Advertisements

agakiza

Advertisements

agakiza

Dusigasire Umuco wo gusuhuzanya.

Kwamamaza

agakiza

Dusigasire Umuco wo gusuhuzanya.

byanditswe na: Ubwanditsi     2019-08-08 11:10:29

agakiza

Gusuhuzanya ni umuco uba mu bantu bose batuye isi, by’umwihariko mu Rwanda, gusuhuzanya ni indagagaciro ikomeye dukomora ku banyarwanda bo hambere. Iyo abantu bahuraga bararamukanyaga bahanye ikiganza cyangwa bagahoberana.
Mu gusuhuzanya hari amagambo yabugenewe akoreshwa mu muco nyarwanda: mwaramutse, mwiriwe, muraho. Hari n’izindi nteruro zigizwe n’amagambo abantu bakoresha baramukanya : amashyo ugasubiza ngo amashyo ngore, gira so ugasubiza ngo ndamushimiye, gira abana ugasubiza ngo ndabashimiye. mu buryo bw’ikinyabupfura, umukuru niwe ufata iyambere akaramutsa umuto.

Ku bakristo nabo bafite indamukanyo bahuriraho, iyo umuntu ahuye na mugenzi aramubwira ati: Yesu ashimwe nawe agasubiza ati: Yesu ahimbazwe. Yezu akuzwe, agasubiza ati: iteka ryose.

Mu by’ukuri gusuhuza abandi bigira akamaro, kudasuhuza abandi cyangwa kutabikiriza bishobora kugaragaza ko utabakunda cyangwa ko nta kinyabupfura ugira.

Icyakora hari abantu badakunda gusuhuza abandi. Bamwe babiterwa n’isoni cyangwa kumva bisuzuguye. Abandi bo batinya gusuhuza abo badahuje ubwoko, umuco cyangwa urwego rw’imibereho. Ariko gusuhuza umuntu, n’iyo byaba ari indamukanyo yoroheje, bigira akamaro cyane.

Ese ni akahe kamaro ko gusuhuzanya?

Gusuhuzanya ntibifasha umuntu kugirana umubano mwiza na bagenzi be, ndetse bikamufasha kunoza ibyo akora mu buzima bwa buri munsi.
Ese jambo ry’Imana ritwigisha iki ku birebana no gusuhuzanya?
Gusuhuza abantu b’ingeri zose nta kurobanura ku butoni ni ingenzi.
Igihe Petero yakiraga Umunyamahanga wa mbere mu itorero rya gikristo, ari we Koruneliyo,yaravuze ati: ‘ni ukuri menye ko Imana itarobanura ku butoni’ ( Ibyakozwe n’intumwa 10:34).

Ariko nanone, Petero yabwiye Abakristo ati: “Mwubahe abantu b’ingeri zose, mukunde umuryango wose mukunde bene data” (1 petero 2: 17). Ubwo rero, birakwiriye ko twajya dusuhuza abandi, tutitaye ku bwoko bwabo, ibara ry’uruhu cyangwa aho bakomoka. Ibyo bigaragaza ko tubakunda kandi ko tububaha.
Pawulo yagiriye inama abagize itorero rya gikristo ati: “Mwemerane nk’uko Kristo na we yabemeye kugira ngo Imana ihimbzwe.” (Abaroma 15:7) Pawulo yagarukaga cyane ku bakristo bari ‘baramubereye ubufasha bumukomeza.

Igihe Mariya yendaga kubyara Yesu,Imana yamutumyeho marayika. Uwo marayika yasuhuje Mariya aramubwira ati: “Ni amahoro uhiriwe? Umwami Imana iri kumwe nawe”

Nubwo uwo marayika yabonaga ko gutanga ubutumwa bwa iImana ari inshingano yihariye, ntiyigeze abona ko kuvugana n’umuntu udatunganye bisuzuguritse. Ni yo mpamvu yabanje kumusuhuza. Ibyo bitwigisha iki? Tujye dusuhuza abandi kandi tubereke urukundo.

Pawulo yari azi Abakristo benshi bo mu matorero yo muri Aziya no mu Burayi. Mu nzandiko ze hari benshi yagiye asuhuza abavuze mu mazina. (Abaroma: 16). Pawulo yatahije Abakristo benshi. Yavuzemo :Foyibe, anatera inkunga bene se kugira ngo bamwakire mu Mwami nk’uko bikwiriye abera, no kugira ngo bamufashe mu byo yari kubakeneraho byose.’ Nanone yashuhuje Purisikila na Akwila, agira ati: “Si jye jyenyine ubashima, ahubwo n’amatorero yose yo mu banyamahanga arabashima.
Tubonye rero ko umuco wo gusuhuzanya ari ingenzi kuko bigaragaza ko umuntu yahawe uburere bwiza, kandi n’Imana irabishima. Mbere y’uko twihatira kumenya iby’ahandi,Birakwiriye ko tubanza gusigasira umuco wacu utazavaho ucika.

[email protected]

Ibitekerezo( )

Tanga igitekerezo

HABA HARI ICYEMEZO UFASHE NYUMA Y'UBU BUTUMWA ?