Ni iki abanyapolitike bakijijwe bakwigira(...)

Kwamamaza

agakiza

Ni iki abanyapolitike bakijijwe bakwigira kuri William Weberforce, intwari yo kwizera abifatanyije n’imirimo ya Politike?


Yanditswe na: Ubwanditsi     2020-07-23 09:10:34


Ni iki abanyapolitike bakijijwe bakwigira kuri William Weberforce, intwari yo kwizera abifatanyije n’imirimo ya Politike?

Nubwo yibukwa cyane kuba yarayoboye urugamba rwo kurwanya ubucakara, William Weberforce yakoze ibyiza byinshi mubindi bice bitandukanye cyane mu byo kwizera.

Wilberforce yavukiye mu muryango wa Yorkshire, nyuma yo kujya muri kaminuza ya Cambridge, bivugwa ko atari umuhanga cyane mubyo mu ishuri icyakora yarageregezaga. Yabaye umudepite mu 1780. Mubyo yakoraga byose nta byinshi yitagaho nko gukora ibishoboka byose ngo azamure umwuga we (akazi ko kuba depite).

Mu 1784, ubuzima bwe bwarahindutse cyane ubwo yahindukaga umukristo, agahindura kwizera kwe. Yagiranye umubano n’Imana kuburyo budasanzwe, kukigero cy’uko yanatekereje kuva muri politike akaba yaba umuvugabutumwa cyangwa akayobora amatorwero.I cyakora nubwo yari afite icyo gitekerezo, yaje kugirwa inama yo kutava muri politike abwirwa ko byose ashobora kubihuza bikemera, ko yaba umukristo mwiza kandi ukora inshingano ze za politike neza.

Bidatinze,yaje kwifatanya n’abandi bakristu biyemeje gushyira mu bikorwa ukwemera no kwizera kwabo, bagakora ivugabutumwa rihindura sosiyete kuba nziza. Muri icyo gihe cya william , benshi bari bahanganye bikomeye n’ikibazo cy’ingutu cyariho icyogihe,Ubucakara ndetse n’ubucuruzi bw’abantu, cyari ikizira gikomeye cyari cyibasiye isi y’icyo gihe.

Wilberforce rero yaje kwifatanya n’abo bakristo kandi akagira ijwi ryumvikana ,dore ko yaje kuba n’indashyikirwa mu guhirimbanira kurwanya ubucakara maze abigira intego y’ubuzima bwe. Nubwo yarwanyijwe cyane n’abafite inyungu mu bucuruzi bw’abacakara kandi bwunguka cyane, Wilberforce yakomeje gushyiraho imishinga y’amategeko kuva mu 1789 kugira ngo abanze akureho ubucuruzi bw’abacakara, hanyuma anace burundu uburetwa n’itotezwa bakorerwaga.

Nubwo bitaje kumworohera muri urwo rugamba rwe, Wilberforce yakomeje gukora ibishoboka byose,aharanira kurwanya ubucakara n’icuruzwa ryabo kandi ibyo byose yabifatanyaga n’ubutumwa bwiza, buherekejwe n’indangagaciro z’Imana, yabikoze kugeza mu 1833.Hasigaye iminsi itatu ngo yitabe Imana, guverinoma y’Ubwongereza yemeje umushinga w’itegeko ryo gukuraho ubucakara. Ni ukuvuga ko Intambara yarwanye ubuzima bwe bwose yari ayitsinze.

Wilberforce yagize kandi uruhare mu bindi bijyanye no kwita ku bibazo bibangamiye imibereho myiza y’abaturage.Urugero mugihe yiyamamazaga, yari afite imigabo n’imigambi avuga ko azarengera inyungu z’imfubyi n’abapfakazi , gushyigikira ishuri ryo kucyumweru (Sunday school) kurwanya ihohoterwa rikorerwa abana ndetse n’imirimo ivunanye ibakoreshwa, n’ibindi.

Sibyo gusa kandi kuko Wilberforce Yanagize uruhare mu gushinga imiryango myinshi irimo n’iyagikristo harimo nka The Church Missionary Society and the British and Foreign Bible Society, ikindi kandi yari umwe mu bashinze umuryango wa mbere w’abagiraneza barwanya ubugizi bwa nabi bukorerwa inyamaswa, kuri ubu witwa RSPCA. Umuryango yashinze wahagurukiye kurwanya bikomeye ruswa , ubusinzi, uburaya ndetse n’ubugome bukorerwa inyamanswa.

Dore ibintu 5, muri byinshi byaranze Wilberforce

Yashikamye kukwemera kwe

Nkuko abakristu benshi babigezeho , mbere na nyuma ye , yashoboraga gutandukanya ubuzima bwe bw’umwuka n’imirimo ye ya buri munsi mubya politiki byose akabikora neza nta na kimwe kibangamiewe. Kuri Wilberforce yabashije kuringaniza neza ukwemera kwe abasha no kugera kuntego ze mukazi yakoraga.

Yabaye indashyikirwa muri politike

Nubwo atamenyekanye cyane nk’uwiyeguriye Imana nk’umuhamagaro gusa, mugihe yatangiraga inshingano ze za politike yagaragaye nk’umunyantegenke, ari umugabo muto, uri mu buzima butari bwiza , Wilberforce yafashe inshingano yizeye ko azagera kuntego ze.

Yari umuntu w’ibitekerezo byashoboraga kumukururira mu kaga nko kuvanaho ubucakara n’icuruzwa ry’abacakara .Nubwo ibitekerezo bye byanengwaga cyane kandi bigukumirwa n’abandi banyapolitike b’icyo gihe, ntibyamuciye intege kandi Yatanze ikiguzi cye nkumuyobozi.

Yari afite kwiyemeza

Wilberforce yakomeje urugamba rwo kurwanya ubucakara, atari mugihe cy’amezi runaka cyangwa umwaka gusa, ahubwo yamaze imyaka mirongo. Yatahuye umuhamagaro we kandi arawukomeza. Mu byukuri yabaye mu buzima bushingiye ku ntego.

Yari afite ubwenge

Wilberforce yari umuntu utekereza neza, yahangayikishwaga n’abandi kandi abashakira inkunga. Ikindi yari azi kubaka ubucuti n’ubufatanye aho bishoboka hose.

5. Yarinze ubuzima bwe bwo mu mwuka

Kubera uruhare rwe n’ibikorwa bye byose byaba ibya gikristo cyangwa ibya politike yahuzaga kandi nta kibangamiye ikindi , Wilberforce byatumaga yiyizera bitewe n’uburemere bw’izo nshingano ze. Nyamara yari azi ko Imana ariyo yonyine ishobora kuba isoko y’imbaraga yari akeneye. Kugeza ku iherezo ry’ubuzima bwe yakomeje kwiringira ubuntu bw’Imana.

Source: www.christiantoday.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?