Advertisements

agakiza

Advertisements

agakiza

Kugendana n’Imana, kandi uyumvira

Kwamamaza

agakiza

Kugendana n’Imana, kandi uyumvira

byanditswe na: Ubwanditsi     2019-07-12 06:36:45

agakiza


ITANGIRIRO 12.1-3
1.Uwiteka ategeka Aburamu ati “Va mu gihugu cyanyu, usige umuryango wanyu n’inzu ya so, ujye mu gihugu nzakwereka.
2.Nzaguhindura ubwoko bukomeye, nzaguha umugisha, nzogeza izina ryawe, uzabe umugisha.
3. Kandi nzaha umugisha abakwifuriza umugisha, kandi uzakuvuma nzamuvuma, kandi muri wowe ni mo imiryango yose yo mu isi izaherwa umugisha.

Uyu uvugwa muri iri jambo ni Aburamu umuhungu wa Tera, umucuruzi w’ibigirwamana.

Igihe cyarageze, Aburamu yibaza ku bucuruzi bwa se, arabuhinyura, ahubwo yibwira ko hariho Imana nyamana, bituma imwiyereka, inamutegeka gusiga umuryango we n’inzu ya se akajya aho izamwereka;

Nawe hari ibintu bya kera ugomba kwiyambura (Kamere n’ibyaha), ukabisiga (1Petero2.1), ukumvira Imana nk’uko Aburamu yagenje,

Kuko kumvira Imana birimo inyungu nyinshi, ziruta cyane kuba umuntu yakwiringira ikindi kintu icyo ari cyo cyose, kandi kuko nta kirogoya umugambi w’Imana, iyo wemeye kugira ibyo usiga, na yo iraza ikagendana nawe; nk’uko Imana yagarutse kuri Aburamu ikamuyobora agakomereza i Kanani igihe yari amaze kwitandukanya na Loti(Itangiriro 13.11), ni ko n’umukristo azajya mu ijuru ari uko yamaze kwitandukanya n’ibyaha:

Nyamara umuntu ajya yanga gukizwa neza, yibwira ko nahamya Kristo muri byose azahomba, ikamutera kuyembayemba, agasubira mu byaha (ubusambanyi, ubujura, ruswa, n’ibindi) kugira ngo abone indonke.

Nyamara "Kubaha Imana iyo gufatanije no kugira umutima unyuzwe kuvamo inyungu nyinshi,kuko ari nta cyo twazanye mu isi kandi nta cyo tuzabasha kuyivanamo" (1Timoteyo 6.6-7).

Aburamu na Sarayi rero bamenye ko ikintu k’ibanze mu buzima ari ukumvira Imana, bituma na yo ibaha umugisha nk’uko umubyeyi wese asabira umugisha umwana we umwubaha, akamwumvira;

Nawe biragukwiriye ko muri iyi nzira umenya icy’ibanze, maze ugasaba Imana ikakweza rwose, ukayumvira, kuko ari bwo izabana nawe.

Ijambo ry’Imana na ryo ritubwira ngo:"Mubanze mushake ubwami bw’Imana no gukiranuka kwayo, ni bwo ibyo byose muzabyongererwa" (Matayo 6.33).

Dukwiriye kubaho uko Imana ishaka, aho kubaho uko twishakiye!

[email protected]

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?