Advertisements

agakiza

Advertisements

agakiza

Roho nzima mu mubiri muzima.

Kwamamaza

agakiza

Roho nzima mu mubiri muzima.

byanditswe na: Ubwanditsi     2019-07-27 12:33:37

agakiza

Mu miterere y’umuntu agizwe n igice cy’umubiri kigaragara inyuma(corps humain) kikaba kigizwe n’inyama n’amaraso, hakaba n’igice cy’imbere kitagaragara kitwa roho(umwuka, l’ame) ibi bice byose biruzuzanya iyo kimwe muri ibi bice kitameze neza bibangamira imikorere y’ikindi. Hari uburyo rero umuntu abungabunga umubiri ndetse na roho kugirango bibashe kuzuzanya.

Kugirango umubiri ube muzima ukenera ibiwutunga biva mu byo duhinga n’amatungo tworora. aha twavuga indyo yuzuye igizwe ni ibiribwa bigabanyijemo amoko 3 ibirinda indwara, ibyubaka umubiri, ibitera imbaraga.

Ibirinda indwara
Ibi Ibiribwa byifitemo za vitamini nk’imboga n’imbuto bifasha ubwirinzi bw’umubiri wacu bigatuma ugumana ubuzima bwiza, muri ibi biribwadusanagamo:Imyembe,Inanasi,Inyanya,Puwavuro Karoti, imboga rwatsi, avoka ,ipapayi, intoryi n’ibindi.

Ibyubaka umubiri
Ibyubaka umubiri tubonamo: inyama n’ibikomoka ku matungo harimo Inyama zitukura,inyama z’umweru(Amafi, Inyama z’inkoko) naho Ibikomoka ku matungo birimo amagi amata, foromaje. Ibindi biriwa ni Ibishyimbo,Ubunyobwa…

Ibitera imbaraga
Ibiribwa bitera imbaraga tubonamo ibinyamafufu n’ ibinyampeke urugero:Ibijumba,Imyumbati, Ubugari, Imyungu, Umuceri, Ibitoki, Umugati
Ingano, Amasaka hamwe n’ibindi binyampeke.

Ku rundi ruhande rero roho y’umuntu ni igice kitagaragara inyuma kigizwe n’umwuka, ku bijyanye n’imyemererere ya gikristu iki gice nicyo gihuza abantu n’Imana bakagirana ubusabane, bakaganira. Iki ni igice cy’ingenzi kuko mu mibanire y’umuntu n’Imana habamo kumva umuntu agize imibereho mishya .Dominique Salin yabivuzeho ko umuntu yumva ubuzima bwe buhindutse iyo asabana n’Iman ati: umuntu aremezwa,

Akumva agize andi maranagamutima atandukanye n’ayo mu buzima bwa buri munsi ndetse atangira kugira amahishurirwa atandukanye.

Ese ni gute umuntu agira roho nzima?
Kugirango roho ibe nzima birakwiye gutunga ijambo ry’Imana.
“Ijambo rya Kristo ribe muri mwe rigwiriye rifite ubwenge bwose, mwigishanye muhugurane muri zaburi n’indirimbo n’ibihimbano b’umwuka muririmbirana Imana ishimwe mu mitima yanyu”. Abakolosayi 3:16

Icyo Bibiliya ibivugaho
Ubusanzwe Umubiri ni icumbi ry’umwuka
Mbese ntimuzi ko imibiri yanyu ari insengero z’umwuka wera uri muri mwe,uwo mufite wavuye ku Mana? Kandi ntimuri abanyu ngo mwigenge. (1abakorinto 6:19)

Ntimuzi ko imibiri yanyu ari ingingo za kristo mbese noneho ntore ingingo za kristo, nkazihindura ingingo za maraya? Ntibikabeho !(1abakorinto 6:15)

N’ubwo twabonye haruguru uburyo twakwita ku mibiri yacu ngo tugire ubuzima,Bibiliya ivuga ko imibiri yacu ari ingingo za Kristo ikanatwibutsa ko tudakwiye gukoresha imibiri yacu mu gukora ibyaha, kuko roho nzima igomba gutura mu mubiri muzima udafite inenge.

Tubonye rero ko umwuka(roho) urusengero rwawo ari umubiri Birumvikana rero ko niba abantu tugirira isuku amacumbi yacu dutuyemo tukayitaho uko bishoboka kose ni nako tugomba kwita ku mibiri yacu, ndetse no mugihe habayeho indwara tukihutira kwivuza, ibi bizatuma umukristo agira imibereho myiza kuko roho izabona aho gutura heza bityo abashe gukorera Imana afite n”ubuzima buzira umuze.

Source:https://fr.wikipedia.org/wiki/Corps_humain
www.croire.com
[email protected]

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?