Advertisements

agakiza

Advertisements

agakiza

“My Work, My Ministry” ni igitabo kigiye(...)

Kwamamaza

agakiza

“My Work, My Ministry” ni igitabo kigiye kumurikwa.

byanditswe na: Ubwanditsi     2019-10-10 06:54:29

agakiza

Pastor Paddy Blessed Musoke ni umwanditsi w’igitabo “My Work My ministry” yavutse mu 1968 ni umunyarwanda. Arubatse afite umufasha n’abana batanu. Yakoze umurimo w’Imana mu itorero rya Rwanda for Jesus. Nyuma yaje kujya i Burundi ashinga itorero Trinity Tabernacle Church. Muri 2015 nibwo yagarutse gukorera mu Rwanda.

Mu mwaka wa 2010, Paddy Blessed Musoke nibwo yagize igitekerezo cyo gukangurira abakristo b’abakozi kugirango babe ingirakamaro mu gukemura ibibazo abantu bahura nabyo ndetse no kugira umumaro mu bwami bw’Imana. Muri icyo gihe yari amaze kubona ko nta bitabo bya gikristo bihari bivuga ku ntego y’umurimo.
Pastor Paddy Blessed Musoke akora imirimo itandukanye harimo ibyerekeranye n’ubwubatsi ( civil engineering) ,yigisha ijambo ry’Imana. Si ibi gusa akora, Musoke ni umwanditsi w’ibitabo: Laws of Healthy Relationship With God, Vessels, Kingdom Prosperty (ntikirajya ku mugaragaro) ndetse n’ikindi yise:Work, My Ministry akaba ari cyo agiye kumurika.

Kuri iki cyumweru tariki 13 ukwakira 2019, Pastor Paddy Blessed Musoke arashyira ku mugararagaro igitabo yanditse kitwa “MyWork,My Ministry” uyu muhango uzabera muri Kigali Serena Hotel saa kumi z’umugoroba. Muri iki gikorwa Hazabaho umwanya wo kubaza no gusubiza ibibazo byose yerekeranye n’igitabo.

Muri uyu muhango wo kumurika igitabo, hatumiwemo: abakristo b’abakozi,abayobozi n’abakozi baturutse mu bigo bya Leta, ibyikorera, imiryango idaharanira inyungu (NGOs), n’abayobozi b’abakristo.

Intego y’iki gitabo ni uguhuza abakristo b’abakozi baba abakorera Leta, abikorera, abakoresha, imiryango idaharanira inyungu (NGOs) hagamijwe kubategura no kubigisha kugirango babe ingirakamaro mu gukemura ibibazo by’ikiremwa muntu, igihugu ndetse babe ingirakamaro mu bwami bw’Imana.

Nyuma yo gushyira hanze iki gitabo “My Work, My Ministry” hitezwe impinduka zikomeye kumuryango mugari nyarwanda binyuze mu butumwa bugikubiyemo buvuga ku bantu babaye intangarugero mu bikorwa bifitiye benshi akamaro urugero: Yosefu, Daniel, Nehemiya babaye mu bihugu by’amahanga mu by’ukuri ntibari abatambyi cyangwa abahanuzi ariko bose bari abakozi kandi bagiriye umumaro ibihugu bari barimo bituma bagira icyubahiro kandi bakoranye n’Imana neza.

Ni muri urwo rwego umukristo wese azasobanukirwa neza agaciro k’umurimo akamenya ko agomba gukoesha imbaraga ze n’ubwenge bwe bwose hagamijwe kugira umumaro mu gukemura ibibazo by’ikiremwamuntu, kugirira igihugu akamaro ndetse n’ijuru rikamubonamo umuntu w’ingirakamaro.

Vestine agakiza.org

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?