Sobanukirwa ikintu gitera iseseme

Kwamamaza

agakiza

Sobanukirwa ikintu gitera iseseme


Yanditswe na: Ubwanditsi     2019-10-16 07:27:55


Sobanukirwa ikintu gitera iseseme

Ijambo iseseme (nausea) rigaragaza igihe umuntu aba yumva ari hafi kuruka.iseseme ishobora guterwa n’impamvu zitandukanye harimo: gutwita, ibinyobwa bifite alcohol nyinshi, ibiribwa byanduye n’ibindi. n’ubwo bimeze bityo iseseme iravurwa igakira.

Abantu benshi bakunze kwibasirwa n’iseseme ikamara igihe kirekire ku buryo usanga yababujije amahoro ugasanga umuntu yijimye mu maso, yarakaye, acecetse, muri macye nta kanyamuneza kamurangwaho.

dore bimwe mu bitera iseseme

Bimwe mu bitra iseseme harimo: ingaruka z’imiti umuntu aba yanyweye, ibyo kurya byanduye, uburwayi, gutwita, kunywa alchol nyinshi ndetse no kumva impumuro mbi bituma umuntu yumva agize iseseme.

Akenshi iseseme iterwa n’imyivumbagatanyo ibera mu mara (intestins) bigatera kumererwa nabi harimo no kugira diarrhea ndetse n’uburibwe bw’umutwe bukabije.inshuro nyinshi abantu bafite ibikomere byo mu mutwe (wounds) nabo bakunda kugira iseseme.

Ni ibihe bimenyetso biranga umuntu ufite iseseme?

Ikimenyetso rusange kigaragara ku muntu ufite iseseme ni ukuruka. Ibindi bimenyetso bishamikiyeho ni nko kumagara iminwa, kubabara mu nda no kunanirwa kwihagarika.

Ibimenyetso bikomeye bishobora guherekeza iseseme harimo kubabara mu gituza, kunanirwa gutandukanya ibintu (confusion), umunaniro, umutima utera vuba ndetse no kunanirwa guhumeka.

Uko wakwirinda iseseme

Kwirinda iseseme ukoresha uburyo butagoranye bitewe n’icyayiteye. Inshuro nyinshi iseseme irikiza ubwayo. Ubundi buryo ni ukunywa nabyo bigabanya iseseme mu gihe kurya biyongera. Mu gihe bikomeye uba ugomba kwiyambaza muganga akaguha imiti ishobora kugufasha.

Iyo ufite iseseme, akenshi ntuba ushaka kurya cyangwa kunywa kandi koko biba byumvikana, aha icyo gihe iyo uriye umugati cyangwa umuneke bituma umererwa neza. Mugihe ufite iseseme kandi usabwa kwirinda kurya ibiribwa biryohera cyane.ibiribwa byiganjemo amavuta kuko bishobora kongera iseseme kandi bikaba byagutera kuruka.

Mu gihe ubona ko iseseme yakubayeho karande, kugirango ugire ubuzima bwiza, jya wirinda kugira icyo ukora umaze kurya, kurya bikeya, kwirinda gutwara imodoka ndetse no kwirinda gutekereza kuruka.

Nyuma yo gusobanukirwa, iseseme icyo aricyo, ikiyitera, n’uko yakwirindwa, umuntu wese akwiye gushyira mu bikorwa inama zimworoheye mu zo twabonye kuko bizadufasha kugira ubuzima buzira umuze.

Source: www.everydayhealth.com

vestine agakiza.org

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?