Advertisements

agakiza

Advertisements

agakiza

Igitambo Imana ikunda kuruta ibindi, ni(...)

Kwamamaza

agakiza

Igitambo Imana ikunda kuruta ibindi, ni umutima umenetse.

byanditswe na: Ubwanditsi     2019-07-18 05:06:41

agakiza

1SAMWELI 10:9
Nuko agiteruka aho Samweli yari ahagaze Imana imuha umutima mushya, maze uwo munsi bya bimenyetso byose birasohora.

Nuko basohoye aho yitegereza Eliyabu aribwira ati"Ni ukuri, uwo Uwiteka yimikisha amavuta nguyu imbere ye."
Ariko Uwiteka abwira Samweli ati"Nturebe mu maso he cyangwa ikirere cye ko ari kirekire namugaye, kuko Uwiteka atareba nk’uko abantu bareba. Abantu bareba ubwiza bugaragara, ariko Uwiteka we areba mu mutima."

Ubusanzwe iyo urwaye umutima, upfa amarabira ni kimwe nuko satani atera abantu indwara z’imitima kugira ngo babeho bakore imirimo y’Imana ariko barwaye niyo mpamvu dukwiye gusaba Imana ikaduha imitima mishya

Imana yita ku mutima kuruta ibindi bice by’umubiri ninayo mpamvu ariho itura.

Hari umutima udaterwa,utarogwa utagambanirwa n’umutima unezeza Imana

Umutima ukomeretse ni Yesu uwukiza ushonje arawuhaza aruhura abarushye
Abantu baremwe mu buryo butandukanye n’umugabo n’umugore bashakanye ntabwo basa ariko iyo bafite umutima w’Imana, nibwo basa nibwo bahuza.
Umutima woroshye niwo Yesu ashaka.

Umutima unezerwa kuko hari abantu bagaragaza mu isura ko ari bazima ariko imitima yabo ifite uburwayi, amahoro Yesu aha abantu be ntagira akagero ntarondoreka, niyo mpamvu dukwiye gusaba amahoro ya Yesu akuzura imitima yacu,
Imitima irwaye ntiyishimira ibyiza by’abandi,wakwambara neza bikababaza,watera imbere bikababaza,intambara tubona zose mw’itorero zihera mu mitima,
Iyo ufite umutima w’Imana uhora ufite amakuru y’ijuru kuko nubwo waba utari gusenga ubona amakuru y’ijuru

Umutima wubaha Imana n’abana ubyaye barayubaha,Umutima wibyaha ubyara abana babanyabyaha iyo badahuye na Yesu

Dawidi n’ubwo yiberaga mu ishyamba aragiye, bene wabo bibereye mu byiza ariko yari afite umutima unezeza Imana.
Imana yabwiye Samweli ko Dawidi afite umutima ikunda, Hari abantu Imana ihamagara bakajyana n’ibyabo bakabura gukuraho iby’Imana idashaka, nkuko yatumye sawuli kwica abamaleki akagenda atoranyamo ibyiza akabisigaza.

Samweli agiye kwimika umwami kwa Yesayi, yazengurutse abana be bose amavuta adasukika kuberako uwo Imana ishaka atari yaboneka, abajije Yesayi niba ntakandi kana gasigaye nibwo yamubwiye ko hari Dawidi, Imana yonyine niyo ifite ubushobozi bwo kumenya imitima no kuyirondora, niyo mpamvu dukwiye kwirinda ibyaha kuko bisazisha imitima.Dawidi amaze kuhagera, samweli azamura rya hembe bihura n’umugambi w’Imana ya mavuta ayamusukaho biremera, kuko Imana yamukundiraga ko agira umutima wihana

Hari ibibazo byinshi bihiga imitima yacu, ariko dukwiye kwihanganira ibigeragezo kuko nabyo biri mu bidusazishiriza imitima, dusenge Imana iduhe imitima imenetse kandi iciye bugufi, kuko ariyo inezeza Imana, ijambo ry’Imana rivuga ko ’’Ibitambo Imana ishima ni umutima umenetse, umutima umenetse ushenjaguwe, Mana, ntuzawusuzugura’’(Zaburi 51:19).
[email protected]

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?