Sobanukirwa uburyo warwanya kumererwa nabi(...)

Kwamamaza

agakiza

Sobanukirwa uburyo warwanya kumererwa nabi mugihe ukoze urugendo rurerure mu modoka


Yanditswe na: Ubwanditsi     2020-01-30 08:10:38


Sobanukirwa  uburyo warwanya kumererwa nabi mugihe ukoze urugendo rurerure mu modoka

Kurwara no kugira iseseme mu gihe abantu bagenda mu modoka ni ikibazo kigera ku bantu benshi ku isi. Ubu burwayi buterwa no kutumvikana hagati y’amaso n’ugutwi kw’imbere bityo bitanga amakuru anyuranye ku bwonko nabwo bugahita bubimenyesha igifu . Aya makimbirane atanga ibimenyetso byinshi by’uburwayi harimo kugira iseseme, kuruka, kurwara umutwe n’ibindi.

N’ubwo nta muti ubivura burundu ariko hari ibinini ndetse n’ uburyo bwo kubirwanya mu gihe witegura gukora urugendo bityo ugasohora iyo ugiye amahoro.

Gufungura amadirishya hakinjira umwuka mwiza

Abantu benshi iyo babonye umwuka mwiza wo hanze byoroshya uburwayi. Muri macye gufungura amadirishya cyangwa se kujya hanze umwanya muto ukabona umwuka mwiza bituma umuntu agarura ubuyanja.

Gufunga amaso

Akenshi kurwara mu gihe cy’urugendo rwo mu modoka biterwa n’ibyo umuntu abona bizenguruka hanze. Kubw’iyo mpamvu biba byiza kwicara ahantu ugafunga amaso ntugire ibyo hanze ureba bityo birinda ubwonko kwakira amakuru menshi avuye ku maso.

Iyo habayeho kunanirwa kw’amaso nabyo byongera kumererwa nabi , mu gihe ubona ko urumuri rukomeje kukuganza wakwambara lunettes z’umukara zizitira umucyo bityo bigabanya kurwara.

Gukoresha tangawizi n’ibiyikomokaho

komokahoTangawizi ni ingenzi mu gukumira uburwayi buterwa no kugenda mu modoka igihe kirekire. Ushobora kuyikoresha uyihekenye cyangwa se ugafata akayiko k’ifu ya tangawizi ukavanga n’amazi macye ukayinywa nibura mbere y’iminota 20 ukabona gufata urugendo.

Kurya ibiribwa byumye

Ubushakashatsi bwerekanye ko ibiribwa byumye urugero umugati ndetse no kunywa soda bigira umumaro ukomeye wo kugabanya acide nyinshi mu gifu bityo umuntu agatundukana no kugubwa nabi.

Gukoresha imiti yo kwa muganga

Hari amaoko atandukanye y’imiti iboneka kwa muganga ndetse no muri pharumasi zitandukanye harimo iyitwa: scopolamine, promethazine, sympathomimetics n’indi. Muri iyi miti harimo iyitwa meclizine irwanya iseseme ndetse n’indi ijya kubuza ubwonko kurekura ibimenyetso by’uburwayi.

Mu gihe ubona ko uburwayi bukomeje kwiyogera wagana muganga akakugira inama y’umuti wanywa ukakugirira umumaro.

Mu by’ukuri abantu benshi ku isi bakunda guhura n’ikibazo cyo kurwara mu gihe bagenda mu modoka ariko ntibakwiye guhera mu bwigunge kuko tubonye uburyo karemano bwadufasha ndetse mu gihe bidakunze neza tugafata imiti dukurikije inama za muganga bityo tukarushaho kugira amagara mazima.

Source: www.wikihow.com

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?