Advertisements

agakiza

Advertisements

agakiza

Kwiyiriza ubusa ni ingenzi ku mukristo.

Kwamamaza

agakiza

Kwiyiriza ubusa ni ingenzi ku mukristo.

byanditswe na: Ubwanditsi     2019-08-06 03:50:15

agakiza

Kugirango umuntu yunguke bisaba ko agira ikintu ashora, ku bacuruzi, igishoro ni amafaranga, ku bahinzi, igishoro ni imbuto. umukristo nawe kugirango anoze umubano mwiza n’Imana hari ibyo yigomwa bimufitiye umumaro, urugero: ibyo kurya.

Mu gihe tudafashe umwanya uhagije wo gutekereza ku bice bitandukanye bigize ubuzima bwacu ngo tubihuze n’urugendo rwo gukorera Imana, bishobora kutworohera guhindurwa n’indangagaciro z’umuryango mugari utugose.

Urugendo rwo gukorera Imana rurimo ibiruhije byinshi bidusaba kwitanga cyane no kwibabaza. mu kuri kwa Bibiliya, iyo twungutse ubwenge bw’umuco w’abakristo, biduha imbaraga zo gutandukanya ibyo tuvoma mu muco wacu n’uko Imana ishaka ko tubaho.

Mu buzima abantu bagerageza kubaho neza, rimwe na rimwe bikabahira ubundi bikabananira, hari amasomo 2 yerekeye ku biryo ariyo kwiyiriza no kurya nabi.
Kurya nabi

Kurya nabi bisobanura gukoresha nabi ibyo kurya. Bishobora kuba kurya cyane umuntu akarenza urugero, kutagira ubumenyi buhagije ku buzima, kutamenya gukoresha neza amafaranga yo guhahisha ibyo kurya no kutamenya ifunguro ryuzuye icyo ari cyo.ibi byose ni ibyaha mu maso y’Imana.

Birumvikana Imana yaduhaye ibyo kurya kugirango tubyishimire. Ibi ntibivuga ko dukwiye gutegekwa nabyo ahubwo tugomba kumenya uko tubyitwaramo ku kigero gishyitse.

Twizera ko Imana ishaka ko mu gihe cyacu dusobanukirwa ko gukoresha nabi ibyo kurya bishobora kutuzanira ibibazo by’ubwoko butandukanye harimo gusenyuka k’umubiri, kwangirika k’ubwonko, gucika intake k’umubiri, ubukene.

Kwiyiriza ubusa bishushanya kwegera Imana

Twabonye ko kurya nabi ari bibi tugomba kubyirinda, imyitwarire myiza cyane Bibiliya idutegeka ni ukwiyiriza ubusa.

Kwiyiriza ubusa ni ukugenda ntabyo kurya witwaje ukamara ahantu igihe runaka intego yawe ari ugushaka Imana.Yesu nawe yiyirije ubusa mu butayu kandi iki gikorwa yakoze n’abakristo b’iki gihe baragikora.

Iyo umuntu yiyirije ubusa yunguka byinshi harimo kumva akeye mu mutwe, kuzigama amafaranga, kugabanya ibiro ndetse no kugira imyitwarire myiza.

Ikintu cy’ingenzi cyane ni uko kwiyiriza ubusa biduhuza na Yesu byimbitse tukumva ijwi rye riruta andi majwi yose. Byongera kwizera, byongera ubumenyi tukagendana kandi tukayoborwa n’umwuka wera.

Bibiliya ishimangira ko kwiyiriza ari ingenzi mu buzima bw’umukristo.

“Hahirwa abafite inzara n’inyota byo gukiranuka” (Matayo 5:6)
“Handitswe ngo umuntu ntatungwa n’umutsima gusa ahubwo atungwa n’amagambo yose ava mu kanwa k’Imana” (Matayo 4:4)

Twabwiwe akamaro ko ko kurya neza uko bikwiriye, ariko reka twe kwibagirwa ko umwana w’Imana ubwe yiyirizaga, urugero rufatika, yamaze iminsi 40 atarya atanywa. Biradukwiye kwiyiriza kuko tuhakura imbaraga zo kurwana n’ibiduhiga bityo tugakomera .

Niba utarigeze wiyiriza, uzabigerageze uzabona inyungu zabyo, niba kandi usanzwe ubikora, ndakwifuriza kongeramo imbaraga.

[email protected]

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?