Ese tuzi neza umwuka wera?

Kwamamaza

agakiza

Ese tuzi neza umwuka wera?


Yanditswe na: Ubwanditsi     2019-12-11 08:13:45


Ese tuzi neza umwuka wera?

Kunoza imibanire myiza n’umwuka wera ni ikintu cy’ingenzi mu buzima bwa hano ku isi kuko umwuka wera ni umuyobozi akaba n’umujyanama udufasha kunoza uburyo tubana n’Imana bityo bigahindura imyitwarire yacu ndetse n’ubuzima tubamo.

Igihe Yesu yabatizwaga na Yohana Umubatiza, umwuka wera yamujeho afite ishusho y’inuma. Iyo abantu bumvise ibi, rimwe na rimwe bahita bagereranya umwuka wera n’inuma, ariko inuma ni igishushanyo nk’uko Yesu ashushanya umutsima w’ubugingo.

Bibiliya ibivugaho iki?

Umwuka wera aramumanukira afite ishusho y’umubiri usa n’inuma, ijwi rivugira mu ijuru riti: “niwowe mwana wanjye nkunda nkakwishimira” (Luka 3:22)

Umwuka wera nk’umuntu:

Umwuka wera afite ishusho y’umuntu, ni umuntu ariko bitavuze ko ari ikiremwa gifite ubuzima ahubwo bishatse kuvuga ko afite imbaraga ndetse n’umugambi, agira amarangamutima kandi afite ubwenge. iyo tumenye ibi mu mitima yacu bidufasha kubana neza na mwuka wera. Mu by’ukuri umwuka wera ntitubana nawe nk’aho ari inuma,ahubwo tuvugana nawe nkaho ari umuntu.

“Kandi ntimuteze agahinda umwuka wera w’Imana wabashyiriweho kuba kimenyetso kugeza ku munsi wo gucungurwa. Gusharira kose n’uburakari n’umujinya n’intonganya, no gutukana hamwe n’igomwa ryose bibavemo.” (Abefeso 4: 30-31)

Ibi byanditswe byera bivuga ko duteza agahinda umwuka wera, guteza agahinda bisobanura kurushya, kubabaza no kurakaza. Tuzi neza ko umuntu ugira amarangamutima ashobora guterwa agahinda.

Iyo umwuka wera ari muri twe, bigaragarira mu bikorwa byacu no mu magambo tuvuga. Mu gihe umwuka wera ari muri twe ntashobora kudusiga bisobanuye ko yumva icyo tuvuga, tureba n’icyo dukora cyose. Iyo tumwubashye akorera muri twe akatubuza gukora no gutekereza ibyamubabaza no kuvuga ibyamubabaza.

Imibanire myiza n’umwuka wera bihindura imyitwarire mibi y’umuntu agahinduka icyaremwe gishya kuko aba afite umujyanama nyakuri udashobora kumusiga mu byago no mu makuba kuko aba ameze nk’umwuka duhumeka. Dutangira kuganira nawe, dutangira kumarana igihe nawe akatuyobora.

Ikibazo gihari ni uko abantu batabana neza n’umwuka wera. Ibaze nawe kugira incuti idashobora kugusiga, igufasha, ikubyutsa mu gihe uguye, ikuyobora mu kuri, ishaka kukwereka uwo uriwe n’uwo ukwiye kuba we. Ariko ikibazo gihari ni uko abantu bamwe batamenya ko umwuka wera ahari.

Yesu yadusigiye umufasha ukomeye cyane utandukanye n’abana b’abantu iki ni ikintu cy’ingenzi cyane kuko uwo mufasha ntabasha kuduhana mu byago no mu makuba.

Umwuka wera ahebuje byose kuba ingenzi nk’uko Yesu yabivuze:

“Ariko ndababwira ukuri yuko ikizagira icyo kibamarira ari uko ngenda, kuko nintagenda umufasha atazaza aho muri, ariko ningenda nzamuboherereza.” (Yohana 16: 7)

Aha Yesu yashakaga kuvuga ko nagenda aribwo azoherereza abantu be umwuka wera. Yesu yari .Ibi bishatse kuvuga ko Yesu mu gihe yari ari ku isi yabarizwaga ahantu hamwe ariko umwuka wera aboneka mu bantu b’Imana icyarimwe ndetse abera hose icyarimwe.

Iyo twakiriye umwuka wera, akorera muri twe. turi insengero z’umwuka wera, aba muri twe kandi ntajya adusiga. Iki ni igihe cyo kumushimira no kumuha ahantu heza ho gutura mu mitima yacu. “ mbese ntimuzi ko imibiri yanyu ari insengero z’umwuka uwo mwahawe avuye ku Mana? Ntimuri abanyu ngo mwigenge” (1 Abakorinto 6:19)

Source: www.christiantoday.com

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?