Advertisements

agakiza

Advertisements

agakiza

Niyo uri mu bikugoye, Imana iba ugufitiye(...)

Kwamamaza

agakiza

Niyo uri mu bikugoye, Imana iba ugufitiye umugambi mwiza.

byanditswe na: Ubwanditsi     2019-07-15 07:26:08

agakiza

YOHANA 5.1-8
1.Hanyuma y’ibyo haba iminsi mikuru y’Abayuda, nuko Yesu ajya i Yerusalemu.
2.Kandi i Yerusalemu bugufi bw’irembo ry’intama hariho ikidendezi, mu Ruheburayo kitwa Betesida, cyariho amabaraza atanu.

3.Muri ayo mabaraza hari abarwayi benshi, barimo impumyi n’ibirema n’abanyunyutse, bari bategereje ko amazi yihinduriza,
4.Kuko rimwe na rimwe marayika yamanukaga akajya muri icyo kidendezi, agahinduriza amazi. Nuko umuntu wabanzaga kujyamo amazi yihindurije, ni we wakiraga indwara ye iyo ari yo yose.
5.Hariho umuntu wari ufite indwara, ayimaranye imyaka mirongo itatu n’umunani.
6.Yesu amubonye aryamye amenya yuko amaze igihe kirekire arwaye, aramubaza ati “Mbese urashaka gukira?”
7.Umurwayi aramusubiza ati “Databuja, simfite umuntu unjugunya mu kidendezi iyo amazi yihindurije, nkīza undi antanga kumanukamo.”
7.Yesu aramubwira ati “Byuka wikorere uburiri bwawe ugende.”

Iri jambo riravuga ku muntu wari umaranye uburwayi imyaka mirongo itatu n’umunani( 38) yose, ariko Imana yo imufiteho umugambi mwiza, kuko igihe kigeze Yesu yamugezeho aramukiza.

Yesu rero yaje mu isi kugira ngo abarushye n’abaremerewe bose bamusange abaruhure, kuko hari igihe umuntu abura uwamujugunya mu kidendezi:

Yesu ni we wenyine urusha abandi bose kumenya ibikugerageza, kandi iyo umuhanze amaso akugirira impuhwe, akakwitaho,

Kandi umenye ko mu mubabaro wawe no mu bibazo byawe byose, Uwiteka abigufitiyemo umugambi mwiza!

Ukuboko k’Uwiteka ni ko konyine kubasha kugukura mu byo abavandimwe, inshuti n’imiryango yawe bitabasha kugukuramo;

Nuko rero ukomeze utegereze gutabarwa kwawe wihanganye, usenge nka Dawidi, ati: ’’kirishe ukuboko kwawe kw’iburyo unsubize, kugira ngo abo ukunda bakizwe"(Zaburi 108:7).

Kuko mu kwitotomba no mu kwiganyira atari ho igisubizo kiva, ahubwo wegere Imana wizeye ko ukuboko k’Uwiteka ari ko kuzagukiza.

[email protected]

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?