Ubuhamya: Kwizera kurarema ku ncuro ya 2(...)

Kwamamaza

agakiza

Ubuhamya: Kwizera kurarema ku ncuro ya 2 Thabitha yongeye gusezerana n’umugabo we bari barahawe gatanya.


Yanditswe na: Ubwanditsi     2020-08-20 07:58:24


Ubuhamya: Kwizera kurarema ku ncuro ya 2 Thabitha yongeye gusezerana n’umugabo we bari barahawe gatanya.

Mu giterane cyateguwe na Joyce meyer Ministiries cyabereye i Hampton muri Leta Zunze Ubumwe z’Amerika,Tabitha Sierra yatanze ubuhamya bukomeye bw’ukuntu yatandukanye n’umugabo we (Divorce) ariko bitamuturutseho ahubwo ari umugabo we wamwihakanye. Icyakora we yahamye ku ijambo rivuga ko atazareka kumukunda, Kubw’igitangaza cy’Imana nyuma y’imyaka5 barongera bakora ubukwe, kandi babanye neza!

Umugabo wanjye ni umusirikare ubarizwa mu ngabo zirwanira mu mazi (Marine Corps). Mu gihe kingana n’imyaka umunani, ari mu butumwa bw’akazi yagarutse yarahindutse cyane, yaje atakinyikoza nta rukundo yari akimfitiye.

Mu bihe bitandukanye yahoraga antonganya kandi akanyerurira neza ko atagishaka kubana na njye.

Ubusanzwe nkora mu buvuzi ku bijyanye n’imitekerereze y’abantu (psychologue), nari nzi neza ko umugabo wanjye arwaye indwara yo guhahamuka (PTSD). Icyo kibazo yari agisanganywe arinayo mpamvu yahoraga antoteza muri ubwo buryo, ariko ntacyo nashoboraga kubikoraho.

Urushako rwacu rwabaye rubi cyane kuko byageze n’aho tudashobora kwicara hamwe ngo tujye inama nk’abashakanye, nakwinjira mu cyumba arimo agahita asohoka.

Umunsi umwe, rero naje gufungura Televiziyo mbona inyigisho za Joyce Meyer, maze bigera aho gutanga ibyifuzo byo gusengera abafite ingo ziri mu marembera, avuga ko dukwiye guhama ku ijambo ntiducike intege,ahubwo tugasaba gushyigikirwa n’imana mu miryango yacu.

Mubyukuri nari maze imyaka myinshi ndi umukristo nkijijwe, ariko sinari narigeze numva inyigisho zo kwizera nkizo! Naravuze nti: “ kuki njye ntabohoza umugabo wanjye ?”

Joyce Meyer yashishikarije abantu kujya ku rubuga rwe, maze bafate urutonde rw’amagambo yo gusengeramo batura ibyiringiro n’insinzi ku buzima bwabo buri munsi. Nanjye rero nafashe urwo rutonde rwayo magambo.

Nacukumbuye muri Bibiliya nsangamo ibyanditswe byose bivuga ku bashakanye, nuko ntangira kwatura ayo magambo yose nsengera impinduka ku mugabo wanjye, umuryango wacu, abana bacu, n’imibanire yacu. Nicaye ku ijambo mvuga nti: “urugo rwacu rugomba kuramba.”

Muri ibyo bihe rero nakomeje kwinginga Imana, ariko ibintu aho guhinduka ahubwo bigasubira irudubi. Byaje kuba ngombwa rero ko dutandukana byemewe n’amategeko (Divorce), kuko umugabo wanjye yari yarabyiyemeje,kandi abishaka, nsigara muri ako gahinda.

Inshuro nyinshi rero satani yarangendereraga akambwira ko ibyo kuvuga ko urugo rwacu ruzaramba byarangiye umunsi Twakoze natandukanye n’umugabo, ariko njye ngua ku ijambo

nkamusubiza nzakomeza kwizera kwanjye kandi ko ntazatezuka ntakwemera na gato ibyo ambwira. Nari nariyemeje ko igihe cyose nzahura n’ibinca intege nzahama ku ijambo nabwiye Imana.

Mukigwi cyo kwivovotera Imana nashikamye kukwizera kwanjye , kandi nirinze ko hari amagambo yo gushidikanya yava mu kanwa kanjye.

Icyakora uko iminsi yagiye itambuka nagiye mbona agacu k’impinduka Ariko, ibyo nkakomeza kubishimira Imana.

Nagumye rero muri urwo rugamba Satani nawe ntiyahwemye kujya angenderera ,akanca intege ambwira ko hashize imyaka 4 ntandukanye n’umugabo wanjye kandi ko ntakindi ntegereje nakagombye gushaka undi, ngo kuko ndimo gusaza.

Ariko nakomeje guhagarara nkabwira satani nti: "Windiganya kuko muri iyi si sinshaka undi mugabo,Sinshaka urundi rukundo Ndashaka ko umugabo wanjye agaruka niwe narahiye ko nzakunda iteka ryose.”

Nyuma yimyaka itanu ntandukanye umugabo wanjye, Imana yakoze igitangaza mubyukuri umuganbo wanjye arangarukira anyambika indi mpeta aravuga ati: "Niyemeje kuzashyingiranwa nawe."

Ntimwabyiyumvisha rero kuko iyo yari intambwe nini yari itewe mu buzima bwanjye. Muri icyo gihe, umubano wacu warakomeje kandi umugabo wanjye yaravugaga ati: "Sinzagusiga."

Ubwo rero nanjye nashimye Imana ariko nkomeza no gusenga ninginga Imana, nyisaba ko iduha urugo rw’umugisha kandi rushingiye kuriyo. Nayisabaga ko urukundo rwacu rwaba rwiza tugakundana nkuko Kristo yakunze Itorero (Abefeso 5:25) “ Bagabo,mukunde abagore banyu nkuko Krito yakunze itorero akitangira”.

Ubu ndababwira ko uyu munsi hashize imyaka umunani kandi umugabo wanjye arankunda ndabishimira Imana kuko yampojeje amarira. Ku isabukuru yacu iheruka , yateguye urugendo arantungura dutemberana mu mujyi wa New York antwaye mu modoka.

Ndashima Imana ko ubu umugabo wanjye atekereza neza cyane kuruta uko yahoze!

Bitewe n’urugamba nanyuzemo namenye ko nta hantu na hamwe Imana itakura umuntu! Ijambo ry’Imana rigaragaza ko duhabwa ibirenze ibyo dusaba (Abefeso 3:20).

Nahagaze ku Ijambo ryayo, kandi ndashimira Imana ko mfite urugo rwiza uyu munsi. Niba hari intambara urimo kurwana intambara y’urushako ndamushishikariza guhagarara ku Ijambo, akaryatura, akaryiga. Ushikame kandi ntukemere guha icyuho satani mugihe utarabona igisubizo cy’ibyo wasabye Imana. Imana yiteguye kuzahura umubano wawe n’uwo mwashakanye kandi satani ntashobora kugira icyo aguhungabanyaho keretse umunsi wacogoye, kubw’ibyo rero ntucike intege!

Video yose y’ubuhamya bwa Thabitha:

Source: Joyce Meyer Ministries

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?