Advertisements

agakiza

Advertisements

agakiza

Iyo wiyemeje kurongora cyangwa kurongorwa,(...)

Kwamamaza

agakiza

Iyo wiyemeje kurongora cyangwa kurongorwa, ukwizera kwawe gushobora guhinduka

byanditswe na: Ubwanditsi     2016-04-14 13:54:00

agakiza

Abasoma Bibiliya bazi umuntu umwe witwaga Umwami Salomo (uzi impamvu yanditse igitabo cy’Umubwiriza agira ati: ibintu byose munsi y’izuba ni ubusa). Bibiliya itubwira neza uburyo Imana yamuhaye icyubahiro gihambaye, abakobwa bakajya baturuka imihanda yose ku isi baje kureba ibivugwa kuri Salomo, bahagera ntibatahe bakigumira aho.

Ikosa Salomo yakoze, ni uko yemeye kwakira abo bakobwa kandi buri wese yarazanaga imana ye, akanabaha aho bubakira izo mana. Bibiliya itubwira neza ko byageze aho abo bagore bahindura umutima we ntiwongere gukunda Imana. 1 Abami 11 :1-13

Mu 1 Abami 11:4, BIbiliya iratubwira iti: “Salomo amaze gusaza, abagore be bamutwara umutima agakurikiza izindi mana, bigatuma umutima we utagitunganira Uwiteka Imana ye nk’uko uwa se Dawidi wari umeze.”

Nabonye abasore benshi cyane bafite umuriro w’ Umwuka mbere y’uko barongora cyangwa barongorwa, ariko rindira gato bamare kwinjira mu by’urugo maze wongere ubitegereze. Uzasanga barakonje bameze nka barafu.

Nubabaza uti ni iki cyatumye mukonja mu mwuka bigeze aha, bashobora no kudashobora kuvuga, kuko hari benshi batekereza ko ari ugupfa kurongora cyangwa kurongorwa n’ubonetse wese kuko gusa avuga ati Yesu ashimwe, cyangwa kuko agendana n’abakijijwe.

Niwicarana n’urubyiruko, uzasanga bamwe muri bo bavuga bati: “Nushaka urubyiruko rwo kwizerwa muri iki gihe, uzajye mu bakijijwe. Nakomeza kukuganiriza ukamubaza uti wowe se ko utarakizwa, ugashaka ko abanza gukizwa kugira ngo mukomeze kugirana umubano, nyuma y’igihe gito azajya akwiyereka nk’ukijijwe ariko mu by’ukuri ari ukugira ngo abone aho aguhera.

Nahuye n’abantu bameze batyo. Ni ho usanga umukobwa amaze kurongorwa, yagerayo umusore akamubwira ati: “Yesu wawe n’agakiza kawe byigumanire, njye nagira ngo nkubone gusa, none ndakubonye!”

Nabonye, simbacira umugani ahubwo ni ikintu niboneye n’amaso yanjye. Nugera mu gihe nk’iki, ni ngombwa kwiyemeza ko utazahukana bamwe barananirwa, kandi warasangaga abwira bagenzi be ati: “Imana yamunyeretse!” Kubw’ibi rero, ntabwo azagira ubutwari bwo gusubirayo ngo avuge ati: Narabeshyaga ntabwo Imana yamunyeretse! Nyuma bikaba bibi cyane kugeza ubwo umwe,

Nashaka kujya mu masengesho, azamubuza. Nashaka kujya mu materaniro, azamubuza amubwire ati icara aho. Baba basigaranye ikintu kimwe gusa: gusengera ibyo kurya, icyayi no kujya kuryama.

Ibi rero biterwa n’uko umuntu aba ataricaye ngo atekereze neza ku byo agiye gukora, no ku buryo bishobora guhindura imyizerere ye. Wowe soma ijambo ry’Imana, uzasanga kurongora gushobora kuguhindura. Ni yo mpamvu hari abantu benshi barongoye cyangwa barongowe, bagahindura idini. Iki si ikintu cy’umukino, ni ikintu kigoye cyane ukwiye kugifataho umwanzuro. Iyo uhinduye imyizerere yawe, uba uhinduye urufatiro rw’ubugingo bwawe. Ni yo mpamvu ukwiye kubanza gushishoza cyane mbere yo gufata icyemezo cyo kurongora cyangwa kurongorwa.

Bishoboka nanone ko yaba ari umukristo ushaka kurushinga na mugenzi we w’umukristo, ariko umenye ko kurongora cyangwa kurongorwa ari ikintu gishobora guhindura imyizerere yawe nk’umukristo. Ni yo mpamvu mukwiye kubanza kumvikana kuri buri kimwe mbere yo kurushinga.

Nabonye abasore biyemeje kurushinga, umwe ari umuriteriyani undi ari umupantekoti. Ibintu byarabakomeranye mu gihe byabaga ngombwa ko bumvikana ku bijyanye n’imyizerere yabo. Byabaye birebire, kugeza ubwo byabaye ngombwa ko abayobozi b’amatorero yabo baza kubikiza.

Ubwo bazaga kubimenyesha, narababajije nti koko mwiteguye kurushinga? Baransubije bati turiteguye. Baje kundeba baramaze kujya kwiyereka ababyeyi babo, baraganiriye n’ababyeyi babo, ariko muri icyo gihe cyose ntibari bagatekereza kuri icyo kintu cy’imyizerere yabo. Byageze aho rero umuyobozi w’itorero ry’abaruteriyani yanga ko umukobwa wo mu itorero rye arongorwa n’umupantikoti. Uwo mukobwa namubazaga ibibazo, ntabasha kubinsubiza.

Tuzi ko abapantikoti batabatiza abana bato, ariko abaruteriyani bakababatiza, kandi nimushyingiranwa muzabyara byanze bikunze. Ni ngombwa rero gutekereza kuri ibi mbere y’uko umwemerera ko muzarushinga, ntabwo uzabitekerezaho numara kurongora cyangwa kurongorwa, ngo ubone kuvuga uti: “Abana banjye ntibashobora kujyayo!” Wari uri he kugira ngo ugombe kuvuga utya nonaha? Ushobora kuvuga ko ari ikintu cyoroshye, ariko si ko biri.

Ikindi abantu bumva ko cyoroshye kandi kitoroshye na hato, ni ukujya gusengera ahatandukanye nk’abashakanye. Nabonye benshi batekereza bati: “Nta kibazo nitumara gushyingiranwa umuntu azajya ajya gusengera ahe n’undi ahe.” Ni byo koko mushobora gukora mutyo, ariko se abana bite? Keretse niba nta gahunda yo kubyara mufite.

Nabonye umuntu umwe wo mu burayi kuri televiziyo avuga ati: “Twanzuye ko tutazabyara, bityo twaciririye imbwa mu cyimbo cy’umwana.” Ni uko iyo mbwa bayiha izina, bayiha igitanda n’icyumba cyayo, bayiha isahani yayo, bayishyiriraho igenamigambi, bayishakira muganga wayo, ibishoboka byose. Byashoboka ko ushaka kunyura inzira nk’iyi. Ariko iyo umaze gushyingirwa kandi ukaba uzi neza ko ugomba kubyara, no ngombwa cyane kuganira ku hantu muzajya musengera mbere y’uko mwinjira mu mushinga.

Ntuzikururire intambara idateze kuzava mu rugo rwawe. Uzi ko hari intambara twikururira nta mpamvu! Yesu yari abizi mu gihe hari hataragera ngo aterwa amabuye, yari azi ko bagomba kumutera amabuye ariko arabahunga. None se niba Yesu yarahunze ibyamugeragezaga, ni kuki wowe wibonekeza? Igihe cyo kugeragezwa kwawe nikigera, uzatsinda kuko Imana yaguteguye ngo ube umutsinzi. Iyo uri muri Kristo, uba uri umutsinzi ndetse no kurushaho ariko si byiza kubyikururira.

Mu Baroma 8:37 handitswe ngo: “Ariko muri byose turushishwaho kunesha n’uwadukunze.” Ariko ibigeragezo umuntu yizaniye bishobora kurimbura ukwizera kwe.

None se ko benshi badatekereza kuri iki hakiri kare ariko kikabazanira ibibazo?

Abandi byagera mu gihe cyo gukora ubukwe bakabona kwibaza bati: “Ubu se tugiye gukorera he ubukwe?” iki kibazo ntabwo ari icyo kwibazwa muri ako kanya, uzaba warakerewe kucyibaza. None se, mbere hose wari uzi ko inshuti yawe isengera ahatandukanye n’ahawe. Ariko igihe cyo gushyingirwa kirageze ubona kwibaza ikibazo wari usanzwe uzi, uti turasezeranira mu itorero rya nde? Iyo bigenze bitya mutangira kuryana kandi atari ko byakagombye kugenda.

Ibitekerezo( 3 3 3 )

agakiza

IGENA ZIHINJISHI ESTHER

30-05-2012    09:48

Tubashimira ubushishozi mufite, ikirenzeho ubwitange bwanyu bwo kubigeza kuri benshi IMANA Y’AMAHORO ibibahere umugisha.KOko rero birakwiye ko abashaka kurushinga bombi bareba kure bakamenya ko URUGO ARI UMUSHINGA WO KWITONDERWA kuko rufite uruhare rukomeye mugukizwa cyangwa se kugwa kw’abashakanye.IGitekerezo cyanjye rero ni uko ababa bafite umushinga wo kurushinga bafata umwanya uhagije wo gusenga bakirinda amarangamutima nokubeshyana bakamenya ukuri nyako kandi bakagerageza gufata ingamba z’ubwenge mubihe byosebitandukanye by’ubuzima bantu bagenda bacamo.Biblia igira iti NIMUMENYA UKURI NIKO KUZA BABATURA.

agakiza

petwr

18-10-2012    08:38

mercie, d’avance sur cette ammandement,mais moi si on n’est aas catholique je ne peut pas o ntibakiravoir un acces sur tel ou telle,vraiment mukomezemu bigishekuko hari benci koko bibeshyako ubwo bakundana ngo umweazaja ukwe n’undi ukweariko bakibagirwa ivyanditswe bitagatifu bigira biti "Umugabo abaye umwe n’umugore , ... ubworero ntibaba bakiri babiri ahubwo baba babaye umwe, none se umwenaba umuhrikaundi umuliteri bazahurirahe badahuje ukwemera?ubwo se urwo rurgo ntiruzarangwa n’impaka malgre son saintete?abana babose ubwo bazemera nde bareke nde? nivyo rero biteje impagarara mubana, ivyiza ni ukubana n’uwo muhuje neza neza 100% malgre que l’homme est subjectif uretse Imana y’ukuri ibona hose nza vyose...

agakiza

mugenzi philbert

24-04-2014    09:22

murakoze kutugira inama ibinu bwose bikemurwa nouganira kandi mubwubahane no ngusenga yesu abahe umugisha

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?