Ese Imana ishaka ko twiyicisha inzara mu(...)

Kwamamaza

agakiza

Ese Imana ishaka ko twiyicisha inzara mu gusenga kwacu ?


Yanditswe na: Ubwanditsi     2011-10-09 13:28:27


Ese Imana ishaka ko twiyicisha inzara mu gusenga kwacu ?

Kwiyicisha inzara, kwigomwa
amafunguro cyangwa Kwiyiriza ubusa bitewe n’imvugo zitandukanye ni bumwe
mu buryo bukorwa cyangwa bukoreshwa n’abantu benshi, ahanini
bagasobanura ko babikora kugira ngo babone imbaraga z’Imana, aha rero
umuntu akaba yakwibaza ati ese Imana ishaka ko twiyicisha inzara mu
misengere yacu ?

Ese ni bande bakunze kwiyiriza ubusa, babikorera iki ?

Abayoboke b’idini ya Islam bakunze kugira igifungo kandi kigenda
kigaruka buri mwaka, ku buryo usanga umuyoboke wese aba yarabifashe
nk’ihame bimwe bakunda kwita igifungo cy’ukwezi kwa Ramazani, bakavuga
ko ari umwanya wo kwishyira mu mwanya w’abababaye maze rya funguro ryawe
ukariha udafite icyo kurya maze Imana ikaguha umugisha.

Abayoboke b’amadini ya Gikirisitu nabo bakunze, kwiyiriza ubusa, gusa
kuri bo usanga babitegura bitewe n’uko babyemeranijweho ku buryo
utavuga ngo ni mu gihe iki n’iki, bo rero bagashimangira ko ayo
masengesho ngo abasha kubaha imbaraga zo kwirukana amashitani, bakemeza
ko Yesu amaze gusenga iminsi 40 yahawe imbaraga akanesha satani washatse
kumugeregeza “Matayo 4:1-11”.

Urundi rugero batanga basobanura ko abigishwa ba Yesu babazaniye
umuntu urwaye igicuri bakananirwa kumukiza, Yesu yamara kumukiza
akababwirra ati : “Bene uwo ntavanwamo n’ikindi keretse gusenga no
kwiyiriza ubusa” bigaragara muri Matayo 17:21.

Nyamara n’ubwo aya masengesho abaho hari n’abandi basenga ariko
batabikozwa bakavuga ko bagendera kuri rya sengesho Yesu yigishije
abigishwabe agira ati : Mujye musenga ngo uko bukeye ujye uduha ibyo
kurya byacu by’uwo munsi” rigaragara muri ‘Luka 11:3’, bo bakongeraho
ko ahubwo basaba Imana ngo ibahe ikibatunga, rero ngo nta mpamvu yo
kwiyicisha inzara.

Inyunganizi ikenewe :

Twemera ko hari abahanga kandi basobanukiwe n’iby’aya masengesho.

None niba ufite ubunararibonye ntiwadufasha kuva mu gihirahiro ?
Tubwire ukuri nyako, Ese koko Imana ishaka ko twiyicisha inzara mu
gusenga kwacu ? niba ari byo ni iyihe mpamvu ?

Ernest Rutagungira

Ibitekerezo (19)

SINDAYIGAYA

5-09-2016    13:39

Nange ndashaka kukinzwa

NDAGIJMANA Félicien

31-03-2014    14:08

Vyukuru gusenga wiyirije ubusa;Bituma ubwonko butekereza neza ukabasha gusabana numukama mubwisanzure ntangere.gusa abeshi ntiduha agaciro Imana niyo mpamvu amahano akomeza kugwira.

29-01-2014    03:00

gusenga wiyirije ubusa birafasha cyane , kuko uhabonera ibisubizo by’ibyifuzo washyize imbere y’imana uwo munsi

Martin RUDAHIGWA

10-12-2013    03:22

gusenga wiyiriza ubusa nibyambere bikuraho byinshi bibi byananiranye ndagira inama nkumuntu ufite ikintu gihora kimucumuza ex: ’gusambana ’ kunywa inzoga ibitabi ’kwikinisha’nibind...ukeneye kujijuka bikagutera kugira itsinzi zaburimusi ’akira inzira ntayindi fata iminsi 10uyikoreshe kuburyo bukurikira nubyubahiriza bizakuviramo imigisha ihebuje:1erejr2emejr, fata amasaha arihejuru yimwe kumusi wa1nokuw2 wicare ahantu hatuje cyane witekerezeho kubyo waciyemo byose guturuka umenye ubwejye kugeza uko ungana uko.3emejr birumvikana mberenambe mwiyimisi2yambere mubyo witekerejeho hari mwibyo wasabaho Imana imbabazi hari nibindi wayishimira ok fata 24amasaha yasenge nturye ntunwe ’urarangiza ubohotse cyane kd Iman ikwakiriye 4’5’6’7’8emejrs reka burundu ibiganiro bipfuye wagiraga cq ukabitega amatwi nabantu abaribobose soma bible pfukama keshe gashoboka ubwire Imana icyo ukeneye saba ubwenjye ubucunge neza.9’10emejr senga 48hr nturye ntunwe utungwe nbible urasoza ushyizwemo imbaraga z’umuka kuzgez kwiherezo ryaw

consolatrice

1-11-2013    11:51

bantu b’Imana kuba turiho n’ukugira ngo dufashanye gusenga njyewe icyo nifuza kandi ndondera n’ugukund’Imana n’umutima wanje wose n’ubwenge bwanjye bwose n’umutima wanjye n’ubugingo bwanjye bwose n’ibyanjye byose ariko ntibikunda gusenga ko nsenga nk’uko mbishaka kuko akenshi ndabyibagirwa n’aho nabyibuka nkacik’intege sinsenge jyewe n’ukuri ndababaye ico nifuza n’uko mwansengera kandi cyane kugira ngo nze mbashye kujya mw’ijuru kandi mbashye gukizwa neza nkuk’Imana ibishaka muzaba mukoze cyane Yes’abahezagire cyane.

CONCILDE

1-05-2013    12:11

Bavandimwe nkunda bakristu Banyarwanda banyarwandakaziNdabwira abakunda gusenga nabadasobanukiwe no gusenga wiyiliza ubusa . Bavandimwe ndababwiza ukuli ,koko niba uli umukristru nyakuli wibwirata kora ibikorwa byiza ukunda mugenzi wawe nkuko wikunda, ibyo nibyo bizatuma ubonana n.imana. Kwiyiliza ubusa ukirengagiza umuvandimwe wawe ufite ingorarane.

Yagutakira ati ntabara nfite ingorane nawe ati oya ntamwanya nfite ndimumasengesho yo kwilyi kwiyiza ubusa ntamwanya nfite !!!!! Bene data ndababwira ukuli gusenga wiyiliza ubusa Imana ibiguherama imbaraga nimigisha .Aliko ayo masengesho nkubwire mwene Data namashengesho
aba akomeye ugomba gukora witonze Udakinisha Imana n,umwana wayo yesu Kristu .Kuko nwe muziko Imana ali igihangange .ibyo ukora byose iba yabimenye mbere .Ngaho rero twilinde gutura imana Ibitambo bihumanye .ndakubwiza ukuli nukunda mugenzi wawe ugafasha wamupfakazi ninfubyi zidafite shinge narugero wa musaza na wamukecuru utifite ndahamya ko
Yesu kristo azakwiyereka buli kanya ko Satani ihora idutitilije ntabubasha izaba ikigufiteho
Ngaho rero Banza Ubabalire abo mufitanye ingingili wirebere ibitanganza Uhoraho agukorera PSLM 22
Ndi ml Holand Yesu akuzwe muti iteka ryose amen kandi amen

sabimbona yeremiya

14-03-2013    10:44

Gusenga wiyiriza ubusa witandukanije nicaha bituma tugiriranira imigenderanire myizan Imana ikatumenyesha Ivyakazozakacu muriyo mgabo tukamenya ko numubiri ukeneye kugaburigwa Ivyo wagenewe

appolonie

14-01-2013    03:55

Gusenga wiyirije ubusa bifite umumaro munini cyane :
1 bigufasha kwegerana n’ Imana kuburyo budasanzwe no kuvugana nayo
2 mu gusenga wiyirije ubusa bigufasha gusubizwa mu byifuzo byinshi wari ufite ku ko uba wabonye umwanya wo kwegerena nayo
3 muri ibyo bihe byiza byo gusenga ubasha kuboneramo imbaraga nyinshi zo guhangana na satani

FAUSTIN B.

17-12-2012    02:56

Mbanje kubashimira, nshimira n’abatanze ibitekerezo.IMPANVU ZO GUSENGA TWIYIRIJE UBUSA NI NYINSHI:1 .Bituma tubona imbaraga zo kurwanya satani
2.dushira ubwoba bwo guhangana n’ibitugerageza
3.Imana ishobora guhindura umugambi mubi yari idufitiye kubera ibyaha byacu kubwo gusenga no kwicisha bugufi(kwa yona,kwa Esiteri......)

MURAKOZE

££££££££££

12-10-2011    02:43

kugirango ukurikire KRISTO,ugomba kugira ibyo wigomwa. Ibyari inyungu zawe ukemera kubihomba ku bwe. Iyo wiyirije ari mu buryo bwo gusenga Uwiteka bigaragaza kwicisha bugufi no kwigomwa kubwayo kdi bitwongerera imbaraga nyinshi mu Mwuka. Naho ibyo muri Luka11:3, Kristo yashakaga kutubwira ko umunsi ujyana nuwabyo, nkuko Abanyayisiraheli mu butayu nabo bagombaga gutoragura manu zuwo munsi, ninako natwe tugomba kwifuza no gusaba Uwiteka ibyumunsi turiho kuko ejo atarahawe kdi ukaba utazi ibyaho, kuko bizwi n’Uwiteka gusa.Tugomba gukorera ijuru nkabarara baritashyemo. Uwiteka abahe umugisha.

Paji: 1 | 2  

Tanga igitekerezo

Amategeko n'amabwiriza arakurikizwa

Haba hari icyemezo ufashe nyuma y'ubu butumwa ?