Advertisements

agakiza

Advertisements

agakiza

Ibintu icumi(10), bitangaje utari uzi ku(...)

Kwamamaza

agakiza

Ibintu icumi(10), bitangaje utari uzi ku nkeri

byanditswe na: Ubwanditsi     2019-05-23 10:43:40

agakiza

Inkeri kimwe n’izindi mbuto zitandukanye, zigirira umumaro munini,umubiri
w’uwaziriye, harimo no kugabanya ibyago byo kugira umubyibuho ukabije ndetse no gukenyuka, inkeri zifite umwihariko,akaba ari nayo mpamvu twabateguriye iyi nyandiko.

Inkeri zikungahaye ku binyabutabire bitandukanye,bifasha umubiri muri byinshi nkuko turi bugende tubigaragaza,ntabwo ari ibinyabutabire gusa dusanga mu nkeri ,dusangamo n’izindi ntungamubiri zitandukanye nkaza vitamine ndetse n’imyunyu ngugu itandukanye nk’ubutare ,potasiyumu,manganese,manyeziyumu ndetse n’uturema ngingondodo.

Ibyiza icumi(10), bikomeye bizanywa no kurya inkeri.

Zigabanya ibyago byo kurwara indwara z’umutima nkuko tubikesha ubushakashatsi bwakozwe n’ishuri rikuru ryitwa Harvard ritangaza ko kurya inkeri bigabanya ibyago byo kurwara indwara zifata umutima ku kigereranyo cya 32% ku bana,ndetse no ku bagore bakuze, zibishobozwa nuko zikungahaye kuri potasiyumu ndetse n’uturemangingondodo (Fibres)

Zigabanya ibyago byo kurwara Diyabete kuko zifitemo ubushobozi bwo kuringaniza isukari mu mubiri, zikungahaye kandi kuri fibres, ndetse nyuma yo kuzirya zifasha mu kuringaniza isukari mu maraso.

Ingenzi ku bagore batwite kuko zikungahaye ku butare buzwiho kurinda zimwe mu ndwara zifata urwungano rw’imyakura nka spina bifida indwara yibasira abana bakiri mu nda mbese bataravuka.

Zifasha mu guca ukubiri n’indwara y’agahinda (Depresion) kuko ubutare buba mu inkeri buhagarika kwiyongera k’umusemburo witwa Homocysteine, uyu musemburo iyo wabaye mwinshi utangira amaraso ndetse n’intungamubiri ntibibashe kugera mu bwonko ndetse ugira uruhare mukugabanya akanyamuneza.

Zifasha mukongera ireme ry’ubudahangarwa bw’umubiri bitewe nuko ikungahaye kubinyabutabire bitandukanye ndetse na vitamin C, kurya inkeri bifasha guca ukubiri n’indwara zitandukanye zizanywa nuko ubwirinzi kamere bw’umubiri bwacitse intege

Zifitemo ubushobozi bwo gufasha ubwonko kutananirwa vuba ndetse no gukora neza

Zifasha mu kugabanya ibiro kuko zikungahaye ku ntungamubiri zifasha umuntu guhora yumva ahaze bityo agatakaza ubushake bwo kurya buri kanya.

Zifasha mu kuringaniza umuvuduko w’amaraso bitewe nuko inkeri zikungahaye ku myunyungugu nka potasiyumu sodiyumu na manyeziyumu iyi myunyungugu ifasha mu kuringaniza umuvuduko w’amaraso.

Zifasha mu kugabanya uburibwe cyangwa se ububabare nk’ ahantu wariwe n’uruyuki cyangwa hari ikibyimba runaka ,ibi zibishobozwa nuko zikungahaye kubyo bita antioxidant.

Zirinda kurwara impatwe(constipation) bitewe muko yifitemo amazi menshi ndetse na fibres ingenzi mu kurinda ubu burwayi.

Ibi ni bimwe muri byinshi inkeri zifasha umubiri w’umuntu,ushobora kuzirya ukizisarura, ariko wazikoreye isuku, zitarumagara byaba ari byiza cyane, cyangwa se ukaba wazitegura muri salade,ushobora kandi kuzikoramo umutobe zonyine ntabindi bintu uvanzemo.

Source: www.medicalnewstoday.com
[email protected]

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?