Advertisements

agakiza

Advertisements

agakiza

Ubuhamya bwa Sara wari warabaswe n’ibiyobyabwenge

Kwamamaza

agakiza

Ubuhamya bwa Sara wari warabaswe n’ibiyobyabwenge nyuma aza gukizwa.

byanditswe na: Ubwanditsi     2019-09-06 09:11:47

agakiza

Sara Imbabi, ni umukobwa ufite imyaka 27 y’amavuko, yiberaga mu buzima bwo gukora ibyaha gusa, yarabeshyaga, yaratukanaga ,yanywaga ibiyobyabwenge binyuranye harimo: inzoga zikomeye, itabi n’ibindi. Igihe kimwe yaje gukizwa ubuzima bwe burahinduka.

Mbere yo gukizwa, Sara ibyaha byari byaramuhumye amaso, umutima nama we wajyaga umwumvisha ko ibyo akora atari byiza ariko ntiyashoboraga kubiha agaciro habe na mba ahubwo yikomerezaga kunyura mu nzira imujyana kurimbuka.
Mu gihe Sara yari ari mu kigero cy’imyaka 16 yatangiye kugira umubabaro ukabije cyane. Yarabyukaga mu gitondo akumva ararwaye, yacitse intege, muri macye atazi ahantu ari. Yageze aho atakaza icyizere cy’ubuzima kuko yabonaga nta muntu n’umwe umwumva,nyamara ibyo byose byari ingaruka zo kunywa ibiyobyabwenge.

Igihe kimwe Yesu yaramusanze ahindura ibitekerezo bye, nuko atangira gusoma igitabo cyitwa The Power of Prayer cyanditswe na Joyce Meyer, ariko mbere y’uko Sara amenya iki gitabo yakundaga gusoma Bibiliya no kumva indirimbo zo kuramya Imana. Ubuzima bwe bwose yabuhariye Imana ubwo hari mu mwaka wa 2010, yatangiye kumva agize umunezero, umutima we urabohoka, ibitekerezo byo kugambirira gukora ibyaha birasibama mu bwonko bwe ndetse n’ubwoba n’umubabaro bimushiramo.

Nyuma yo kwakira Yesu Kristo nk’umwami n’umukiza w’ubugingo bwe, Sara yatangaje benshi bibaza uburyo yahinduye imyitwarire ku kigero gitangaje. Ariko buhoro buhoro babashije kumenya ko yakijijwe agahinduka icyaremwe gishya muri Kristo Yesu. Kugeza ubu ntiyakwiyumanganya kuvuga ko yabohowe kandi yababariwe n’umuremyi.

Byongeye kandi Sara arahamya ko nta kintu na kimwe kinanira Imana. Ikibazo cyose yahura nacyo yiyambaza Imana ikakimukemurira bitandukanye na mbere yo gukizwa aho yanywaga ibiyobyabwenge mu rwego rwo gukemura ibibazo. Si ibi gusa ahubwo yiteguye gukora icyo ari cyo cyose cyanezeza Imana.

Mu gusoza ubuhamya bwe, Sara aragira inama urubyiruko kutijandika mu byaha ndetse no mu biyobyabwenge ibyo ari byo byose kuko byangiza ubuzima bw’umuntu. Ikirenze kuri ibyo bitandukanya umuntu n’Imana bityo umubano ukagenda ukendera bikarangira umuntu agiye muri Gehenomu. Intwaro yagufasha nta yindi uretse gusenga no kwera imbuto zikwiriye abihanye.

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?