Advertisements

agakiza

Advertisements

agakiza

Kuki urubyiruko rw’abakirisitu rubuzwa(...)

Kwamamaza

agakiza

Kuki urubyiruko rw’abakirisitu rubuzwa gusomana, kandi bifitiye umubiri akamaro ?

byanditswe na: Ubwanditsi     2016-09-23 02:43:22

agakiza

Nk’uko bikunze kugarukwaho na benshi, Gusomana ni kimwe mu bigira umumaro mwinshi , uretse mu mubiri nk’uko byagaragajwe, usanga ari na kimwe mu bituma kandi abantu basomanye barushaho gukundana no gukumburana buri gihe, kuko iki gikorwa kiba cyanejeje umubiri n’ibyiyumvo by’abagikoze, aha rero akaba ariho benshi bibaza ngo ese kuki mu madini n’amatorero bya gikirisitu usanga babuza urubyiruko rwabo gusomana nyamara mugihe nabo umubiri wabo ukora neza, ukeneye kwishimisha ndetse nabo bakeneye gukunda no gukundwa.

Ibibazo bibaza gutya bikunze kugaragara cyane ku rubyiruko rumaze kugera mu kigero cy’i myaka hagati ya 16 na 35 , babitewe no kubona bagenzi babo basomana, bisanzuranaho ndetse bishimishanya uko bashatse, bigatuma nabo rero bashaka kwinezeza. Nyamara koko si bibi n’umubiri urabikenera ariko ijambo ry’Imana niryo rivuga ngo byose turabyemererwa ariko siko bitugirira umumaro , hari ubuzima umu kirisitu agomba kubamo butandukanye n’ubw’abatizera kubw’inyungu ye no guhesha icyubahiro Imana ye, bugatuma abasha gutandukanya umumaro nyawo ikintu runaka kimufitiye , ari nawo utahungabanya umubano we n’Imana.
Nyamara ariko n’ubwo tubona gusomana nk’igikorwa kimwe birakwiye ko tumenya ko gusomana ari igikorwa kidatangirira mu gusomana nyir’izina cyangwa ngo abe ariho kirangirira.

Inzira gusomana binyuramo n’amaherezo yabyo ku bakundana .

Ku ba kristu benshi Iyo mugitangira gukundana muba mutinyana mugahana intoki mukuramukanya kwanyu, Uko mukomeza guhura mugenda mutinyukana, mukaba mwahoberana nabwo harimo intera hagati yanyu mbese ntimwegerane. Mukwandikirana ubutumwa kuri telefoni, mutangira kwandika ngo Bzzz mugusoza bisobanura ngo Bisou \ kiss, cyangwa ukabivugira kuri telefoni ariko mutarebana .Iyo muhuye, mugendana ushaka ko mwatemberana mufatanye mu biganza, mwatandukana ukihandangaza ukamusoma ku itama ariko ufite ubwoba ko atabibona neza. Kuko agukunda nawe abura imbaraga zikubwira nabi n’ubwo mwese muri abakirisitu kdi umutima ugukomanga ko Atari byiza.

Iyo ubashije ku musoma ku itama aba ari urufunguzo rwa byose, kuko uba urarikiye noneho byibuza kuzaba intwari ukamusoma ku munwa , aha umutima nawo uba ukwemeza ko ari ubugabo uzaba ukoze.
Igihe mubigezeho mukurikizaho gusomana ku munwa akanya gato cyangwa mugatindana. Bavandimwe nshuti dukwiye kumenya ko Imibiri yacu atari ibiti ahubwo ikora uko yaremwe , mugihe ugeze kuri iki kigero akenshi ubwenge buba bukubwirako uri intwari ,ariko imbere y’Imana uba urimo kugana ahantu habi cyane utazabasha kwikura, ariho kurimbuka.

Uko murushaho kwiyumwanamo ni nako hazakurikiraho Gukorakorana , mu mugongo, mu misatsi ,ku mabuno.. ni muba mwiherereye kubera wa munyenga murimo muzisanga mwafunguye ibifungo b’Imyambaro yanyu yaba ishati n’ipantaro, mugasambana mutabiteguye bivuye ku kantu gato gusa ko gusomana. Ibyo rero birangizwa no kurira mukibuka ko muri abakozi b’Imana nyuma.

Icyo Ubuyobozi bw’amatorero bushingiraho mu kubuzanya gusomana ku rubyiruko no Ku Batarashakanye

Nyuma yo gusobanukirwa n’ibi byavuzwe haruguru, bagendera ku kuri kw’ijambo ry’Imana kuvuga ngo:

• Byose turabyemererwa ariko siko bitugirira umumaro ( 1 korint 6 :12)
• Nti muri abanyu ngo mwigenge, kandi abari mu butware bwa kamere ntibanezeza Imana (abaroma 8 :8-11)
• Imibiri yanyu ni insengero z’umwuka wavuye ku mana ( 1 korint 6:15)
• Irari riratswita rikabyara icyaha , icyaha nacyo kikabyara urupfu (Yakobo 1 :15)
• Ikindi ntago umubyeyi abona ibintu nk’umwana, ntago yakureka ngo ujye mu muriro uwureba

N’ubwo wowe wumva ntacyo bitwaye cyangwa wabasha kwirinda, menya ko “ Umutima w’umuntu urusha ibintu byose gushukana, kandi ugira indwara ntiwifuze gukira, Bibiliya ikomeza ivuga ngo Ni nde ushobora kuwumenya uko uri ? Njye Uwiteka ni njye urondora umutima nkawugerageza ( Yeremiya 17 : 9-10 ).

Emerera Uwiteka azagushoboza kudakora ibyo abandi bakora, n’ubwo bifitiye inyungu umubiri, ukwiye kubibonamo igihombo kubwo kunezeza umwami wawe Yesu kristo ube nka Pawulo aho agira ati « Nyamara ibyari indamu yanjye nabitekereje ko ari igihombo ku bwa kristo, ndetse n’ibintu byose mbitekereza ko ari igihombo kubw’ubutunzi butagira akagero , aribwo kumenya Kriso Yesu, ku bw’ uwo nahombye ibyanjye byose ndetse mbitekereza ko aria mase kugirango ndonke kristo….( abafiripi 3 :7-11). Ernest RUTAGUNGIRA

Ibitekerezo( 19 19 19 19 19 19 19 19 19 19 19 19 19 19 19 19 19 19 19 )

agakiza

kiki

3-12-2011    14:33

hahahhaa ibi nibyo kabisa

agakiza

Ndahimana Gaspard

4-12-2011    02:29

icyi kigisho ni kiza rwose gifitiye abantu umumaro cyane cyane urubyiruko murakoze Imana ibahe umugisha

agakiza

wilsonkananura

4-12-2011    11:19

Imana ibahe umugisha kubw’ icyo cyigisho kuko uko ari ukuri kose

agakiza

######

4-12-2011    14:35

DEVOTH

uko nukuri pastor

agakiza

Alphonse

5-12-2011    02:12

Yesu ashimwe bene da ?ibyo muvuze ni ukuri kandi koko urubyiruko rwitirirwa izina ry’Uwiteka dukwiye kumenya ko tugomba kugira itandukaniro rinini hagati yacu nabatitirirwa iri zina rya YESU KRISTO Umwami w’abami.Data wa twese akomeze adushoboze kuko twe ntacyo twakwishoboza.merci

agakiza

Alphonse

5-12-2011    02:16

Yesu ashimwe bene da ?ibyo muvuze ni ukuri kandi koko urubyiruko rwitirirwa izina ry’Uwiteka dukwiye kumenya ko tugomba kugira itandukaniro rinini hagati yacu nabatitirirwa iri zina rya YESU KRISTO Umwami w’abami.Data wa twese akomeze adushoboze kuko twe ntacyo twakwishoboza.merci

agakiza

Maurice

5-12-2011    02:44

Murakozekubw’izi nyigisho muduhaye kandi mudaciye kuruhande ijambo ry’Imana kuko iyo umuntu amenye ukuri ni ko kumuibatura

agakiza

Odace K.

5-12-2011    02:54

yesu ashimwe ! njye ndasaba ko muzadutegurira iki cyigisho kuri audio then mugishyire kuri web kuko ni cyiza cyane Pe ! gusa nabonye audio za Past mwarazihagaritse? kuki mutakomeje kdi mbona binadufasha iyo umuntu adafite umwanya wo gusoma koko ???? Nyamuneka mutugeragerezeee Yesu abahe umugisha!

agakiza

HABUMUREMYI Schadrack

7-12-2011    02:35

iyi nyigisho ni ituruka ku Mana rwose, kandi inkoze ku mutima. Imana igume ibongerere ubwenge bwo ku musobanukirwa no kumwigisha abandi.
Ariko mfite ikibazo; Abashakanye bo bemerewe gusomana n’abo bashakanye ko mwatubwiye ku rubyiruko gusa?

agakiza

elie

7-12-2011    07:17

Izinyigisho ni nziza kabisa ziradufashije cyane nkuru byuruko rukijijwe Amen

agakiza

habimana Jean de Dieu

20-06-2012    06:44

Imana ibahe umugisha kubwiyinyigisho inyongereye intege murugendo nubwo bagenzi banjye bambwiragako ari ubuswa

agakiza

sandrine

8-07-2012    21:02

yewe mwabantu mwe ntako mutarimugize nuko mubwira abatumva,ndakunze izo nyigisho zanyu ninziza cyane kandi zirafashya twebwe urwaruka rw’abakrist,mukomeze umurimo wanyuu uko bikwiye Imana Baudelaire

agakiza

glorieuse

26-07-2012    10:19

Murakoze cyane kuduhugura urubyiruko rukijijwe narwo rwinjiwemo n’izi ngeso ndetse bamwe usanga dushukwa n’ama expression amwe agira :l’amour sans caresse c’est comme une fleur sans audeur ndetse nandi dusanga mubitabo .Ndifuza ko mwadusobanurira kubijyanye no kwambara ipantalo kubagore cg abakobwa

agakiza

Jean Damascene Ngendahayo

14-09-2012    11:51

Binteye gushima Imana nkimara gusoma ubu butumwa na kwita ko atari n’ubutumwa gusa ahubwo ari ubutumwa bwiza bwuzuyemo ibyahumetswe n’Imana. Ni ukuri ntibyoroshye kubwira urubyiruko rumwe na rumwe ko gusomana atari icyaha ngo rubyemere kuko imibiri yabo
ishukana kurusha inda idakora.
Kandi ijambo ry’Imana riravuga ngo" Ntidushobora gukorera Imana mu buryo yemera tudafite umuco wo kwirinda,nitwirinda gusomana, gukaresanya aribyo bifatwa nk’inzira ibangutse yo gusambana, satani azaba amwaye kandi n’uyu mubiri uzaba umwaye. kandi utanabikoze ntacyo wagutwara kuko hejuru y’ imbaraga z’umubiri wuzuye irari hari imbaraga z’Imana.
Gusa urubyiruko rugenzi rwanjye nabisabira kwifata,gusenga,kunesha kuko ijuru ritazabamo abafite uburambe mu kunezeza umubiri wabo.
Imana ikomeze ibafashe mukomeze musakaze uburyohe bw’ubwami bw’ ijuru ku bakomeje kugenda uko bishakiye.Mmfashe dusome Abafilipi ibice byayo byose bishoboka.

agakiza

umuhoza

13-11-2012    21:30

murakoze cyane imana ibahe imigisha yuburyo bwose pe nongeye gutekereza nokwibuka byinshyi muburyo bwo kwitwara neza mugukiranuka

agakiza

HAKIZIMANA WELLARS

17-12-2013    02:16

Aho hose niho Satani aba adutegeye, Birakwiye ko dusenga ubudasiba

agakiza

jean claude harerimana

4-10-2016    05:27

hari cyo nungutse kubyo nibazaga nukuri pe nibyo muzatubwire no kubizira tugomba ku tarya no kunwa cyane cyane ibyo BIBLE ivuga .murakoze cyane

agakiza

jean claude harerimana

4-10-2016    05:27

hari cyo nungutse kubyo nibazaga nukuri pe nibyo muzatubwire no kubizira tugomba ku tarya no kunwa cyane cyane ibyo BIBLE ivuga .murakoze cyane

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?