Advertisements

agakiza

Advertisements

agakiza

Rutsiro: Chorale Elayo yataramiye abatuye(...)

Kwamamaza

agakiza

Rutsiro: Chorale Elayo yataramiye abatuye muri Congo Nil

byanditswe na: Ubwanditsi     2019-09-11 13:18:03

agakiza

Chorale Elayo ibarizwa mu itorero rya ADPR Paroisse ya Sumba mu karere ka Nyamagabe yatangiye kuririmba indirimbo zo kuramya no guhimbaza Imana mu mwaka mu mwaka w’1986, ubu igizwe n’ abaririmbyi 95, ikaba iyobowe na Dusenge Hycenthe.

Iyi chorale ikora ibikorwa bitandukanye bigamije gusakaza ubutumwa bwiza no guhamagarira abantu kuyoboka Yesu Kristo harimo gukora amavuna muri gereza zitandukanye, mu bigo by’amashuri, gukora ibitaramo, kwitabira ubutumire cyane cyane mu itorero rya ADPR n’ahandi hose.


Chorale Elayo yamenyekanye mu ndirimbo zo guhimbaza no kuramya Imana harimo: Iraduhetse, Turashima Imana, Isi yose iririmbe n’izindi nyinshi zinyuranye. Ikaba ifite intego y’ivugabutumwa risesuye hagamijwe kongera umubare w’abantu bakizwa bakava mu byaha.

Ni muri urwo rwego Chorale Elayo yakoreye igitaramo cy’akataraboneka mu karere ka Rutsiro, mu mujyi wa congo Nil cyatangiye ku wa 7 Nzeri gisozwa ku wa 8 Nzeri 2019. Iki giterane cyari gifite intego igira iti: “Gukora imirimo myiza ibereye umukristo” (Abaroma 12: 1-2, Mika 6: 1-8)

Byongeye kandi iki gitaramo cyitabiriwe n’amakorali ndetse n’abavugabutumwa: Reveland Onesphore Uwizeyimana na Pastor Joseph Twayigize. Kitabiriwe kandi n’abantu b’ingeri zose: abakuze, urubyiruko rwaturutse hirya no hino, abakristo ba ADPR Paroisse ya Congo Nil, abashyitsi baturutse mu yandi matorero.


Muri iki giterane. abitabiriye basoanuriwe ububi bw’ibiyobyabwenge harimo kwangiza ubuzima bw’umuntu ndetse no kudindiza iterambere ry’igihugu. Abitabiriye bahavuye bafashe umwanzuro ntakuka wo gukumira ikoreshwa ry’ibiyobyabwenge mu gace batuyemo n’ahandi hose muri rusange.

Binyuze mu ijambo ry’Imana, indirimbo n’ubuhamya butandukanye havuyemo umusaruro ushimishije kuko abantu benshi bakiriye Yesu nk’ umwami n’umukiza w’ubugingo bwabo, by’umwihariko urubyiruko rwahinduye imyitwarire aho abantu umunani bihannye ndetse bakazinukwa gukoresha ibiyobyabwenge. mu by’ukuri batangiye kwimenyereza gukora imirimo myiza ibereye umukristo, ibi bikaba inyungu ku bantu ku giti cyabo, ku itorero ndetse n’igihugu muri rusange.

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?