Ni gute wakwitwara mu gihe warakaranijwe n’uwo(...)

Kwamamaza

agakiza

Ni gute wakwitwara mu gihe warakaranijwe n’uwo mwashakanye?


Yanditswe na: Ubwanditsi     2020-06-11 05:06:00


Ni gute wakwitwara mu gihe warakaranijwe n’uwo mwashakanye?

uburakari ni amarangamutima asanzwe adufasha kwerekana imvamutima cyangwa se akababaro kacu. uburakari ntibwihishira ku bantu bose, bitewe n’imiterere y’umuntu ashobora guhita abugaragaza cyangwa se akabika ku mutima icyamubabaje aribyo bivamo inzika. nko ku bantu babana cyangwa abashakany iyo bimeze bityo baba bagomba kureba neza inkomoko y’uburakari bakayiranduranan’imizi yayo bifashishe uburyo bw’ibiganiro (communication)

mu gihe abantu bafite ibintu batumva kimwe biba bisaba kwitonda mu magambo kuko Amagambo y’umwe yangiza ibitekerezo bye hanyuma akarenga akajya no kwangiza mugenzi we, n’ubwo mu gihe cy’uburakari ibyo umuntu akora byose ni ibikorwa byizana (action involontaire) ariko kandi bigaragaza ikibazo cyo kudahuza ikiganiro ngo harebwe icyakorwa.

Kurakara inshuro nyinshi bishobora kugira ingaruka mbi kubashakanye, umuryango wacu, abo turibo ndetse no kubuzima bwacu. niyo mpamvu ari ngombwa kugira urufunguzo ruzadufasha twebwe n’abacu, abo twashakanye hagamijwe kugarura ituze.

ni muri urwo rwego tugiye kurebera hamwe uburyo bwiza bwadufasha guhosha uburakari no gukemura amakimbirane hagati y’abashakanye.

1. gutuza ukayoborwa n’umutima w’ubugwaneza:

gusubizanya ineza guhosha uburakari, ariko ijambo ribabaza ribyutsa umujinya (Imigani 15:1)

mu by’ukuri, mu rwego rwo guhosha amakimbirane, ushobora kuvuga uti: "Mbabarira, ndumva ko ubabaye ..." iyo umuntu urakaye akabona ko bamuteze amatwi kandi bamwumva icyo gihe ashobora gutuza vuba. ikindi umuntu yirinda gukoresha ijwi amajwi aranguruye cyangwa amagambo akomeretsa mugenzi we.

Uburakari ni nko kumenyekanisha ibyuyumviro byawe ku bibazo bihari. Ni ngombwa kumenya imibabaro iri iba yihishe inyuma yuburakari bw’umuntu no kumenya icyabiteye.

2. guceceka:
iyo inkwi zibuze umuriro urashira, ahpo inzimuzi zitari intonganya zirashira (Imigani 26:20)

imu gihe mwarakaranyijwe ntabwo ari igihe cyo gutanga ibitekerezo byawe, no kwisobanura wenyine. icyiza ni ugutegereza kugeza umujinya ucogoye, nibura nk’iminota 30 cyangwa isaha 1 hanyuma mukagaruka kubyabaye, udashinja mugenzi wawe ariko ukemerera buri wese kuvuga icyo yumva atekereza ku bijyanye n’amakimbirane yanyu no gushaka icyakorwa ngo amahoro agaruke.

3. kubaha uwo mwashakanye:

abashakanye bakwiye kubahana ndetse bakabwirana byose bibaranga, umwe ashobora kubwira mugenzi we uko yifuza ko amufata ndetse n’ibyo amukorera bikamubangamira. ibi byose iyo bikozwe mu kubahana bibyara umunezero utarondoreka mu rugo.

4. kubabarira:

" utubabarire ibicumuro byacu nk’uko natwe tubabarira abaducumuyeho" (Matayo 6:12)

icyo Imana idushakaho ni ugufata umwanzuro wo kubabarira ndetse no kubabariwa, ikindi kandi kubabarira ntabwo ari ukubika inzika ahubwo ni ukwibagirwa burundu.
muri macye, biragoye kugirango abashakanye bahite bahuza imico 100% ariko hamwe no kwicisha bugufi imbere y’Imana mukayisaba imbabazi ndetse n’ubufasha, Imana iraza ikabasanga ikabubakira urugo rw’ikitegererezo kandi tuzi ko urugo ari ijuru rito.

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?