Advertisements

agakiza

Advertisements

agakiza

Sobanukirwa itandukaniro riri hagati y’ubwenge(...)

Kwamamaza

agakiza

Sobanukirwa itandukaniro riri hagati y’ubwenge n’ubumenyi.

byanditswe na: Ubwanditsi     2019-08-16 05:18:50

agakiza

Ubwenge n’ubumenyi,bifitanye isano ariko aya magambo yombi ntahuje inyito. Inkoranya isobanura ubwenge (wisdom) ko ari ubushobozi bwo gushishoza ukamenya icyiza cyangwa ukuri. Ku rundi ruhande, ubumenyi (knowledge) ni amakuru umuntu yunguka ayakuye ku byo akora, atekereza , ku nshuti ze cyangwa mu kiganiro.

Ubumenyi bushobora kubaho nta bwenge buhari, umuntu ashobora kugira ubumenyi ariko atari umunyabwenge. Urugero: ubumenyi ni ukumenya uko bakoresha imbunda, naho ubwenge ni ukumenya igihe cyo kuyikoresha n’ingaruka byatera.
Imana ishaka ko tuyimenya ndetse tukamenya n’icyo idushakaho. Kugirango tuyubahe, tugomba kugira ubumenyi ku mategeko yayo. Ariko byose ni ingenzi kugira ubwenge n’ubumenyi. Ubwenge ni impano iva ku Mana. Ariko niba hariho umuntu muri mwe ubuze ubwenge abusabe Imana iha abantu bose itimana , itishama kandi azabuhabwa (yakobo 1:5). Imana iduha ubwenge kugira ngo tuyiramye tutibagiwe no gukoresha ubumenyi dufite.

Igitabo cy’Imigani kidufasha kwiga ubwenge bwa Bibiriya. Kubaha uwiteka ni ishingiro ryo kumenya, ariko umupfapfa ahinyura ubwenge n’ibibwirizwa (Imigani) kubaha Imana ni ugutangira inzira yo kumenya, kandi Imana iduha ubwenge binyuze muri Kristo Yesu uwo Bibiliya ivuga ko we ubwe ari ubwenge.

Ku bijyanye n’ibyanditswe byera, ubumenyi twabugereranya no gufata umwanya uhagije ugasoma Bibiliya ukavomamo amakuru atandukanye. Mu gihe umaze gusoma ugafata undi mwanya wo gushyira mu nyurabwenge ugafata umwanzuro uhamye wo kwitondera no gukurikiza ibyo ijambo ry’Imana rigutegeka ubu ni bwo bwenge.

Muri make ubumenyi n’ubwenge biruzuzanya, abantu bakora uko bashoboye kugira ngo babone ubumenyi, bishyura amashuri, bakoresha murandasi (internet) kugirango bunguke ubumenyi kandi bikagerwaho nk’uko babyifuza. Nyamara tubonye ko ubwenge buva ku mana niyo mpamvu dukwiriye guhirimbanira kubusaba, nk’uko hari ingero z’abantu babusabye bakabuhabwa kandi bwabagiriye umumaro mu buzima bwabo. Muri abo harimo umwami Salomo umuhungu wa Dawidi.

[email protected]

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?