Ese wari uzi ibananga ry’ikiruhuko nyakuri?

Kwamamaza

agakiza

Ese wari uzi ibananga ry’ikiruhuko nyakuri?

byanditswe na: Ubwanditsi     2019-10-08 03:26:07

agakiza

Mwese abarushye n’abaremerewe, nimuze munsange ndabaruhura,mwemere kuba abagaragu banjye munyigireho, kuko ndi umugwaneza kandi noroheje mu mutima, namwe muzabona uburuhukiro mu mitima yanyu (Matayo 11:28-29)

Abantu benshi bagaragara nk’aho umunaniro wabarenze bitewe n’ibibazo byinshi bahura nabyo mu buzima. Ariko birashoboka cyane kwishimira ikiruhuko n’umudendezo byo mu Mana aho batura amaganya yose n’imiruho.
Imana yateguriye abantu bayo uburyo bwo kubafasha gukemura ibibazo byabo, si ngombwa rero guheranwa na byo.

Ikiruhuko Yesu yavugaga dusanga mu butumwa bwiza bwanditswe na Matayo 11: 28-29 ntabwo ari kiriya umuntu afata amaze gukora imirimo ivunanye.ahubwo ni ikiruhuko cy’imbere kuri roho, ubushake n’amarangamutima y’umuntu. Mu bibagora byose mu buzima bwa buri munsi, mwitoze kuza aho Imana iri muruhukire imbere yayo. Musabe Imana kubafasha no kubaha imbaraga zayo hanyuma mubashe kunesha ibigambiriye kubatwaza igitugu.

Ubuzima ntibuhora ari bwiza buri gihe, duhura n’ibikomeye bitandukanye, Imana ishaka ko dushyira ibyiringiro byacu muri yo tugategereza ubwenge n’imbaraga zayo. Ni ngombwa gusenga iri sengesho riboneka mu butumwa bwiza bwanditswe na Yohana 15:5 rivuga ko nta Yesu, ntacyo twashobora gukora, ariko hamwe nawe, byose birashoboka.

Mu gihe wananijwe n’ibibazo byo mu buzima, sigaho kwigirira nabi ahubwo egera Imana uyikoreze imiruho yawe yose kuko yiteguye kuguha ikiruhuko kizima.
Nta kintu na kimwe kinanira Imana. Wowe icyo uabwa ni ugufata umwanzuro wo kwizera Imana n’ijambo ryayo. Imana izi byose bikwerkeye mbere y’uko iguhamagara kugirango winjire mu mubano nayo. Ibitekerezo byawe, amagambo yawe, ibyaha byawe, ibikorwa byawe, ahahise hawe, ibikubaho none n’ibizakubaho. Ikindi kandi yateguye uburyo bwo kurukira muri yo.

Dusobanukiwe rero ko Imana ari ikiruhuko nyakuri kubayizera, icyo dusabwa ni ukuyegera tukayikoreza amaganya yacu ndetse n’ibituremerera mu buzima bwacu twirirwamo. Mu by’ukuri ibanga ry’ubuzima buzira umuruho ni muri Yesu warisangasanga.

Source: www.topchretien.com

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?