"Ese nzajya mw’ijuru?" Ni igitabo kigiye(...)

Kwamamaza

agakiza

"Ese nzajya mw’ijuru?" Ni igitabo kigiye kumurikwa


Yanditswe na: Ubwanditsi     2020-08-28 10:13:26


Umuhoza Kameya Laetitia agiye kumurika igitabo yise " Ese nzajya mu ijuru " kigamije gukangurira abakristo kwitekerezaho bundi bushya bagasuzuma niba koko bahamanya n’ijambo ry’Imana ko ijuru bazaryinjiramo kuko hari byinshi bishobora kubuza umuntu kurijyamo kandi yari aryizeye.

Umuhoza Kameya Laetitia ni umukristo kandi umubyeyi wubatse ufite umutware n’abana babiri.

Kuri iki cyumweru tariki 30 Kanama, Umuhoza Kameya Laetitia arashyira ku mugaragaro igitabo yanditse kitwa "Ese nzajya mu ijuru?" uyu muhango uzakorwa hifashishishijwe murandasi (internet) aho muzabikurikira ku Agakiza TV ndetse n’agakiza.org ku rukuta rwa facebook. Iki gikorwa kizatatangira saa cyenda z’umugoroba.

Iki giatabo Umuhoza acyandika yavuze ko yakigeneye abakristo bo mu madini n’amatorero atandukanye kuko aribo batandukira ijambo ry’Imana naho abatarakizwa bo ntaryo bazi. Ikindi abakristo nibo Yesu yahaye kuba urumuri rw’isi.

Aganira n’agakiza.org, Laetitia yasobanuye impamvu yamuteye kwibaza iki kibazo "Ese nzajya mu ijuru?" ati:"Iki ni ikibazo nibajije kubera ko ndi mu rugendo rujya mu ijuru, ariko nkaba naragiye mu gusoma Bibiliya kwanjye mbonamo ibintu byinshi bigaragaza ko umuntu ashobora kutajya mu ijuru kandi yari aryizeye".

Yakomeje agira ati:"Hari amagambo Umwami Yesu yavuze ko abenshi bazagerageza kwinjira ariko ntibazabishobora, atubwira ati mwisuzume murebe niba urumuri rubarimo atari umwijima, bigaragare rero ko bidahagije kuba umuntu abyuka ajya mu rusengero cyangwa kuba yitwa umukristo aribyo byatuma ajya mu ijuru".

Indi mpamvu yatumye Laetitia yibaza iki kibazo "Ese nzajya mu ijuru?" ni uko abisiraheli bajyaga bagira igihe bakibagirwa amategeko y’Imana bari barahawe ndetse n’ibitabo bakabibika bikazatora uruhumbu, noneho igihe cyazagera nk’umutambyi umwe ushabutse akazabigwaho agakubita uruhumbu rukavaho, akagishyira umwami maze umwami akabona barakoze ishyano. Uyu mubyeyi yavuze ko igihe turimo cyenda gusa n’icyo aho usanga hariho ubuyobe bwinshi cyane kubera ko kudasoma Ijambo ry’Imana

Mubyukuri iki gitabo kigamije kugarura abantu ku mwimerere w’Ijambo ry’Imana ukamenya ngo ese ko kujya mu ijuru bisaba ko ukurikiza icyo ijambo ry’Imana rivuga, wakwibaza uti:"Ese njyewe mu byukuri ndirimo neza?

"Ese nzajya mu ijuru?" Ni igitabo kizasubiza ibibazo bitandukanye byo mu muryango mugari. Umuhoza arabisobanura ati:"Inyota ya mbere nari mfite nandika iki gitabo ni ukwereka abantu ubukungu buri mu Ijambo ry’Imana"

Muri macye, ku cyumweru tariki 30 ukuboza nibwo Laetitia azasobanura byinshi ku gitabo cye cyitwa "Ese nzajya mu ijuru " kandi ni igitabo kizagirira umumaro abakristo benshi bazagisoma kuko kizabafasha kwitekerezaho neza no gufata umwanzuro uhamye ku rugendo rujya mu ijuru.

[email protected]

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?