Advertisements

agakiza

Advertisements

agakiza

Imana iguhindurire inyito

Kwamamaza

agakiza

Imana iguhindurire inyito

byanditswe na: Ubwanditsi     2019-05-16 05:49:15

agakiza

DANIYELI 3.13-26
... Nebukadinezari yigira ku muryango w’itanura ry’umuriro ugurumana aravuga ati “Yemwe ba Saduraka na Meshaki na Abedenego, mwa bagaragu b’Imana Isumbabyose mwe, nimusohoke muze hano.” Nuko Saduraka na Meshaki na Abedenego baherako bava mu muriro.

Aba bavugwa muri iri jambo ni Hananiya, Meshayeli na Azariya, bagenzi ba Daniyeli bari baravanywe mu Isirayeli bajyanwa bunyago i Babuloni ku ngoma y’umwami w’abami Nebukadinezari II (605 - 562 BC), bahindurirwa amazina babita Saduraka, Meshaki na Abedenego (Daniyeli 1.1-7);

Nyuma baje gutoranywa mu banyabwenge, abanyabwenge bahabwaga ku igaburo ry’umwami, iri gaburo ryabaga ryabanje kumurikirwa ibigirwamana,ariko bo aba bo, ku bwo kubaha Imana, bararyanga ahubwo bihitiramo kujya birira ibishyimbo bakarenzaho amazi (Daniyeli1.12);

Ibi byatumye Imana ibishimira maze ibagirira neza, ibaha impano zinyuranye, irabogeza, ibashyira hejuru mu bwami bwa Babuloni bwose, bitumwa umwami abagira abakozi be (Daniyeli 1.19).

Ariko iri kuzo ryose n’icyubahiro bahawe ntibyabahumye amaso ngo bituma batezuka ku mugambi wabo wo kubaha Imana, ari na cyo cyatumye bemera guhara byose, bakanga itegeko ry’umwami ntibemere kuramya igishushanyo (Daniyeli 3.14)

Iki rero ni cyo cyarakaje umwami cyane, maze ategeka ko abo basore babohwa bakajugunywa mu itanura ry’umuriro ugurumana,

Ariko bagezemo Imana ikomeza kubana na bo, ntibagira icyo baba, maze Umwami Nebukadinezari abibonye aratangara cyane,

Bituma yemera kubahindurira inyito, abitwaga abakozi be abita abakozi b’Imana Isumbabyose, ndetse bimutera no gufata icyemezo cyo kubahisha Uwiteka Imana ya Isirayeli mu bwami bwe bwose (Daniyeli 3.29).

Aba basore rero ni ikitegererezo cy’uburyo nawe ukwiriye kubaha Imana aho uri hose n’igihe cyose, ukitoza kuyihamya mu gihe cy’ibibazo,

Kandi waba ugeze no mu gihe cy’ibisubizo uguwe neza, ukirinda kudamarara ngo biguhume amaso ubyishingikirizeho, bikubuze gukomeza kubaha Imana no kwishingikiriza gusa ku mbaraga zayo;

Ikibabaje ni uko muri iyi minsi hariho benshi mu bitwa Abakristo bagenda ukundi, abo nababwiye kenshi, nanone ndababwira ndira yuko ari abanzi b’umusaraba wa kristo(Abafilipi3.18): bene abo bagera mu ngorane bakiyoberanya, bakibagirwa ko dufite Imana ifite imbaraga zihebuje byose (Zaburi 50.1);

Wehoho wongere wisuzume,niba wari warataye ibyiringiro ugarukire Imana wongere uyigirire ikizere, maze ugendane agakiza nyako, ka kandi kabasha no kugutambutsa aho abandi bananiwe, bubaraye,

Ni bwo izaguhindurira inyito, ibyo wibwiraga ko bitashoboka bishoboke, biguheshe kurushaho kuyizera, kuyivuga neza no kuyamamaza hose.
[email protected]

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?