Advertisements

agakiza

Advertisements

agakiza

Menya neza ibiranga umugore mwiza n’umugore(...)

Kwamamaza

agakiza

Menya neza ibiranga umugore mwiza n’umugore mubi, usobanukirwe n’ ubwiza bw’umugore ubwari bwo!

byanditswe na: Ubwanditsi     2012-11-14 11:55:45

agakiza

Burya umugore ni we rufunguzo rw’umubano, mu bavandimwe n’abaturanyi. N’ubwo umugabo yagira ubuntu n’urugwiro, n’ubwo yamwenyurira abandi no kugerageza kwakira, ntacyo byamarira abashyitsi, abaturanyi n’abagenzi, kuko inyifato y’umugore ari yo itanga ikaze. Imyifatire mibi y’abagore ni yo yirukana ababagenderera.

Dore bimwe mu biranga umugore mwiza :

1. Yubaha Imana n’umugabo we;
2. Agira umwete ku mirimo myiza;
3. Azi kugabura ku gihe, azi no gushaka ibikenewe;
4. Akunda gufasha abo arusha ubushobozi;
5. Amenya kubana neza n’abaturanyi;

6. Yita ku bashyitsi akabagirira neza;
7. Azi kwifata mu magambo;
8. Yihanganira ubukene n’igihombo;
9. Ubukire ntibumutera isumbwe no kwishyira hejuru;
10. Aharanira ibyakubahisha umugabo we.

Nk’uko umugore mwiza atabiterwa n’ubwiza bw’inyuma ni nako n’ububi bw’umugore budaterwa n’imiterere y’inyuma, ahubwo ububi bushingiye ku ngeso mbi zituma aremerera uwo bashakanye, abo babyaye, abaturanyi ndetse n’abahagenda.

Ibintu biranga umugore mubi

1. Umugore mubi yanga gusangira ingorane n’umugabo we, ntibahuza ibitekerezo, ntabwiza umugabo we ukuri. Iyo umugabo ageze mu byago ,umugore mubi aramutererana.

2. Umugore mubi abaho imibereho itagira intego n’imigambi, yikubira inyungu. Ntamenya ibyo umugabo we akunda, n’iyo abimenye arabimwima. N’iyo abikoze, abikora atishimye.

Urugero runini rukunze kugaragara mu mibonano mpuzabitsina aho yiyima uwo bashakanye yanayikora akiyikora inyungu cyangwa akayikora amucyurira.

3. Iyo agahararo gashize cyangwa habonetse igihombo, umugore mubi atangira gukoresha agahimbano n’incyuro, ndetse no kwikeka.

Urugero: igihe umugabo nta kazi afite,yirukanywe ku kazi,cyangwa ugasanga umugore arusha umushahara umugabo,umugore mubi azamucyurira,amusuzugure rimwe na rimwe amusuzuguze inshuti n’abavandimwe, hari n’abadatinya kumuzaniraho abandi bagabo.

Na none kandi, umugore mubi ntatinya guhemukira uwo bashakanye, abikoresheje gukunda abandi bagabo, akima umugabo we urukundo rutagabanije yari afiteho uburenganzira. Kuri iyi ngingo, umugore nk’uwo aba akomerekeje umutima w’umugabo we, amutesheje agaciro mu bandi, amaherezo benshi bakabigwamo.

4. Umugore uhora ahanganye n’umugabo we. Bene uwo ahora mu ifuti rimwe, yemera icyo ashatse gusa, ntiyemera gukosorwa kandi ntava ku izima. Ibyo bigabanya urukundo umugabo we yamukundaga, kugeza ubwo yifuza abandi bagore cyangwa akabura ubushake bwo kumunezeza. Ni cyo gituma uwo umutima wanze umubiri utamukunda.

Uyu mugore ahora yitotomba. Amategeko atagira ishingiro ni cyo gitaramo amenyereza ab’umuryango we. Iyo byamaze kumutegeka, ntatinya kubigaragariza mu nzira no mu ruhame.

5. Umugore mubi anyereza umutungo akoresheje gusesagura mu iraha n’ibinezeza binyuranye, no kuwiba awuhisha ahandi (awujyana iwabo), gukoresha ibirenze ubushobozi (ibirenze ibyinjira mu rugo). Ubunebwe n’ubutandame bituma yicisha inzara abana, umugabo n’abashyitsi.

6. Umugore mubi aba umusinzi azana ingorane zitesha abana ubwenge, gahunda n’ubuzima. Ntahuza gahunda n’umugabo we, abana be bariyobora bakaba imfubyi akiriho. Akabera ikirumbo uwamushatse, agahinduka inshuti y’abatagira gahunda.

Ikindi ni uko umugore mubi atamenya ibyo asabwa n’ibyo abuzwa. Intwaro akoresha ni ukwivumbura no kwijujuta, ahora yibutswa ibimureba, ahora ahembera amahane.

7. Umugore mubi yemera inama zose atabanje kuzigenzura. Urwe rushobora gusenywa n’iyo avuka, aramutse agendeye ku ngengabitekerezo y’umuryango w’iwabo akomokamo cyangwa inshuti ze. Aho ngaho, umugabo aba asenyewe n’uwamushyingiye (kwa sebukwe).

Bene uwo mugore, nyirabukwe na sebukwe abahindura nka bakeba be, agahora ahirimbanira guhangana na bo ngo agaragaze ko bamubangamiye! Umubano mwiza w’abashakanye ushobora kwangizwa n’umugore wanga inama nziza z’umugabo, akagendera ku z’iwabo n’iz’inshuti mbi afite.

Ingaruka 3 zibaho iyo umuryango ufite umugore mubi:

Ingaruka ni uko ahanini abana bamwigana ibyo abatoza n’ibyo bamwigiraho, bakabyanduza abo babana bikaba uruhererekane mu miryango bazubaka.

Imico mibi y’umugore yica ibyifuzo n’imigambi myiza by’umugabo. Umugabo ntiyongere kumwishimira, bikamutesha icyerekezo cyiza yari afitiye umuryango.

Ibyo umugore mubi yakoreye abaturanyi bituma bagambirira kubimwitura akaba ibuye risitaza ku bamukomokaho kimwe n’abavandimwe.

Nta waba umugore mwiza ngo abure inenge nta n’uwaba mubi gusa ngo abure icyiza na kimwe agira. Icyangombwa ni kumenya ibyo udakora neza ukabikosora n’ibyo ukora neza ukarushaho.

Inkuru dukesha jesus.rw

Ibitekerezo( 10 10 10 10 10 10 10 10 10 10 )

agakiza

TURAYISENGA Delphine

27-11-2012    06:39

Nibyo koko umugore niwe image y’urugo kuko iyo akwishimiye urisanga,yakwanga ugataha hakiri kare kuko niwe mutima wurugo.
Umukristo yari akwiye kuba umugore mwiza nkuko mumaze kubitwereka.

agakiza

nyiraneza

3-10-2013    05:42

ibivuzweho byose nukuri ndabishimye,nikoko umugore ningingo yurugo.Kandi muribi byose binyigishije uko nkwiye kwifata mumisi irimbere kuko nshaka gusanga umukundwa wanje
murakoze cyane inama ibahe amanni.

agakiza

makuba

15-12-2013    05:22

Uyu mugore mubi ndamuzi yateye umugabo we sida bajyanye mu mahanga gushaka ubuzima none aho amugejeje ni aho umwanzi ashaka, ibyo mwavuze byose arabikora uretse gusahura ajyana iwabo kuko ntabo afite n abasigaye ntabakunda. ni ukuli uwanditse ibi bintu ubanza yavugaga uyu mugore nzi.

agakiza

ndemeye

10-01-2014    08:46

Uyu mugore ni uwange ndumiwe ubu mwabibwiwe niki ko aliko ameze,mbakuliye ingofero.

agakiza

Ndacyayisenga jean paul

28-10-2016    23:10

Ariko rero muri rusange njye mbonyeko ntamugore waba mwiza 100% kuko haribyo aba afite byiza ndetse nibibi Ahubwo iyo muvugamo nutuzuyaze twabo kuko nitwo twuzuye gusa kuko njye nzi Abagore benshi bakunda abagabo babo Kd ukabona babanye neza ariko Muriwe adakunda rubanda kd atanabanga gusa ariyo miterereye yewe harii nabirirwa munsengero Bataha ukagirango nisekibi waba hanzemo ntibanyurwe nubushobozi bwa bagabo babo bakajya babaraza kunkeke

agakiza

######

4-05-2017    18:27

muzi kureba kure nibyo umugore mubi atuma ubuzima bwumugabo we buba agahinda gusa

agakiza

Kwibuka

20-07-2017    03:26

Muzatubwire no kubagabo babi

agakiza

Eva

30-07-2017    08:41

Ndabashimiye ku nama nziza mwatugiriye mukomerezaho dukomeze kubaka umuryango nyarwanda.

agakiza

Eva

30-07-2017    08:43

Ndabashimiye ku nama nziza mwatugiriye mukomerezaho dukomeze kubaka umuryango nyarwanda.

agakiza

######

12-03-2018    05:25

yewe ntimubeshye rwose abagore babi muvuze haruwo munyibukije najye nzi umeze atyo p wagirango umuntu wanditse ibi aramuzi

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?