Sobanukirwa akamaro inyanya zifitiye umubiri(...)

Kwamamaza

agakiza

Sobanukirwa akamaro inyanya zifitiye umubiri wacu


Yanditswe na: Ubwanditsi     2019-12-04 04:42:29


Sobanukirwa akamaro inyanya zifitiye umubiri wacu

Inyanya ni ifunguro ry’ingenzi mu buzima bw’umuntu. zifasha mu kuvura indwara zitandukanye nk’umutima. Inyanya zikungahaye kuri vitamine A na C ndetse n’imyunyu ngugu ifatiye runini umubiri wacu.

Impuguke mu buzima n’imirire zihamya ko kurya inyanya kenshi bifasha umubiri kugira ubudahangarwa mu kurwanya indwara. Si ibyo gusa kandiinyanya zifitiye uruhu umumaro ukomeye. ni muri urwo rwego tugiye kurebera hamwe akamaro ko k’inyanya mu mubiri w’umuntu.

Kurya inyanya ibyago byo kurwara umutima:
Amakuru dukesha ikinyamakuru cyitwa Bri tish Journal Nutrition, atubwirako kurya inyanya kenshi bigabanya ibyago byo gufatwa n’indwara z’umutima ku kigero cya 30%.

Inyanya zikungahaye kuri vitamine n’imyunyu ngugu:
Kurya inyanya bifasha umubiri kunguka vitamine A, vitamine C, vitamine K, vitamine B1,B3,B5,B6,B7 ndetse n’imyunyungugu nka iron , magnesium, chromium, choline, zinc na phosphore.

Inyanya zifasha igogora gukorwa neza:
Kurya inyanya bifasha urwungano ngogozi gukora neza ndetse bikarinda umuntu kunanirwa kwituma ariko cyane cyane umutobe w’inyanya ni ingenzi cyane.

Inyanya zirwanya uburwayi bw’impyiko:
Iyo umuntu ariye inyanya zigira umumaro wo gukura imyanda mu mubiri bityo bikarinda umuntu kurwara impiswi, ikindi kandi inyanya zirwanya uburwayi bw’impyiko aho usanga amaraso yajemo utubuye.

Inyanya zibungabunga ubuzima bw’uruhu n’umusatsi:
Kunywa umutobe w’inyanya inshuro nyinshi imibereho myiza y’uruhu kuko zikize kuri vitamine K ifasha mu gukura k’umusatsi.

Inyanya ni ingenzi mu gukomeza amagufwa:
Kurya inyanya bifasha mu kugira amagufwa mazima bitwe n’uko zikungahaye ku munyu ngugu wa calicium bityo bituma amagufwa akomera ntabashe kuvunagurika uko yiboneye.

Inyanya zituma amaso areba neza ndetse bikarinda indwara z’amaso:
Bitwe n’uko inyanya ari inkomoko ikomeye ya beta carotene, lutein na zeaxanthin, zishobora gufasha mu kunoza imirebere y’amaso ndetse bikarinda amaso kwangirika.

Inyanya zigabanya ibyago byo kurwara kanseri y’amabere:
Ubushakashatsi bwakozwe bwagaragaje ko mu nyanya higanjemo carotenoids , alpha-carotene, lutein , zeaxanthin, lycopene. Ibi byose bigira umumaro wo kurwanya ibyago byo kuba umuntu yarwara cancer y’amabere.

Inyanya zigabanya ibyago byo kwangizwa n’uburozi bwo mu itabi:
Kurya inyanya kenshi bishobora kugabanya ibyago byo kwangizwa n’uburozi buba mu itabi (nicotine) mu nyanya habamo acide yitwa coumaric na acide chlorogenic zikora umurimo wo kurinda umubiri carcinogens zituruka mu mwotsi w’itabi.

Ku bw’ibyo rero dukwiye kubungabunga ubuzima bwacu tunoza imirire ariko by’umwiharko inyanya kuko zifitiye akamaro umubiri wacu.

Source:
www.craftydaily.com
www.preventdisease.com

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?