Turiza uwiteka umutegereze wihanganye

Kwamamaza

agakiza

Turiza uwiteka umutegereze wihanganye


Yanditswe na: Ubwanditsi     2020-07-17 07:38:03


Turiza uwiteka umutegereze wihanganye

Mu buzima bwa buri munsi duhura na byinshi bidukubita hasi bikaba byatuma urusaku ruturenga tukivovota, haba n’igihe usanga akenshi tubabazwa n’uko abanyabyaha bahora mu mahoro nyamara abizera bagahora mu ntambara, ariko icyo dusabwa ni uguceceka tugaturiza imbere y’Imana kuko ibyo yibwira kutugira ni ibyiza.

Turiza uwiteka umutegereze wihanganye, ntuhagarikwe umutima n’ubona ibyiza mu rugendo rwe, n’umuntu usohoza Inama mbi (Zaburi 37:7).

Isi iradutwikiriye aho usanga amagambo n’amashusho bitwara ibitekerezo byacu kandi bikagira ingaruka kubitekerezo byacu. Twitegereza ibicuruzwa bigurishwa kandi tukageragezwa n’bigezweho. Twitegereza inzira yubuzima bw’abandi kandi twibaza niba turi hejuru yabo (tubarenzeho), niba hari icyo tubuze mu buzima bwacu bityo bikadushyira mu muhangayiko.

Iminsi yose mu buzima bwacu, Ijambo ry’Imana riduha icyerekezo cy’ibintu bitandukanye. Imana itubwira ko ishaka kutumara ubwoba kugira ngo dushobore kubona amahoro nyayo n’ibyishimo nyabyo, ndetse no kunyurwa kurambye. Mubyukuri Imana ntishaka ko duhanga amaso abantu cyangwa ngo twifuze kumera nka bo.

Icyo Bibiliya itwibutsa:

Ntidukwiye gusuzumira ubuzima bwacu kubyo abantu bakora cyangwa bavuga.

Ntidukwiye gupima ibyo twagezeho dukurikije amahame yisi.

Ntidukwiye kureka igitutu cy’isi ngo kidutware.

Ntidukwiye kumva duhatirwa gukora cyangwa kuvuga ikintu icyo aricyo cyose kuberako abandi babikora cyangwa babivuga.

Ikigaragara biragoye cyane, ariko tugomba kwiringira Uwiteka n’umutima wacu wose kandi ntitwishingikirize ku bwenge bwacu. Tugomba kubimenya kuko uwiteka azabidufashamo kandi azatuyobora atunganye inzira zacu. (Imigani 3:5-6).

Muri macye, ibintu byose bigize ubuzima bwawe bihereze uwiteka Ntugahungabanywe n’igitutu cy’isi, ahubwo wizere ko Yesu azabikora byose kuko Yadusezeranyije kuduha amahoro n’imigisha, kugukuraho imitwaro, impungenge n’ubwoba icyo dusabwa ni ukumwizera.

Source: www.topchretien.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?