Ubuhamya: Paul yabonye ko ubutunzi butagira(...)

Kwamamaza

agakiza

Ubuhamya: Paul yabonye ko ubutunzi butagira Yesu ari ubusa


Yanditswe na: Ubwanditsi     2020-03-20 08:53:40


Ubuhamya: Paul yabonye ko ubutunzi butagira Yesu ari ubusa

Paul yabaye umuherwe igihe kirekire mu gihe yari afite imyaka 29 ariko n’ubwo yari umuherwe bitangaje umutima we ntiwigeze ugubwa neza kuko yasanze ko ubuzima butarimo Kristo Yesu buba bupfuye.

Ku myaka ye 29, Paul yari umuherwe (milionaire) yari afite inyubako 30, restora ebyiri, ibyumba icumi birimo za pisine, imodoka eshatu, ipikipiki, ubutaka mu migi itatu itandukanye, ibiceeri bya zahabu na siliver, intwaro (imbunda), ishoramari mu bihugu bitandukanye n’ubundi butunzi bwinshi butavuzwe.

Kubwe yumvaga ko ari umunyetorero kandi ko akiranuka, yiyumvagamo agaciro gakomeye mu itorero kuko yajyaga gusenga buri cyumweru kandi bitewe n’ukuntu bamwubahaga mu itorero ariko we yari atarakizwa ngo yakire Yesu nk’umwami n’umukiza w’ubugingo bwe. Ariko we yumvaga ko ari mu nzira nziza ariko siko byari bimeze imbere y’Imana.

Byongeye kandi yahoraga atekereza icyo yakora kugirango umutungo we wiyongere n’ubwo wari mwinshi ariko ntiyatuzaga yahoraga ahangayikishijwe n’icyo yagerageza gukora ngo kimuzanire amafaranga menshi.

Paul yakoraga imirimo itatu ihwanye n’impamyabumenyi ya masters mu bukungu iyo mirimo yose yamwinjirizaga ariko umuryango we wari ubyeho nabi kuko ntiyabonekaga mu rugo, umugore we yahoranaga ibibazo (stress) bitewe n’uko Paul yajyaga amuca inyuma akajya mu bandi bagore.

N’ubwo Paul yibwiraga ko ubutunzi ari umugisha uvuye ku Mana ariko byari nk’ikigeragezo kivuye ku mwanzi kuko igihe cyageze agatandukana n’umugore we ndetse n’abana akabajyana naho Paul agasigara wenyine yahise yumva roho ye ipfuye yatangiye kwibaza icyo abantu bamutekerezaho aho kwibaza icyo Imana imutekerezaho.

Uko iminsi yagendaga iza niko Paul yarushagaho kwiyanga kuko nyuma yo gutandukana n’umugore, amafaranga yatangiye kuyapfusha ubusa nayo atangira gukendera ndetse n’indi mitungo ye kugeza aho yatangiye gutekereza kwiyahura.

Umugoroba umwe Paul yabonye umuntu atazi aje mu rugo rwe kumusura asanga arimo kunywa itabi, inzoga ndetse arimo kureba televiziyo.
Uwo muntu yari avuye mu itorero rimwe nuko atangira kuganiriza Paul ibijyanye na Bibiliya nuko amwigisha ibijyanye n’ubugingo buhoraho.

Mu gihe barimo baganira Paul yatangiye kumva ko hari icyizere cy’ubuzima kandi ko yakongera kubona amahoro yo mu mutima ndetse asobanukirwa ko Yesu yabambwe ku musaraba kubera ibyaha by’abantu atangira kumva agize amatsiko yo kumenya urukundo rwe.

Muri macye nyuma Paul yabonye ko aribwo ari umuntu mwiza kuruta igihe yari afite ubutunzi bw’isi ndetse yibuka ko yaje mu isi ntacyo yambaye nuko yemera kuvuka ubwa kabiri yakira Yesu nk’umwami n’umukiza w’ubugingo bwe, ubu ni umukozi w’Imana ukora akazi ko kuzana abantu kuri Yesu agamije guha Imana icyubahiro muri byose.

Source: www.truthsaves.org

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?