Ese kugona biterwa n’iki? ni gute wabihagarika?

Kwamamaza

agakiza

Ese kugona biterwa n’iki? ni gute wabihagarika?


Yanditswe na: Ubwanditsi     2020-02-28 06:56:06


Ese kugona biterwa n’iki? ni gute wabihagarika?

Kugona (snoring) ni ijwi ryumvikana mu gihe umuntu asinziriye aho umwuka uzamuka ari mwinshi ugakubita ku imikaya yo mu muhogo bigatanga ijwi ryumvikana. Kugona si ibya none na kera byahozeho. Ariko ku bantu bamwe bishobora kubabaho akarande. Habaho igihe kugona biba ikibazo kuko bishobora kubangamira uwo mwashakanye cyangwa uwo murarana icyo gihe ni ngombwa kwiyambaza muganga.

Kugona bishobora guterwa n’impamvu zitandukanye harimo imiterere y’umunwa wawe, cyangwa se bigaterwa no kunywa alcohol, kugira umunaniro ukabije, kugira ibiro byinshi,ikindi gitera kugona ni ubukonje.

Rimwe na rimwe kugona biterwa n’ikibazo cyo kudasinzira neza,ariko abantu bagona bose siko biterwa n’iyo mpamvu. Mu gihe kugona biherekejwe n’ibi bimenyetso birakwiye ko umuntu yajya kw muganga bakamufasha: kubyuka umuntu aribwa umutwe, kubyuka ubabara mu muhogo, iyo ufite umuvuduko w’amaraso, kuba bibangamira uwo murarana, kubyuka ubabara mu gatuza n’ibindi.

Kugona bibaho no kubana bato, niba umwana agona, baza muganga w’abana kuko ushobora kubyihererana nyamara umwana afite ibibazo byo mu muhogo cyangwa se umubyibuho ukabije udatuma umwuka utambuka neza.

Ubushakashatsi bwakozwe bwagaragaje ko abagabo aribo bagona cyane kurusha abagore, wakwibaza ngo biterwa n’iki? Impamvu abagabo aribo bagona cyane kurusha abagore ni uko abagabo ari bo bafite umuhogo muto (inzira y’ubuhumekero inanutse) ku bagabo bagira icyo kibazo cyo kugona umwuka uzamuka ari mwinshi kandi aho unyura ari hato

Dore uburyo wakwifashisha uhagarika kugona:

Kugabanya inzoga: twabonye ko ibinyobwa bisindisha byongera kugona, kubihagarika rero bituma umuntu asinzira neza.

Kwirinda kunywa amata cyangwa ibiribwa bikomeye mu gihe cya nijoro: kunywa amata ndetse n’ibiyakomokaho bishobora kongera ikibazo cyo kugona kuko amata asiga mucus mu kanwa no mu muhogo iyo mucus igatangira umwuka wo guhumeka.

Ni byiza kandi kureka kurya ibiryo bikomeye ugiye kuryama , iyo ugiye kuryama igifu cyuzuye bishobora gusunika igicamakoma (diaphragm) bikangira ingaruka ku mihumekere.

Kongera vitamine C: vitamine C dushobora kuyisanga mu ipapayi, inanasi,n’izindi mbuto. iyi ishobora gufasha mu kongera ubwirinzi bw’umubiri (immune system) ubu bwirinzi butuma umubiri utunganya inzira z’ubuhumekero.

Gukoresha ibibabi by’inturusu: inturusu ifite akamaro gakomeye ku nzira z’ubuhumekero, iyo ufashe ibibabi by’inturusu ukabishyira hafi y’uburiri bwawe bituma ubasha kwirinda kugona.

Ku bw’ibyo mu gihe umuntu afite ikibazo cyo kugona akwiye kwitegereza ibimenyetso agaragaza, yabona bikomeye akajya kwa muganga. Mu gihe kugona bidakabije umuntu yakwifashisha uburyo busanzwe bwavuzwe haruguru bityo umwuka ukabasha guca mu nzira zawo zabugenewe.

Source: www.draxe.com,

Ibitekerezo (0)

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?