Sobanukirwa amoko atandukanye y’ isengesho

Kwamamaza

agakiza

Sobanukirwa amoko atandukanye y’ isengesho


Yanditswe na: Ubwanditsi     2020-04-08 06:49:18


Sobanukirwa amoko atandukanye y’ isengesho

Gusenga ni ifunguro ry’umukristo, amasengesho agabanyijemo amoko atandukanye: isengesho ryo gusengera abandi, isengesho ryo gushimira Imana, isengesho ryo gusaba, isengesho ryo kuramya n’isengesho ryo gutabaza. Aya masengesho yose afite umumaro kuko abantu bayasenga bitewe n’igihe bagezemo.

Mu by’ukuri, gusenga ni intwaro ikomeye umukristo akoresha akabasha gutsinda umwanzi Satani. Gusenga kandi byakagombye kuba ubuzima bwa buri munsi kuko na Bibiliya itubwira ko tugomba gusenga ubudasiba.

ni muri urwo rwego tugiye kurebera hamwe amaoko y’amasengesho akoreshwa mu mibeho ya gkristo:

isengesho ryo kwizera: iri sengesho rikunze gukoreshwa n’abantu basengera abarwayi aho bizera barangiza bagasaba Imana kubakiza. Iyo dusenga tuba twizeye imbaraga z’Imana. isengesho ryo kwizera rifite imbaraga nyinshi zo gukiza umurwayi akongera kuba muzima (Yakobo 5;15

isengesho ryo gusaba: ibyo dukeneye byose tugomba kubisaba Imana (Abafilipi 4:6) Bibiliya itubwira ko tudakwiye kwiganyira ahubwo muri byose dusenge, twinginga, dushima hanyuma tureke ibyo dukenye byose bimenywe n’Imana.

Isengesho ryo gushima: amasengesho yo mu bwoko bwo gushima akenshi tuyasanga mu gitabo cya Zaburi. Ni biza gushimira Imana kuko imbaraga zayo zirenze ubwenge bwa muntu kandi imbabazi zayo ni nyinshi ku bantu yaremye ndetse ibyo idukorera nibyo bidutera kuyishima.

Isengesho ryo kuramya: isengesho ryo kuramya risa n’isengesho ryo gushima, ariko aho bitandukanira ni uko isengesho ryo kuramya rigaruka ku cyo Imana iri cyo (ubumana bwayo) naho isengesho ryo gushima rigaruka cyane ku byo Imana yakoze.

Isengesho ryo kwinginga: iri sengesho umuntu arisenga abona asumbirijwe bikabije ndetse abona ko igisigaye ari ugushyira ubugingo bwe mu biganza by’Imana. iri sengesho Yesu yararisenze ubwo yagiraga ati: Data niba bishoboka iki gikombe kindenge, si ku bw’umugambi wanjye byose bibe uko ushaka (Matayo 26:39)

Muri macye gusenga ni ukugirana ikiganiro n’Imana kandi gusenga bikwiye gukorwa ubudacogora (1Abatesalonike 5: 16-18) nk’uko dufitanye urukundo na Yesu Kristo dukwiye kuganira nawe tukamubwira ibyo tumwifuzaho nawe yiteguye kutwumva.

Source: www.gotquestions.org

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?