Advertisements

agakiza

Advertisements

agakiza

Ni gute nagaragariza abana urukundo?

Kwamamaza

agakiza

Ni gute nagaragariza abana urukundo?

byanditswe na: Ubwanditsi     2019-11-08 05:38:01

agakiza

Abana ni umugisha uva ku Mana, ni ngombwa kubagaragariza urukundo mu buryo bwose bushoboka kugirango bakure neza bakuza ubwenge.hari uburyo butandukanye wakwifashisha mu rwego rwo kubashimisha.

Abakunda abantu babereka urukundo. niba tutagaragaza urukundo, Imana ntiba ikiri muri twe. Pawulo yabwiye Tito ngo ahugure abagore bakuze kwigisha abagore bakiri bato gukunda abana babo (Tito:2:4) abatereka abana babo urukundo ntibakunda Imana. Mu butumwa bwiza bwanditswe na Matayo 18:5-6, Yesu yahaye abana agaciro gakomeye cyane.

Abana bakenera uburenganzira bwo kurindwa, kugira umuryango, kubwirwa ko bakunzwe, gukina nabo, kubaha igihe gihagije cyo kuganira nabo, kubumva, ibi bikorwa byose bibakora ku mutima bikabereka ko bakunzwe, bibafasha gukura neza biyumvamo urukundo rw’ababyeyi babo n’abandi bafite inshingano zo kubarera. Iyo umwana atagaragarijwe urukundo akurana umubabaro kuko atabonye umugisha wo gukundwa.

Byaba bibabaje cyane kubona hari abantu batekereza ko umwana yabaho adahabwa urukundo, mu gihe hagati y’inyamaswa, urukundo ruragaragazwa cyane ku bana bazo kandi ntawazigishije kubikora. None bishoboka bite ko twe twaremwe mu ishusho y’Imana tutafata umuco wayo nk’uko tuzi ko Imana ari urukundo.

Mu rwego rwo kunoza ikiganiro (communication) ugirana n’abana dore bumwe mu buryo bw’ingenzi wakwifashisha:

Ukwiye kuganiriza umwana ukurikije ikigero cye bigufasha kumenya ibyo
abasha kumva bitamugoye, ukwiye kwibuka gukoresha imvugo iboneye kandi
nzima.
Ni byiza kuganira n’umwana murebana, bimufasha kubona ko wamuhaye
agaciro. N’ubwo umwana yaba ari muto si byiza kumubwira wibereye mu bindi.
Ganira n’umwana wabanje kureba ko mureshya, bishatse kuvuga ko niba
umusumba byaba byiza ugerageje guca bugufi kuko bimwereka ko umukunda.
Si byiza ko uvuga amakosa ye abantu bateranye kuko bimutera ikimwaro cyangwa ipfunwe. Tegereza abantu bagende umubwire mwihererye mwembi nibyo bidashobora kumugiraho ingaruka mbi mu mitekerereze ye.

Mubwire mu ijwi rihuye n’iryo avuga mu rwego rwo kwirinda kumukanga. Urugero: niba uri umugabo ufite ijwi riremereye ni byiza kurigabanya ukavuga akajwi k’abana.

Mwibutse ko umukunda cyane kandi na Yesu akunda abana bose.

Muri macye icyo umwana azaba ejo ababyeyi cyangwa abarezi bagifite mo uruhare. Birakwiriye kubitaho uko bikwiriye, kubagaragariza urukundo kuko bibafasha gukura mu buryo bwombi: mu bwenge no mu gihagararo. Nk’uko Bibiliya ibivuga ni byiza kumenyereza umwana inzira akwiriye kunyuramo azarinda asaza atarayivamo. (Imigani: 22:6)

source: parenting.com

Vestine agakiza.org

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?