Kuki abana barira bakimara kuvuka?

Kwamamaza

agakiza

Kuki abana barira bakimara kuvuka?


Yanditswe na: Ubwanditsi     2020-04-21 06:42:43


Kuki abana barira bakimara kuvuka?

Ubusanzwe nta kintu cyiza kibaho nko kumva uruhinja rurira rukimara kuvuka kuko biba bisobanura ko ubuzima bw’umwana bumeze neza. Iyo abana bavutse bahita barira bitewe n’uko baba batishimiye kuva mu nda aho bari baguwe neza bashyushye bakaza ku isi ikonje, ikindi kurira k’umwana bituma ibihaha bye bikora neza.

Amakuru dukesha urubuga www.romper.com inzobere mu buvuzi bw’abana Dr. Ana Machado asobanura ko iyo umwana ari mu nda ibihaha bye biba bimeze nka eponge yuzuye amazi, ahumeka umwuka ahabwa na mama we binyuze mu rureri (cordon amblical) iyo umwana avutse ayo mazi aba agomba gusimburwa n’umwuka, uko umwana arira akimara kuvuka niko ya mazi asohoka mu bihaha hakinjiramo umwuka bityo ibihaha bye bigatangira gukora neza.

Niyo mpamvu kurira k’umwana akivuka ari ingenzi cyane kuko ni igihe ibihaha bye biba bitangiye gukora agahumeka umwuka wo hanze. N’ubwo umwana ukimara kuvuka ahumeka bigoranye ariko iyo arize inzira z’ubuhumekero zirushaho kwaguka kuko kurira bifungura udufuka tw’umwuka (air sacs) ya mazi aturimo agasohoka.

Umwana agomba kurira mu minonota 5-10 nyuma y’uko avutse akaba yarira umunota umwe cyangwa ntugereho. iyo adashoboye kurira haba hari ikibazo ku buzima bwe gishobora kuba giterwa n’uko umwana akonje cyane icyo gihe aba agomba gushyirwa mu cyumba cya bugenewe kirimo ibikoresho bishyushya impinja ndetse abaganga bakamukurikirana kugeza ubwo abashije kurira.

Kuba umwana yarira igihe gito cyangwa kinini si ikibazo kigomba guhangayikisha abantu kuko biterwa n’amazi ashaka gusohora mu bihaha bye uko angana iyo ari menshi arira igihe kirekire kugira ngo abashe kubona umwuka wo guhumeka.

Kurira ni bimwe mu bigaragaza ko umwana uvutse afite ubuzima bwiza kimwe no kubona abumbura amaso bwa mbere akareba isi, yinyeganyeza, anyeganyeza amaguru n’amaboko cyangwa yonka intoki.

Muri macye kurira k’umwana ni urufunguzo rw’ubuzima hano ku isi kandi ni ijwi riryohera amatwi y’ababyeyi ndetse riba rimeze nk’indirimbo y’abamarayika. Nimucyo dusobanukirwe neza impavu umwana arira akimara kuvuka aho aba arimo gufasha ibihaha bye kwakira umwuka wo guhumeka.

Source: www.romper.com

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?