginga, Nabwiye Imana ko iramutse inkuye muri gereza,nzashishikariza incuti zanjye na bene wacu gukizwa.

Imana yumvise ubusabe bwanjye nuko ndafungurwa nyamara abandi batatu twashinjwaga icyaha kimwe bo basigaye muri gereza. Nkimara gusubira mu buzima busanzwe natangiye gukora icyo nsezeranyije Imana ntangira kubwiriza abantu ubutumwa bwiza batangira gukizwa.

Muri macye Imana irakomeye cyane kandi izi ibyo yibwira kutugirira dore ko ari byiza, n’ubwo nabonaga gufungwa ari ikintu kibi cyane ku buzima bwanjye ariko yari inzira y’Imana kugirango nkizwe, kugeza ubu ndashima Imana ko yampaye agakiza kayo ku buntu.

Source: www.truthsaves.org

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?