Ni ikihe gisobanuro cy’Inkuge ya Nowa? Ubundi(...)

Kwamamaza

agakiza

Ni ikihe gisobanuro cy’Inkuge ya Nowa? Ubundi yashushanyaga iki abantu bakwiye kwiga uyu munsi?


Yanditswe na: Ubwanditsi     2020-10-07 08:35:02


Ni ikihe gisobanuro cy’Inkuge ya Nowa? Ubundi yashushanyaga iki abantu bakwiye kwiga uyu munsi?

Mbere yuko Nowa afunga Inkuge yari yarabanje gusobanukirwa imiterere y’Imana n’imikorere yayo. Nowa agendeye kuri gahunda y’Imana yirinze kwinjiza abantu mu nkuge bitewe n’uko basuzuguye Imana. Uyu munsi wa none dufite ibihamya bitwereka ubwiza bw’Imana biciye muri Yesu Kristo. Nibyo bituma dutahura imico yayo duhamagarirwa kwigana umunsi ku munsi.

Uwiteka aravuga ati” Nzarimbura abantu naremye, mbatsembe mu isi uhereye ku muntu n’inyamanswa n’amatungo n’ibikururuka n’inyoni n’ibisiga byo mu kirere, kuko nicujije ko nabiremye.” Itangiriro 6:7-8

Mu gihe kingana n’iminsi ijana na mirongo itanu (150), Inkuge Nowa yari arimo ireremba mu Isi, binatekerezwa ko ashobora kuba yaba yariyumvishe nk’umuntu wibagiranye ndetse wavumwe, ko ashobora kuba yaratawe bitewe n’igihe yamaze yubaka inkuge wenyine n’igihe ubuzima bwari butaragaruka ku Isi ubwo yari mu nkuge.

Abakristo mu rugendo rwabo rujya mu ijuru bashobora guhura n’imbogamizi nk’izo Nowa yahuye nazo nkuko twari tubivuze haruguru: Gutegereza Imana no kwibuka amasezerano yayo .

Yesu n’Inkuge

Yesu ni ubuhungiro ku bamwemeye bakamwizera bose, haba ubuzima tubamo mu isi dukenera Yesu nk’umutabazi wacu muri byose.

Dr. Ray Pritchard yagereranije umwuzure no “Kugaruka kwa Yesu” kubera ko, ku batizera benshi bakunda guhinyura abakristo, bizabaho batungurwe kugira ngo ibyanditswe bisohozwe. Abantu bazaba bari mu mirimo, nk’ubucuruzi nk’uko bisanzwe kugeza umunsi Yesu azagarukira. Kuri uwo munsi, nkuko byari bimeze igihe Nowa yafungaga imiryango y’Inkuge niko abantu benshi bashobora kuzabura amahirwe yo kwijira mu ijuru .

Nowa ashushanya Mesiya muri ubu buryo

Yagombaga kuguma mu kwizera igihe kirekire. Ibyanditswe byera ntibisobanura neza igihe byamutwaye n’abahungu be kubaka Inkuge , ariko byari igikorwa gikomeye . Ntabwo tuzi niba Nowa yari azi kubaka niyo nyubako y’Inkuge ariko birashobora kuba aribwo bwa mbere yari afashe ibikoresho by’akazi nk’ako n’ubwo yaje kuyoborwa n’Imana .

Ese abakristo bazi neza icyo gutegereza Imana bivuze? Ni mu masengesho kandi bihanganye . Ikindi ni uko twakwibaza niba abantu biteguye kugaruka kwa Yesu, by’umwihariko niba abakrisito barimo gukora umurimo wogushaka icyazimiye( Ivugabutumwa).

Byasabye Nowa n’abahungu be kwihangana kugira ngo barangize akazi kabo, bitewe n’akaga bahuraga nako ko gucibwa intege n’ababasekaga babashinyagurira ku mugaragaro.

Yesu n’abigishwa be na bo barashinyaguriwe, barangwa, kandi baranahohoterwa kugeza ku herezo ry’ubuzima bwa Kristo, nyuma abigishwa nabo baricwa ariko muri ibyo byose bagaragaje kwihangana. Abakristo dukwiye gukorera Imana dutegereje kugaruka kwa Yesu kandi twihanganye.

Imana izirikana Nowa, nyuma Nowa nawe arayishimira

Nyuma yuko Imana yayoboye Nowa akubaka inkuge, ndetse agakurikiza amabwiriza yose yari yahawe y’ibyagombaga kwinjira mu nkuge. Imana yarebye no kukwihangana yagize yubaka inkuge maze imwibukana n’ibifite ubugingo byose Imuha umugisha. Itangiriro 8:1-19

Hari ubwo abakristo bashobora gutegereza igihe kirekire bakaba batekereza ko Imana yabibagiwe, ariko inkuru ya Nowa irashimangira ko Imana yacu ari iyo kwizerwa kandi izirikana isezerano ryayo ku bantu bayo. Niba wari utangiye gucika intege mu murimo w’Imana, igihe ni iki cyo kwiyongeramo imbaraga kuko Imana yo ihora izirikana kandi ni iyo kwizerwa.

Igihe ubuzima bwagarukaga ku isi nowa n’abe, n’inyamanswa basohotse mu nkuge, yubakiye Uwiteka Imana igicaniro, atoranya mu matungo yose no mu nyamanswa zose zitazira no mu nyoni n’ibisiga bitazira, atambira kuri icyo gicaniro ibitambo byoswa.

Icyo gitambo cyanejeje Imana bituma inagirira imbabazi abana b’abantu n’ibyaremwe byose, aho yibwiye iti” Sinzongera ukundi kuvuma ubutaka kubw’abantu , kuko gutekereza kw’imitima y’abantu ari kubi uhereye mu bwana bwabo . Kandi sinzongera kwica ibifite ubugingo nk’uko nakoze “ . Itangiriro 8: 21-22

Abakristo bakwiye kugira umuco wo gushima Imana nyuma yogutabarwa nayo kuburyo bw’uko amashimwe yabo Imana ishbora guheraho inakora ibirenze ibyo yabakoreye mbere cyangwa ikagira imbabazi ku byemezo runaka yari yarafatiye abantu. Ntidukwiye gushima amashimwe akomeretsa abandi cyangwa kubishongoraho. Ishimwe ryawe rikwiye kuba rifitiye abandi umumaro.

Source: Christianity.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?