Advertisements

agakiza

Advertisements

agakiza

Ubuhamya: Jen Imana yamukuye mu bwigunge

Kwamamaza

agakiza

Ubuhamya: Jen Imana yamukuye mu bwigunge

byanditswe na: Ubwanditsi     2019-11-01 06:50:56

agakiza

Muri iyi minsi ubwigunge ni icyorezo gikomeje kuyogoza imbaga y’abantu aho
usanga umuntu adakeneye gusabana n’abandi ahubwo akaba nyamwigendaho, ahanini usanga uburere umuntu yahawe akiri muto aribwo bubigiramo uruhare. Ubuzima bwo kwitarura abandi no gukunda kuba wenyine, nibwo Jen yabayemo ariko nyuma Yesu yaje kubimukiza.

Jen akiri umwana, mu gihe abandi bana babaga bari mu kibuga bakina, baramuhamagaraga ngo bakinane akanga ahubwo akiyicarira wenyine kuko yumvaga afite isoni zo kubegera.

ubwo yari ageze mu gihe cy’ubugimbi, yakomeje kuba umuntu uhangayitse, udasabana n’abandi ariko inkomoko y’imyitwarire ya Jen yaterwaga n’uko yakuriye mu rugo rurinzwe cyane aho atabashaga guhura na’abantu b’ahandi ahubwo kwidagadura kwe kwari ugusoma ibitabo no kureba video.

Mu gihe yari ageze mu mashuri yisumbuye, Jen yahahuriye n’abantu beza bamufashije kumenya inzira y’urukundo rw’Imana kandi k’ubw’ubuntu bwayo yabashije gukizwa ndetse abona imbaraga zo gusabana n’abandi kandi ajya mu itorero, aba umucuranzi wa guitar mbese yahabonye umunezero yaburiye ahandi hose.

Jen akimara kugera mu itorero yahabonye incuti n’abavandimwe muri Kristo Yesu bamufasha kuva mu bwigunge, bamutoza gusoma ijambo ry’Imana no gusenga. Buhoro buhoro yagendaga atera intambwe nziza yumva atangiye kubohoka amenya gusabana n’abandi.

Abantu benshi bagira agahinda cyangwa ubwigunge bitewe n’ibibazo byo mu buzima harimo urupfu rw’umuntu wakundaga, gutandukana n’uwo mwashakanye, kugambanirwa n’incuti yawe wizeraga ariko ikintu gikomeye gishobora kubabaza umuntu ku kigero kitavugika ni ugutandukana n’Imana nibyo bishobora kubabaza umuntu ubuzima bwe bwose. kera Jen akiri muto yibwiraga ko nashaka umugore, akabona akazi keza ari byo bizamuhesha amahoro nyamara siko bimeze amahoro yuzuye atangwa na Yesu.

Imana irema umuntu ntiyigeze yishimira ko aba wenyine. Iri jambo ry’Imana turisanga mu itangiriro 2:18 “Si byiza ko uyu umuntu aba wenyine, reka muremere umufasha umukwiriye.” Nta mpamvu rero yo kubona umuntu uba mu bwigunge kandi yakagombye gusabana na bagenzi be. Aha niho umwanzi satani yuririra aganiriza uyu muntu wigunze ndetse bikaba byamuviramo kwiyahura agahomba ubuzima bwe ndetse n’ubugingo buhoraho.

Abantu dutekereje urukundo rutarondoreka Imana yadukunze ikemera gutanga umwana wayo Yesu akabambwa kugirango dukizwe, ntitwakagombye kugenda uko twishakiye cyangwa ngo twangize umubano wacu n’Imana kuko yo yadukunze urukundo rurenze urwo umubyeyi n’umwana we bakundana.

Ikibabaje tugira kamere muntu yo kwima agaciro urukundo Imana idukunda. Nyamara Bibiliya itwereka ko ari Imana ifuha, ishaka ko tuyiha umwanya wa mbere mu mitima yacu, kandi yavuze ko icyubahiro cyayo itazagiha undi.

Kugeza ubu Jen aragira ati: “niyemeje ko nta rupfu nta buzima, nta bya none, nta by’ejo hazaza byantandukanya n’urukundo rw’Imana kuko aho yankuye mu bwihebe no mu gahinda gasaze nzamukunda iteka ryose. Kandi mbonereho umwanya wo gushishikariza abataramenya Yesu ko bakwiye kumushakana umwete kuko muri we hari amahoro n’umunezero Amen.”

Source: 2praisegod.com

Vestine agakiza.org

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?